You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
№ 31 (<strong>25744</strong>)<br />
16 2019-тӥ ар 25-тӥ оштолэзь ВАНЬМОН ДЫРЪЯ<br />
www.udmdunne.ru<br />
d<br />
ПОВЕСТЬ<br />
Пинал мылкыд - юмал йӧлпыд<br />
Григорий Данилов<br />
Мар меда малпаз ини?<br />
Дышетӥсь классэ пырем<br />
бере ик Тамаша кизэ йырызлэсь<br />
вылэ ӝутӥз:<br />
- Павел Андронович, милям<br />
юанмы вань.<br />
- Ваньдылэн-а, огнадлэн-а?<br />
- Муртъёс понна уг вераськиськы.<br />
- Тамаша<br />
Паша «милям» шуэмзэ оло<br />
вунэтӥз, оло шӧдытэк кылиз.<br />
- Мон ӧй вала, кызьы<br />
азинскиз революция двоевластие<br />
вакытэ?<br />
- Нош мон кылӥ вал, -<br />
шуиз дышетӥсь, - Ионов,<br />
пе, учебникъёсты наизусть<br />
тодэ.<br />
- Завуч озьы вераз-а?<br />
- Ӧз, ачид училище тыр<br />
верад.<br />
- Верай ке верай но,<br />
дыр... Мон шуисько: ӧй<br />
вала, ведь тодон но валан -<br />
со одӥг макеос ӧвӧл. - Тамаша<br />
Паша Эраст Митрофановичлэн<br />
кылъёсыз вылэ вуиз.<br />
- Туж усто верад, - ушъяз<br />
дышетӥсь. - Я, маиз тыныд<br />
валантэм?<br />
- Большевикъёслэсь тактиказэс<br />
валай, нош кызьы<br />
азинтӥзы революциез меньшевикъёс<br />
но Временной<br />
правительство? Ведь учебникысь<br />
заголовокын гожтэмын:<br />
«Двоевластие вакытэ<br />
революциез азинтон».<br />
Озьыен, сое, большевикъёс<br />
гинэ ӧвӧл, меньшевикъёс но<br />
азинтӥзы.<br />
- Верамад логикаез вань<br />
но, со йыруллань ошемын.<br />
Кин кудпала кыскиз 1917<br />
арын ортчем революциез, со<br />
сярысь учебникын туж валамон<br />
гожтэмын. Но тон ӧд<br />
вала бере, соку кыл сётом...<br />
Павел Андронович ляб<br />
адӟись синъёсыныз журнал<br />
вадьсы мыкырскиз но,<br />
азьчиньыез фамилиосмы<br />
вылтӥ ветлыны кутскиз.<br />
- Вералоз... вералоз...<br />
- Дышетӥсь озьы шуыку,<br />
котьку сюлэм шымырске,<br />
урок дасямын ке но. - Вералоз...<br />
Ионов.<br />
Тамаша Паша дышетӥсь<br />
шоры паймыса учке: Павел<br />
Андронович, оло, сое уг тодма?<br />
Ведь со, Ионов, вераз<br />
ук, темаез ӧз вала шуыса,<br />
табере солэсь ик юа. Классын<br />
мукет Ионовъёс ӧвӧл.<br />
Дышетӥсь сое доска доры<br />
ӧтиз.<br />
- Тонэ, тонэ, коллега, - со<br />
милемыз, вуоно дышетӥсьёс<br />
карыса, коллегаос шуэ.<br />
Косо бере, Тамашалэн<br />
доска доры потытэк амалыз<br />
ӧйлась, нош отчы<br />
потӥд ке, ымад ву ӟузьыса<br />
уд сылы, ато сач! гинэ<br />
«кык» пуктозы. «Коллега»<br />
мадьыны кутскиз. Табере<br />
ӝыныё уз дугды ни: йӧнодано<br />
сямыз аслэсьтыз но<br />
бадӟым. Темаез ӧй вала<br />
Туспуктӥз Максим ЕГОРОВ<br />
шуэмзэ копак вунэтӥз, двоевластие<br />
вакытэ революцилэн<br />
кызьы азинскемез<br />
сярысь шатыр гинэ вера.<br />
Учебникез сяна, со лыдӟем<br />
на РСДРП(б)-лэн съездэзлэсь<br />
материалъёссэ,<br />
«Быдӟым Октябрь» сборникез.<br />
Учебнике ӝикытаса<br />
сётэм материалэз отысь<br />
примеръёсын шобыръя.<br />
Со чалмем бере Павел<br />
Андронович шуиз:<br />
- Я, мар-о ини, паньтэме,<br />
али но ӧд вала на-а, ортчем<br />
материалэз туж умой валамед<br />
шуыса?<br />
Тамаша Паша укное учкыны<br />
кутскиз, чалмыт<br />
сылэ, чыртыысьтыз дэрем<br />
бирдыоссэ пертчылӥз -<br />
солы пӧсь луэм.<br />
- Пуксьы, коллега. Уроктэ<br />
«витьлы» дасямед, нош<br />
пӧяськемедлы дунъет мед<br />
сётоз классэн кивалтӥсьты.<br />
- Милям со - тю-тю, классамы<br />
полной демократия, -<br />
шуиз Олегов. - Эшшо старостамы<br />
ӧй луысал на ке... -<br />
Соколов сое пельтӥз кыскыса<br />
пуктӥз.<br />
- Бен, бен, мон<br />
вунэтӥськем, - Павел Андронович,<br />
милемыз классрукмы<br />
ӧвӧлысь жаляса<br />
кадь, пыдлось лулскиз, собере<br />
интыяз пуксем Тамашалы<br />
вераз: - Пӧяськемедлы<br />
ачид дунъет сёт. Тон малпад<br />
вал, дышетӥсь доре сётэм<br />
ужез эскеронлы висъям<br />
дырез ачиз вераськыса<br />
быдтоз, дасяськытэк лыктэмъёс<br />
эркынак шокчозы.<br />
Озьы-а? Мон соослэсь вуоно<br />
урокын юало.<br />
Со учыр бере Тамаша<br />
Паша история урокын мудронъяськыны<br />
ӧз выр ни,<br />
«мӧйы ӟичы» сое ассэ капканэ<br />
кутӥз.<br />
Сизьыметӥ люкет<br />
Выль эшъёсмы<br />
Берпуметӥ урокысь звонок<br />
сётӥзы гинэ но, классамы<br />
училищеысь дежурной<br />
пыриз.<br />
- Тӥледыз кыӵе ке пиос<br />
витё, - шуиз со.<br />
- Кыӵе ке пиос ке, одно<br />
ик Маловаез ожидатьто, -<br />
тодӥсьяськиз Олегов.<br />
- Ваньды кулэ, пе, мынэ<br />
ӝоггес, соос коридорын<br />
ӝыны час пуко ини.<br />
- Эх, ужтэмъёс, - паймиз<br />
Тамаша Паша, - дырзэс пукыса<br />
быдто.<br />
Коридорын, милемыз витьыса,<br />
кык тодмотэм пиос<br />
сыло вал. Нырысь учкемам<br />
мыным соос огтусоесь<br />
потӥзы, агай-вынъёс кадесь.<br />
Кыксы но сьӧд курткаен,<br />
горд сиресо тӧдьы дэремен,<br />
лыз брюкиен, мырк ныро курень<br />
ботинкаосын. Йырсиоссы<br />
кыкназылэн но чильчиль<br />
сьӧдэсь, синъёссы чагыресь<br />
- Мариналэн братъёсыз,<br />
кожалод. Пӧртэмзы со гинэ:<br />
огезлэн дэремез гарамӧля,<br />
мукетызлэсь гадьзэ кӧжы<br />
пужыё галстук чеберма.<br />
Соос доры нырысь ик чебер<br />
Люсямы бызьыса мынӥз,<br />
галстукенэз азе султыса,<br />
буртчин куараеныз юаз:<br />
- Малы татчы лыктӥды,<br />
Виталий? Комбинатын пумитало<br />
шуид вал ук.<br />
Учке ай, милям мунё кадь<br />
эшмылэн городын тодмоез<br />
вылэм. Виталий солы валэктыны<br />
ӧз ву, ми соосыз<br />
котыртӥм.<br />
- Ӟечбуресь.<br />
- Умоесь.<br />
- Тодматске, - шуиз Люся<br />
милемлы. - Виталий Бушуев,<br />
- галстукенэз шоры<br />
возьматӥз, - лесокомбинатысь<br />
комсомольской секретарьзы,<br />
нош солэн эшез…<br />
Тазэ культмассовикмы уг<br />
тодма вылэм, лыктэм мурт<br />
ачиз вераз:<br />
- Мон Бородин.<br />
Тамаша Паша шонертӥсько<br />
кариз:<br />
- Композитор.<br />
- Ӧвӧл, шофёр гинэ, - шуиз<br />
Бородин. - Нимы но композиторлэнлы<br />
уг тупа: со - Александр,<br />
мон - Алексей. Солэсь<br />
атайзэ Порфирий шуо вылэм,<br />
мынэсьтымзэ - Платон.<br />
Тамаша Пашалэн чыртылёгез<br />
уллань-выллань ветлыны<br />
кутскиз - дыльдыеныз<br />
гуньдӥз-а, мар-а.<br />
Вот угось, кулэтэм азе<br />
ымдэ усьялод ке. Но милям<br />
визь люкмы ассэ воксё возьытэ<br />
ӧз кельты, шуиз:<br />
- Всё равно АП.<br />
- Ойдолэ, эшъёс, дыртоме,<br />
- ӧтиз Виталий, - смена<br />
йылпумъяськытозь, ваньмаз<br />
цехъёсы мед вуыломы.<br />
Соос милемыз нуыны автобусэн<br />
лыктӥллям, кабина<br />
вылӥын «Служебной» гожтэмын.<br />
Озьы кутскиз милям<br />
культмассовикмылэн планэзъя<br />
лесокомбинатэ экскурсимы.<br />
Лесокомбинат город пумысь<br />
нёжалэ интыяськемын.<br />
Отын куке но нюр<br />
вал, дыр: музъемысь<br />
вузэ ӟизатыны комбинат<br />
котыртӥ мур канава<br />
гудӥллям, отын но татын<br />
пичиесь тыос адӟисько. Со<br />
сяна, нюрлэн бервылыз уг<br />
шӧдӥськы ни. Цехысь цехе<br />
сюбег чугун сюресъёс но<br />
паськыт асфальт сюресъёс<br />
кыскемын, соос вылтӥ вагонеткаос<br />
но автокаръёс бызьыло.<br />
Сюресъёс валлин писпуос<br />
будо, висказы - сяська<br />
убоос. Рабочийёс ужан интызэс<br />
шулдыр карыны тыршиллям.<br />
Виталий Бушуев нырысь<br />
ик вакчияк тодматӥз лесокомбинатлэн<br />
историеныз.<br />
Солэн будэм сюресэз олокыӵе<br />
кузь вылымтэ - витьтон кык<br />
ар гинэ.<br />
- Табере, - шуиз экскурсоводмы,<br />
- тӥ адӟоды, кызьы<br />
сумбрес коръёс чебер мебельлы<br />
пӧрмо. Сое радъяз учкыса<br />
ортчоме.<br />
Нырысь ик пырим пул пилён<br />
цехе. Отын пилорамаос<br />
куаш-куач! куаш-куач! ужало,<br />
котырес пилаос жието.<br />
Таяз цехын милемлы вылез,<br />
учкымонэз ӧй вал: пул пилёнэз<br />
гуртамы но адӟеммы<br />
вань. Пӧртэмез со гинэ: татын<br />
огдыре трос пилорамаос<br />
ужало, нош адямиос ӧжыт<br />
адӟисько.<br />
Пул пилён цехын сямен<br />
ик, ми куасьтон, вӧлонвандылон<br />
цехъёсын но кема<br />
ӧм ӝегатске, нош пулъёсыз<br />
волятон, олифаен но лакен<br />
шобыртон, полировать карон<br />
ужъёслы паймим. Кыӵе<br />
чебересь луо вылэм огшоры<br />
пулъёс!<br />
Буяськон участокысен,<br />
Виталийлэсь мадемзэ кылзыкумы,<br />
Тамаша Паша<br />
олоку-мар одӥг мӧйы рабочиен<br />
тодматскыны вуэм.<br />
Ми сое нырысь ыштӥм вал:<br />
со буёлэн наштаськем халат<br />
дӥсям, йыраз кузь, паськыт<br />
ныро картуз изьыям,<br />
ымныраз респиратор понэм,<br />
кияз пульверизатор кутэм<br />
но кыӵе ке пул юдэсэз буяны<br />
выре. Мон сое векчи, ӝужыт<br />
мугорызъя но брюкиезлэн<br />
вакчи кукызъя гинэ тодмай.<br />
Вӧзаз ӵуж мыйыко мӧйы рабочий<br />
сылэ но индылэ:<br />
- Одӥг вадьсы трос пызйиськод,<br />
эке. Пульверизаторез<br />
каньылэн, дыртытэк<br />
улӥысен вылӥе, вылӥысен<br />
улӥе нуллы, буёл огкадь вольыт<br />
мед пуксёз. Краникез<br />
ӧжытак пичияты, зӧк краска<br />
куасьмыса ломдылэ. Тани<br />
тазьы, - со Тамашалэсь пульверизаторен<br />
кизэ солань-талань<br />
нуллэ, пумен вера-валэктэ.<br />
Тамаша Паша пумитаз<br />
маке вера но, валаны уг лу,<br />
бу-бу-бу гинэ кылӥське. Ӧз<br />
чида ни, ымнырысьтыз респираторзэ<br />
куштӥз.<br />
- Тазьы гызмыльтыса<br />
ужад ке, - шуиз, - кӧня гинэ<br />
лэсьтыны вуод?<br />
- Вуттӥськом, эке, планэз<br />
но, обязательствомес но быдэсъяськом.<br />
- Планды пичи, дыр.<br />
- Тодытэк эн вераськы, сое<br />
быдэстыны ой-ёй! кӧня кужым<br />
но тыршем кулэ. Эшшо<br />
чиданы быгатоно на.<br />
- Тӥ посуда возён шкафъёс<br />
лэсьтӥськоды, - Тамаша<br />
Паша вераськон ӧрзэ чутрак
Change language