You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
73-33-42, 8-951-195-37-65<br />
УДМУРТИЕЗ АЗИНТОН<br />
№ 31 (<strong>25744</strong>) 7<br />
2019-тӥ ар 25-тӥ оштолэзь<br />
ТАЗАЛЫК<br />
Ӟеч эмъяны мылкыд кулэ<br />
Ижысь 2 номеро поликлиника Россиысь 4 устоосыз пӧлы пыре<br />
udmgossovet.ru<br />
Елена САРАМАТОВА<br />
Ижысь 2 номеро поликлиника<br />
Россиысь<br />
устоосыз поликлиникаос<br />
пӧлы пыре. Солэсь<br />
дышетскыны вуыло<br />
пӧртэм улосъёсысь<br />
больницаос. Ужан<br />
амалъёссэ пыӵатыны<br />
медо Удмуртиысь мукет<br />
поликлиникаосы но.<br />
Пыд улын, борддорын,<br />
тубатысь кутӥськонъёс бордын,<br />
лифтын - котькытын<br />
бадӟымесь букваосын но яркыт<br />
буёлъёсын гожтэмын,<br />
кыӵе этажын кыӵе врачъёсты<br />
ортчыны луэ. Соин ик<br />
югыт но яркыт 2 номеро поликлиникаын<br />
йыромыны шуг.<br />
Пырон дорын ик электронной<br />
табло вылын возьматэмын<br />
кабинет номер но номерок.<br />
Нялтас вераса, регистратураын<br />
черод уг адӟиськы,<br />
кабинетъёс азьын но буш.<br />
Валтӥсь врач Нина Капачинская<br />
верамъя, калыкез кӧня<br />
ке толэзь куспын дышетыны<br />
быгатӥзы гожтӥськем дырлы<br />
лыктыны. Регистратура пыр<br />
сяна, татын эмчи доры я анализъёс<br />
сётыны гожтӥськыны<br />
луэ Интернет яке нимысьтыз<br />
кылдытэм колл-центр<br />
пыр. Врачъёслэсь ужзэс ӟеч<br />
радъямен, котькуд висисез<br />
учкон-эскерон дыр кузьгес<br />
луиз. Висисьёслэсь картаоссэс<br />
электронной амалэ выжтэмен,<br />
котькуд врач соку<br />
ик быгатэ пациентэз мукет<br />
специалист доры гожтыны -<br />
адямилы регистратурае бызьылонэз<br />
ӧвӧл ни. Нина Капачинская<br />
верамъя, азьланяз<br />
медо регистратуралэсь<br />
воксё куштӥськыны. Озьы<br />
13 терапевтической участок<br />
смена ӵоже 570 адямиез учкыны<br />
быгатэ. Оглом татчы<br />
юнматэмын 28 сюрс адями.<br />
Воштӥськонъёс ортчытэмен,<br />
берло ар ӵоже татын эмъяськыны<br />
мылкыд карисьёслэн<br />
лыдзы 4 сюрслы йылӥз. Эмчиослэн<br />
шоро-куспо уждунзы<br />
60 сюрс манет лыдъяське,<br />
нош эмсузэръёслэн - 30 сюрс<br />
манет.<br />
Кызьы ваньзэ тае<br />
пыӵатыны быгатӥзы? Ужаменызы<br />
тодматскыны кылем<br />
арня вискын вуылӥз Кун Кенешлэн<br />
Президиумез. Депутатъёс<br />
врачъёсын, висисьёсын<br />
кенешизы, кабинетъёстӥ ортчизы.<br />
Калык поликлиникаысь<br />
выльдӥськонъёслы шумпотэмын.<br />
Котькуд адями гожтыны<br />
быгатэ, мар солы уг кельшы.<br />
Поликлиникаын вань куронъёсты<br />
лыдэ басьтыны тыршо.<br />
Нина Капачинская пусъемъя,<br />
воштӥськонъёс сярысь<br />
малпаськыны кутскизы<br />
2016-тӥ арын. Ӵапак соку<br />
Россиын вераськыны кутскизы<br />
«Бережливая поликлиника»<br />
проект сярысь. Со вакытэ<br />
заводъёсын гинэ та выллем<br />
выльдӥськонъёс ортчизы. Кызьы<br />
соосты больницаосы выжтыны,<br />
нокин ӧз тодылы.<br />
- Быдэс коллективен малпаськыны<br />
кутскимы, мар кароно<br />
ужез капчиятон, висисьёслы<br />
дыр тросгес висъян, эмъянлэсь<br />
ӟечлыксэ будэтон сярысь,<br />
- шуэ Нина Евгеньевна.<br />
- Адӟем карыны нокинлэсь<br />
вал бере, асьмеос ик план гожтон<br />
борды басьтӥськимы. Кутскимы<br />
регистратура бордысен.<br />
Угось ӵапак татын поликлиникаослэн<br />
«пӧськызы». Котькуд<br />
висись керӟег луэ. Соослэн<br />
керӟегъяськемзы ужасьёс вылэ<br />
но палаське. Соин ик регистратурае<br />
ужаны пуктӥмы психологез.<br />
Соку ик омыр каньылаз.<br />
3 толэзь куспын регистратураысь<br />
черодэз 4 поллы кулэстыны<br />
пӧрмытӥмы. Нялтас вераса, быдэс<br />
коллективез калыкен ужаны,<br />
секыт мылкыдзылэсь мозмытскыны,<br />
жадемзэс веськатыны<br />
дышетон понна ӧтчаны кутскимы<br />
психологъёсты, нимысьтыз<br />
семинаръёс ортчытъямы.<br />
Котькуд ужасьлэсь вормонъёс-<br />
Выль амалъёсын тодматскон.<br />
сэ премиен дунъяны ӧдъямы.<br />
Специалистъёс сюлмаськемез<br />
шӧдо ке, асьсэос но умойгес ужаны<br />
кутско.<br />
2 номеро поликлиника «Бережливая<br />
поликлиника» проектъя<br />
Россиысь поликлиникаос<br />
пӧлын нырысь ик сертификат<br />
басьтыны пӧрмытӥз. Табере<br />
со Россиысь 4 устоосыз пӧлы<br />
пыре. Но таин гинэ буйганы<br />
уг медо. Татын али диспансеризация<br />
ортчон кабинетъёссы<br />
нимаз, отчы пырон ӧсэз но<br />
нимаз. 3 арлы огпол гинэ диспансеризация<br />
уг ортчыто. Дырын-дырын<br />
пуромылӥсь (хронической)<br />
черъёсын курадӟись<br />
адямиосты ялан чакласа возё,<br />
тужгес но сюлэменызы висисьёсты<br />
но лек пыктосъёслэсь<br />
курадӟисьёсты. Пыктосъёсты<br />
я полипъёсты шедьтыкузы,<br />
врачъёс висисьёссэс соку<br />
ик гожто онколог доры. Тазьы<br />
ужаменызы 75 процентаз<br />
учырын лек пыктосъёс вазь,<br />
1-тӥ но 2-тӥ стадиязы, шараясько.<br />
Али озьы ик меӵак ужаны<br />
медо кардиоцентрен. Поликлиникаын<br />
асьсэлэн маммографсы<br />
но вань.<br />
Тазалыкез утёнъя министр<br />
Игорь Титов пусъемъя, 2 номеро<br />
поликлиника сяна, «Бережливая<br />
поликлиника» проектэ<br />
пыриськизы Ижысь 7<br />
номеро больницалэн нылпи<br />
поликлиникаез но Дэри ёросысь<br />
«Юськи» нылпи санаторий.<br />
Туэ та проект онкодиспансерын<br />
пыӵатэмын луоз,<br />
шуиз со. Озьы ик 2020-тӥ<br />
арозь 136 поликлиникаосын<br />
воштӥськонъёс ортчозы. Кутскозы<br />
стационаръёс борды но,<br />
нырысетӥ интыын - Глазов,<br />
Вотка но Сарапул городъёс.<br />
Россиын стационаръёсъя проект<br />
ӧвӧл на, но вормомы, шуэ<br />
министр.<br />
Кун Кенешлэн Тӧроезлэн<br />
воштӥсез, тазалыкез утёнъя,<br />
демографияя но семьяен ужан<br />
политикая ялан ужась комиссиен<br />
кивалтӥсь Надежда Михайлова<br />
верамъя, поликлиникаос,<br />
ёросъёсысь больницаос<br />
Ижысь 2 номеро поликлиника<br />
сямен ужаны кутскизы<br />
ке, висёнъёсты вазь ик шараяны<br />
луонлык кылдоз, озьыен,<br />
улон даурез кузьгес карыны<br />
пӧрмытомы. Мылкыд гинэ<br />
мед луоз. Угось вань поликлиникаослэн<br />
луонлыкъёссы огкадесь.<br />
Тани 2 номеро поликлиника<br />
но куке-соку Нефтемаш<br />
заводлэн медсанчастез вал.<br />
Выльдӥськон вакытэ завод солэсь<br />
куштӥськиз. Город пуме<br />
интыяськем поликлиникае<br />
али ке но калыклы сюрыны<br />
шуг - транспорт кыдёке дугдэ.<br />
Котьма ке но туннэ больница<br />
азинскыны быгатэменыз паймытэ.<br />
Калык но татчы ялан<br />
куриське. Поликлиникалы та<br />
воштӥськонъёсты ортчытыны<br />
нокин ватсаса уксё ӧз висъя -<br />
татын дунын сётӥськись юрттэт<br />
понна лыктӥсь уксёез быгатыса<br />
кутӥзы.<br />
Юрттэт луоз...<br />
Валентина ЕМЕЛЬЯНОВА<br />
Кылем арня пумын<br />
Ижевск городлэн йырыз<br />
Олег Бекмеметьев,<br />
город администрациысь,<br />
Тазалыкез<br />
утёнъя министерствоысь<br />
специалистъёс Ленин<br />
ёросысь эмъяськон<br />
юртъёстӥ ортчизы.<br />
Эскеризы, кудӥз юрт<br />
тужгес но кулэяське<br />
выльдон-тупатъянлы.<br />
Нырысь ик вуылӥзы Нагорной<br />
ульчаысь 3 номеро<br />
больницае. 2 этажъем юрт,<br />
вылласянь учкыса, ужаны<br />
луонтэм ӧвӧл на кадь. Кемалась<br />
ик ӧвӧл куд-ог тупатъян<br />
ужъёсты но ас кужыменызы<br />
ортчытӥллям. Кызьы<br />
ивортӥз валтӥсь врач Иван<br />
Фокин, бадӟым сюлмаськонлэн<br />
пичи люкетэз гинэ луэ со.<br />
Юртлэсь инъетсэ юнматоно,<br />
пе, вал, нош собере 1-тӥ этаже<br />
интыяськем рентген кабинетэз<br />
возьматыны дыртӥз.<br />
Кабинетын ялан мускыт улэмен,<br />
вӧлдэтъёс но борддоръёс<br />
куашкало. Ужан тӥрлыкъёссы<br />
кемалась выльзэ басьтэмез<br />
кулэ каро. Татын рентген-лаборант<br />
луыса 47-тӥ арзэ тырше<br />
Галина Аркадьевна Телятникова.<br />
Нырысь ужаны кутскыкуз<br />
та больница ӵыжак<br />
выль вылэм, уже но празднике<br />
кадь ветлӥллям. Нош али?<br />
Киыныз гинэ шонтэ, ужаны<br />
луонлыкъёссы партизанъёслэн<br />
выллем, стационарной<br />
аппаратъёссы но ӧвӧл. Нош<br />
та больницае Ленин ёросысь<br />
гинэ уг лыкто, быдэс Ижевскысь<br />
секыт висисьёслы снимок<br />
лэсьто, шуккиськон учыре<br />
шедемъёсты но татчы ваё. Нунал<br />
куспын 40 адями рентген<br />
ортче. Операция лэсьтон кабинетъёссы<br />
но кӧшкемытэсь.<br />
Врачъёс буйгато, кабинетъёслэн<br />
ӟечлыксы адямиослэн тазалыксы<br />
вылын уг шӧдӥськы,<br />
ваньзэс умой эмъяськомы.<br />
Отӥяз вамыштӥзы 4-тӥ<br />
больницае. Одӥг азбаре интыяськемын<br />
2 номеро нылпи<br />
ваён юрт, 4 номеро нылпи поликлиника<br />
но выль больница.<br />
Нырысетӥ кыкъёсыз выльдэм-тупатъямез<br />
кулэ каро.<br />
1957-тӥ арын пуктэм нылпи<br />
ваён юрт туала куронъёслы<br />
кемалась уг тупа. Липетысьтыз<br />
шунась лымы сэрегъёсын<br />
бадӟым йӧ ӟузырилы пӧрме.<br />
Бӧрысь шунась ву пырак юртлэн<br />
гулбечаз шеде. Зор вуос но<br />
гулбечсэ тырмыто. Ялан вузэ<br />
кысконо луэ. Кызьы ивортӥз<br />
валтӥсь врач Кирилл Гасников,<br />
4-тӥ больница но юрттэмлы<br />
кулэяське, пе. Вентиляциосыз<br />
уг ужало, пырон дорысь<br />
плитаосты воштоно, корказьлэн<br />
липетъёсыз ӟизало. Отӥ<br />
ортчыку, ӵыжак выль больницаез<br />
но адӟыны кылдӥз.<br />
Вань кабинетъёсыз калыкез<br />
пумитаны дась ни, кылемын<br />
на лицензия басьтон. Берлоез<br />
тупатъян ужъёс больницаын<br />
ортчытэмын вал 2012-тӥ<br />
арын. Туннэ нуналлы отын<br />
140-лэсь трос пиналъёс эмъясько.<br />
Больницаостӥ ортчем<br />
бере, Олег Бекмеметьев ватсаз,<br />
матысь дыре Ижысь<br />
вань эмъяськон юртъёсыз<br />
выльысь эскерыса потозы.<br />
Зэмос кулэяськисьёслы гинэ<br />
республика ласянь юрттэт<br />
висъяськоз.
Change language