Create successful ePaper yourself
Turn your PDF publications into a flip-book with our unique Google optimized e-Paper software.
№ 31 (<strong>25744</strong>)<br />
НУНАЛ БӦРСЬЫ НУНАЛ 2019-тӥ ар 25-тӥ оштолэзь 5<br />
73-33-42, 33 8-951-195-37-65<br />
195 3765<br />
ИВОР КУДЫ<br />
БАЛЕЗИНО<br />
4 эскерон пыр потӥзы<br />
Скал кыскисьёслэн 23-тӥ<br />
ӵошатсконзы ортчиз.<br />
«Мичурин нимо колхоз» СПКысь<br />
Кожиль фермае ёросысь 18<br />
скал кыскисьёс люкаськылӥзы. Ӵошатскон 4<br />
люкетлэсь радъямын вал: ужан интызэс эскеризы,<br />
тодон-валанзэс сыназы, аппаратъёсыз<br />
сэрттытӥзы-бичатӥзы но скал кыскыны быгатонлыкъёссэс<br />
учкизы. Котькинлэсь трос баллъёс<br />
люказ но вормись луиз «Путь к коммунизму<br />
колхоз» СПК-ысь Елена Никулина, 2-тӥ инты<br />
басьтӥз «Восход» ООО-ысь Татьяна Захарова,<br />
3-тӥ луиз «Развитие» ЗАО-ысь Татьяна Корепанова.<br />
Со сяна, нимысьтыз кузьымен пусъемын<br />
тужгес егитэз ужась - «Прогресс» огазеяськонысь<br />
Алёна Бакулева, озьы ик арлыдоез ужась - «Сергинский»<br />
эштосысь Елена Максимова.<br />
КЕЗ<br />
Дӥсь Москвае вуиз<br />
Арина Максимовалэсь дӥсьёссэ<br />
возьматӥзы Москваын модалы<br />
сӥзем арня дыръя.<br />
9-тӥ классын дышетскись<br />
Арина аслэсьтыз ужъёссэ «Мерседес<br />
Бенц» компанилэн ӵошатсконаз ыстӥз.<br />
Вожвылъяськонэ 2 сюрслэсь трос мурт куриськон<br />
келяз, нош финалэ потӥз 21 егит дизайнер<br />
гинэ. Собере соослэн эскизъёссыя Россиысь<br />
эстрадая кырӟасьёслы костюмъёс вуризы. Та<br />
дӥсен «кизилиос» подиум кузя ветлӥзы. Арина<br />
Максимовалэсь дӥсьсэ возьматӥз кырӟась Дарья<br />
Гривина.<br />
Зэм, таӵе вормон Арина басьтӥз, Ижысь<br />
школае дышетскыны выжыса. Озьы ке но Кез<br />
ёросын солэн вормонэныз туж данъясько.<br />
САРАПУЛ<br />
Тодазы вайизы<br />
композиторез<br />
Городысь культурая «Электрон»<br />
центрын Г. Корепанов-<br />
Камскийлэн творчествоезлы<br />
сӥзем ужрад ортчиз.<br />
Арлыдоос но пиналъёс удмурт композиторлэн,<br />
кырӟасьлэн, поэтлэн улэм-вылэм сюресэныз<br />
тодматскизы, «Гуртэ», «Туганэ», «Исьток но<br />
Насьток» но мукет кырӟанъёссэ кылзӥзы. Тросэз<br />
люкаськемъёс пусйизы, авторлэн куараез<br />
туж чылкыт, шулдыр вал шуыса, нош крезьгуръёсыз<br />
сюлэмез вырӟыто. Городысь «Вуюись»<br />
ансамбле ветлӥсьёс но композиторлэсь<br />
кырӟанъёссэ быдэстӥзы. Ваньзэс паймытӥз 26-<br />
тӥ лицейысь 1-тӥ классын дышетскись Андрей<br />
Петров «Ӟольгыри» кырӟанэныз. Залын пукисьёс<br />
солы кема чабизы.<br />
ГРАК<br />
Семьяослы юрттэт<br />
Ёросын та вакытэ паськыт<br />
мынэ «Семья» акция.<br />
Пӧртэм пумо ужрадъёс<br />
кыстӥськозы 15-тӥ маёзь. Соосты<br />
ортчытонэ пырисько ёрос<br />
администрация, ёрос больница,<br />
дышетон организациос,<br />
уже интыянъя служба но трос мукетъёсыз.<br />
Одӥгъёсыз котрес ӝӧк сьӧрын кенешо семья кусыпъёсты<br />
юнматон амалъёс сярысь, мукетъёсыз<br />
мастер-классъёсын киужъёслы дышетско.<br />
Куд-ог парикмахерскойёс инвалид, трос нылпиё<br />
семьяосын будӥсь пиналъёслы дунтэк услугаос<br />
сёто. Нылпиос но, мӧйыос но мыло-кыдо<br />
пырисько семьялы сӥзем суредъёсын, туспуктэмъёсын<br />
адӟытонъёсы-вожвылъяськонъёсы.<br />
ДЭБЕС<br />
Дано муртэз гажаса<br />
«Юбилейный» стадионын<br />
ӝог вамышъянъя ӵошатскон<br />
ортчиз.<br />
Со сӥземын вал ёрослэсь<br />
дано муртсэ, спортъя калыккуспо<br />
классъем мастерез Валерий<br />
Сунцовез данъянлы. Ӵошатсконэ, Дэбес<br />
ёросысь сяна, Балезино, Эгра, Сьӧлта, Юкаменск,<br />
Глазов ёросъёсысь но Ижевскысь 100<br />
пала атлетъёс вуылӥзы. Дэбесысь спортъя<br />
нылпи школаысь Николай Хохряковлэн но<br />
Уйвай школаысь Василий Ивановлэн дышетскисьёссы<br />
- Анжелика Никитина, Юлия Хохрякова,<br />
Никита Никитин, Никита Калинин,<br />
Максим Хохряков, Ульяна Иванова - ас ёзо<br />
эшъёссы пӧлын вормисьёс луизы, Есения Трефилова<br />
азвесь медаль басьтӥз.<br />
ДЭРИ<br />
Жаг сутӥзы...<br />
Якшурын юртъер ӝуаз жаг<br />
сутэмен йырин.<br />
Кышномурт утялтэм жугжагзэ<br />
сутоно кариськем. Тылскем<br />
дорысьтыз огдырлы гинэ кошкылэм. Со<br />
куспын тыл омырскем кӧс турын вылэ, отӥяз<br />
улон коркаез борды. Вакчи дыр куспын юрт<br />
пеньӟиз.<br />
Шаерысьтымы спасательёс ало: жуг-жагез<br />
сутыны уг яра! Жаляса верано, куд-ог адямиос<br />
та веранэз санэ уг басьто. Нялтас вераса, турын<br />
сутӥсьёсты кыл кутытон улэ кыскыны луэ: нимаз<br />
адямиос понна 3 сюрс манетозь, огазеяськонъёслы<br />
150 сюрс манетозь тыриськон чакламын.<br />
КИЗНЕР<br />
Роботъёслы синмаськизы<br />
Ёросысь 180 школьникъёс мыло-кыдо<br />
ветло робототехникая<br />
кружоке. Соос ёросын, элькунын ортчылӥсь<br />
пӧртэм вожвылъяськонъёсын вормонъёс басьто.<br />
Нош таӵе нылпиослэн лыдзы азьланьын<br />
уката йылыны кулэ. Угось нылпи творчествоя<br />
юртысь дышетӥсьёс потаны кутскизы<br />
гуртъёсысь школаосы но. Алигес, кылсярысь,<br />
вуылӥзы Кӧпкаысь нылпиос доры. Надежда<br />
Соколова визьнодась тунсыко мастер-класс<br />
ортчытӥз. 15 нылъёс но пиос сое, синъёссы чиляса,<br />
кылзӥзы, ёрос центре кружоке ветлыны<br />
мылкыдзы ӝутскиз.<br />
КИЯСА<br />
Уйзэс ӧз изе<br />
Ёросын улӥсьёс мыло-кыдо<br />
пыриськизы «Библиоуй» акцие.<br />
Туэ ужрадлэн программаез<br />
сӥземын вал Театрлэн арезлы.<br />
Уйзэс уката тунсыко радъязы<br />
Лутохаысь библиотекаын<br />
ужасьёс. Соослы юрттӥзы клубын ужасьёс<br />
но. Калашурысь но Дубровскысь культурая<br />
юртъёсын ужасьёс спектакльёсысь люкетъёсты<br />
возьматӥзы. Тани калашуръёс Василий<br />
Садовниковлэсь «Выж вылын» постановказэ<br />
адӟытӥзы. Дубровскъёс бырйиллям Владимир<br />
Котковлэсь «Кунгож сьӧрысь эмеспи» пьесазэ.<br />
Та ӝытэ гуртысь клубе 50-лэсь трос адями<br />
люкаськиз. Соослы мӧзмыны маза ӧз сёты библиотекарь<br />
Раиса Камашева. Ужрадэ вуэмъёсты<br />
со мадиськонъёслы валэктон утчатӥз но<br />
мукет ӵошатсконъёс радъяз.<br />
ПИЧИ ПУРГА<br />
Пиосыныз данъяськоз<br />
Ёросысь 50 пиос туэ тулыс<br />
армие кошкозы.<br />
Соосты сӥлы карыса, ортчиз<br />
Призывниклэн нуналэз<br />
- район администрацилэн<br />
юртаз люкаськылӥзы ёрос<br />
кивалтӥсьёс, армие дасяськись<br />
пиос, военкоматын ужасьёс, югдурез утён удысын<br />
ужасьёс, анай-атайёс.<br />
Ёрослэн йырыз С. Юрин сурон сапег кутчаны<br />
дасяськисьёслы оскемзэ вераз: Пичи Пурга<br />
ёрос ас пиосыныз данъяськыны быгатоз. Тодэ<br />
ваёнъёссэс веразы армие ветлэмъёс.<br />
Вуоно солдатъёслы дасямын на вал шулдыр<br />
концерт, собере соос ваньзы пуксизы туспуктэме,<br />
ёросысь шаертодонъя музее экскурсие ветлӥзы<br />
но Ялан ӝуась тыл доры сяська тугоко вализы.<br />
СЬӦЛТА<br />
Оскизы Вералы<br />
«Свобода» гурт кооперативын<br />
ӵошатскизы скал кыскисьёс.<br />
Вожвылъяськыны 7 мурт<br />
мылкыдзэ вераз.<br />
Конкурсын скал кыскисьёс<br />
3 амалъя кужымзэс мертазы: теориез тодэм-валамзэс,<br />
скал кыскон аппаратэз бичаны<br />
но сэрттыны быгатэмзэс, скал кыскемзэс<br />
возьматӥзы.<br />
Ӵошатскон туж тунсыко ортчиз. Дояркаослэсь<br />
ужамзэс дунъязы ёрос администрациысь<br />
кивалтӥсьёс, гурт кооперативъёслэн<br />
тӧрооссы. Удыссэ тужгес ӟеч валась специалистэн<br />
лыдъямын «Свобода» СПК-ысь Вера<br />
Овечкина. Ӵапак солы оскемын республикаысь<br />
скал кыскисьёслэн ӵошатсконазы мыныны.<br />
ЯКШУР-БӦДЬЯ<br />
Арлыдоос кенешизы<br />
Ёросысь культурая юртын<br />
арлыдоослэн кенешсы ортчиз.<br />
Кылем арын ужамзылы<br />
йылпумъян лэсьтӥз Якшур-<br />
Бӧдья черкогуртлэн йырыз<br />
Сергей Воронцов. «Комфортная городская<br />
среда» проект чотын черкогуртысь 4 шутэтскон<br />
интыез, Ключевой ульчаысь трос квартираем<br />
4 юртъёс котырез тупатъязы. Майиюнь<br />
толэзьёсы но лэсьтӥськон ужъёс азинтэмын<br />
луозы. Кылсярысь, нылпи площадкаын<br />
ӟусъёс, мугор кыдатон интыос кылдыны<br />
кулэ. Ар йылпумъяськытозь, 4 интыысь площадкаосты<br />
но 5 юрт котырез чебергес карозы<br />
на. Пумиськон дыръя верамын на вал: жугжаг<br />
бичан интыос азьланяз вань куронъёслы<br />
тупалозы.<br />
ЯР<br />
Удалтӥз<br />
Яр ёросысь егит семья улон<br />
интызэ тупатон вылысь свидетельство<br />
басьтӥз.<br />
Ёрос администрациысь физкультурая,<br />
спортъя но егитъёсын ужан политикая ёзэн<br />
кивалтӥсь Юлиана Дмитриева ивортэмъя, туннэ<br />
нуналлы улон интызэс умоятонлы черодын<br />
3 семья сылэ. Отчы шедё арлыдзыя 36 аресозь<br />
кузпалъёс. Жаляса верано, одӥгез пар та списокысь<br />
усиз, арлыдзы ортчемен. Одӥгезлы парлы<br />
та нуналъёсы удалтӥз, 529 сюрс манет тыр сертификат<br />
басьтыса. Со коньдонэн гуртысь семья<br />
Удмурт шаермылэн пӧртэм сэрегысьтыз улон<br />
инты басьтыны быгатоз.