Create successful ePaper yourself
Turn your PDF publications into a flip-book with our unique Google optimized e-Paper software.
№ 31 (<strong>25744</strong>)<br />
20 2019-тӥ ар 25-тӥ оштолэзь КЫШКЫТЛЫКЛЭСЬ УТИСЬКОН<br />
www.udmdunne.ru<br />
d<br />
СӤЛЫ КАРОН НУНАЛ<br />
Данъяно ке - рос-прос<br />
Ангелина СНИГИРЁВА<br />
26-тӥ апреле сӥлы<br />
кариськомы но буре<br />
вайиськомы атомной<br />
авариослэсь бервылзэс<br />
утялтонэ пыриськемъёсты.<br />
Ужрад ортчытонэз<br />
быдэсак ас<br />
вылаз басьтэ Удмуртиысь<br />
«Чернобыль»<br />
огазеяськон, но общественникъёс<br />
та данъян<br />
нуналэз радъяны<br />
арысь аре курадӟо.<br />
Малы?<br />
Нимысьтыз радъясь<br />
кулэ<br />
Чернобыльысь атомной<br />
станциын, Челябинск палась<br />
«Маяк» комбинатын<br />
пуштэм бервылъёсты утялтонэ<br />
пыриськемъёсты буре<br />
ваён но данъян нунал «О<br />
днях воинской славы» федеральной<br />
законэн юнматэмын.<br />
Соя ик данъян нуналъёсын<br />
лыдъясько 23-тӥ февраль,<br />
9-тӥ Май праздникъёс.<br />
Берлооссэ паськыт пусйиськом,<br />
угось таоссэ радъян понна<br />
кыл куто министерствоос,<br />
бюджетысь коньдон висъяське.<br />
Но тазьы вераны уг улы<br />
Чернобыле ветлэмъёсты<br />
данъян сярысь.<br />
- Жаляса верано, ужрадэз<br />
ортчытон понна Удмурт<br />
Тӧролы уксё курыса, арлы<br />
быдэ вазиськон гожтоно луиськомы,<br />
- вера радиационной<br />
авариосысь инвалидъёслэн<br />
но ветеранъёслэн «Чер-<br />
Туспуктӥз Ангелина СНИГИРЁВА<br />
нобыль» огазеяськонзылэн<br />
кивалтӥсез Семён Сармакеев.<br />
- Синпелет доры сяська<br />
басьтоно, пичи ке но концерт<br />
дасяно... Пуштэм бервылэз<br />
утялтыны ветлэм ветеранъёс<br />
но кун понна трос<br />
лэсьтӥзы ук. Соослы луыса<br />
кышкыт радиация кортнамын<br />
вал, нош соос кӧня<br />
тазалыксэс быдтӥзы. Бен,<br />
огазеяськонысь ветеранъёс<br />
нокыӵе бадӟым ужрадъёс уг<br />
возьмало. Уноез соос пӧлысь<br />
арлыдоесь ни - пичи ке но<br />
шуныт кыл но сюлэмзэс<br />
шунтысал. Чернобыле ветлэмъёс<br />
пӧлысь ӝыныез ветеранъёс<br />
улонысь кошкизы<br />
С. Сармакеев: атомной станция<br />
пуштэм бервылэз утялтыны<br />
ветлэмъёс трос лэсьтӥзы, тазалыксэс<br />
ӧз жалялэ.<br />
ни. Но Ижысь буре ваён синпелет<br />
доры лыктозы соослэн<br />
семьяоссы. Кузпалзы, атайзы<br />
юнме шорысь улонзэ ӧз<br />
сёты, Атыкай музъемзэ утиз<br />
шуыса, соослэн но тау карон<br />
кылъёсты кылэмзы потэ.<br />
Туж потэ вылэм тазэ но ужрадэз<br />
ас вылаз кыӵе ке министерство<br />
мед басьтысал,<br />
соку со рос-просгес ортчысал.<br />
Ми, общественникъёс,<br />
кыл кутонлэсь, ужрадэз ортчытонлэсь<br />
ум кышкаське, но<br />
милям сое радъян понна сомында<br />
кужыммы но, уксёмы<br />
но ӧвӧл. Собере туннэ огазеяськонмы<br />
вань ке, ӵуказе нуналмы<br />
тодмо ӧвӧл.<br />
Тазалык но синпелет<br />
Семён Сармакеев верамъя,<br />
Чернобылез чылкытатонэ<br />
шаерысьтымы 2 сюрс<br />
500 адями пыриськиз. Туннэ<br />
нуналлы ӝыныез гинэ - ог 1<br />
сюрс 350-эз - улэп кылемын.<br />
Туннэ нуналлы уноезлэн ветеранъёслэн<br />
тазалыксы чутэ<br />
- соослы врачъёс дорын ялан<br />
эскериськыны кулэ. Зэм, ветеранъёслы<br />
йӧнатскыны луонлык<br />
сётэмын Ожысь ветеранъёслэн<br />
элькун госпиталязы.<br />
Но татын но тырмымтэосыз<br />
вань.<br />
- Одӥг лыктэмен адями<br />
пӧртэм специалистъёс дорын<br />
тазалыксэ эскерыны, юнматыны<br />
мед быгатысал, - азинтэ<br />
веранзэ С. Сармакеев. - Уката<br />
сюлмаськоно пыдлось гуртъёсысь<br />
ветеранъёс понна,<br />
угось ёросъёсысь врачъёсын<br />
эшшо но шуггес. Кылсярысь,<br />
адями тазалыксэ тупатыны<br />
лыктэ, нош госпитальын хирург<br />
но, уролог но ӧвӧл. Приволжск<br />
федерал округез учконо<br />
ке, асьме госпиталямы<br />
эмъяськон процедураос но<br />
лэсьтӥсько тужгес ӧжыт.<br />
С. Сармакеев радиационной<br />
пуштэм бервылэз утялтонэ<br />
пыриськисьёсты данъясь<br />
выль синпелет пуктон<br />
сярысь но сюлмаське. Алиез,<br />
пе, пуштэм бервылын<br />
быремъёсты буре ваёнлы<br />
сӥземын. Нош уноез асьме<br />
шаерысь воргоронъёс, кылсярысь,<br />
Чернобылез чылкытатэмзы<br />
бере доразы<br />
трос бадӟым данъетъёсын<br />
бертӥзы. Озьы общественникъёс<br />
Иж город администрацилы<br />
вазиськизы, пӧсь<br />
интыосын ожмаськем ветеранъёслы<br />
сӥзем синпелет<br />
вӧзы эшшо одӥгзэ пуктыны<br />
курыса. Та ӵектон туж интыяз,<br />
угось али Нылпиослэн<br />
но егитъёслэн творчествозыя<br />
юрт вӧзы «Патриот»<br />
сквер лэсьтон сярысь вераськон<br />
мынэ. Солы проект<br />
но дасямын ни.<br />
Туэ но люкаськозы<br />
Но номыр шоры учкытэк,<br />
огазеяськонысь<br />
азьветлӥсьёс данъян ужрадэз<br />
ас кужыменызы ортчытыны<br />
туэ но дасясько.<br />
Та нуналъёсы ветеранъёс<br />
но Монтажной техникумысь<br />
студентъёс радиационной<br />
авариосын быремъёсты<br />
буре ваёнлы сӥзем синпелет<br />
котырез утялтӥзы. Та<br />
сяна, арлы быдэ Ижысь Дун<br />
чылкыт Михаиллэн собораз<br />
быремъёсты буре вайыса,<br />
ветеранъёслэн тазалыксы<br />
понна вӧсяськон ужрад ортчылэ.<br />
Сое радъяны огазеяськон<br />
юромо черклы «Чернобыльский<br />
спас» мудор кузьмаз.<br />
Та бӧрсьы синпелет дорын<br />
пумиськон ортчоз, ветеранъёс<br />
но соослэн семьяоссы,<br />
общественникъёс сяська<br />
керттэтъёс понозы, Нылпиослэн<br />
но егитъёслэн творчествозыя<br />
юртысь пиналъёс<br />
крезьгуро концерт возьматозы.<br />
ШУНЫТ КЫЛ<br />
Шуг-секытлэсь ӧз пегалля<br />
Мария ГЕРАСИМОВА,<br />
Шаркан ёросысь Кыква<br />
школаысь 10-тӥ классын<br />
дышетскись<br />
33 ар талэсь азьло 26-<br />
тӥ оштолэзе Чернобыльысь<br />
атомной станция<br />
пуштӥз. Сое утялтонэ<br />
вуылӥз мынам<br />
ӵужмуртэ Пётр Михайлов<br />
но, та понна<br />
со трос данъетъёсын<br />
пусъемын.<br />
Яратоно ӵужмуртэ Пётр<br />
Валентинович Михайлов<br />
1957-тӥ арын Шаркан ёросысь<br />
Ключи гуртын вордскиз.<br />
Семьяязы 7 пиналъёс<br />
вылӥллям: 6 апай-сузэръёс<br />
но Петя ӵужмуртэ.<br />
Военкомат пыр со шофёрлы<br />
дышетскиз, собере<br />
басьтӥзы армие. Службаез<br />
бере берытскиз гуртаз.<br />
Ужаз «Кыквинский»<br />
совхозын тракторист луыса.<br />
Кузпалъяськиз, вордскизы<br />
нылпиосыз: Лариса<br />
нылыз но Денис пиез. Но<br />
Пётр Михайловлэн архивысьтыз<br />
П. Михайлов Чернобыльысь пуштэм<br />
интыез утялтыны ветлӥз.<br />
шӧдтэк шорысь военкоматысь<br />
повестка вуиз: 1987-<br />
тӥ арын 1-тӥ куарусёнэ<br />
ӵужмуртме Чернобыле келязы.<br />
Пуштэм бервылэз 3 толэзь<br />
утялтӥз. Отын со нырысь<br />
шофёр вал, берло взводэн<br />
кивалтӥз. Котыр кышкыт<br />
радиация вӧлмемын<br />
вал бере, ӵужмуртэ отысь<br />
коркаосты музъем пушкы<br />
согылонэ пыриськиз, станция<br />
котырысь гуртъёсысь<br />
кошкытэк кылем пересьёслэсь<br />
коркаоссэс кышъялляз.<br />
Котькуд ужез со мылысь-кыдысь<br />
быдэсъяз, номырлэсь<br />
ӧз пегалля, тодэ<br />
вал ке но, радиация тазалыксэ<br />
быдтоз шуыса.<br />
Чернобыльын со тодматскиз<br />
но эшъяськиз Алнаш<br />
ёросысь Константин Мартыновен.<br />
Табере соос котькуд<br />
гужем пумиськыло,<br />
синвуаськыса тодазы ваё<br />
Чернобыльын ортчытэм вакытсэс.<br />
Петя ӵужмуртэ али<br />
улэ Дэбес ёросысь Бер<br />
Шудӟалуд гуртын. Ваньмыз<br />
солэн умой кадь - вӧзаз<br />
яратоно кузпалыз, будӥзы<br />
ни нылпиоссы, соослэн нунокъёссы<br />
вордӥськизы. Но,<br />
жаляса верано, Чернобыльын<br />
басьтэм яраосыз асьсэ<br />
сярысь ялан тодазы вайыто,<br />
ӵемгес висьыло ни<br />
пыдъёсыз. Озьы ке но со<br />
тэк уг улы: гурт котырзэ<br />
ӝикытатэ, утялтэ, милемлы<br />
но, бускельёсызлы но<br />
быгатэмезъя юрттэ.<br />
Чернобыльысь пуштэм<br />
бервылэз утялтонэ пыриськемез<br />
понна Пётр Михайлов<br />
данъямын «За спасение<br />
погибавших», «Чернобыльский<br />
значок», «25 лет Чернобылю»<br />
медальёсын.<br />
Мон туж зол данъяськисько<br />
Петя ӵужмуртэным.<br />
Сӥзисько солы андан кадь<br />
тазалык, зарезь быдӟа шудбур,<br />
ваньзэ умойзэ, мар вань<br />
та югыт дунне вылын.