Create successful ePaper yourself
Turn your PDF publications into a flip-book with our unique Google optimized e-Paper software.
73-33-42, 33 8-951-195-37-65<br />
195 3765<br />
ТОДМО НИМЪЁС<br />
№ 31 (<strong>25744</strong>)<br />
9<br />
2019-тӥ ар 25-тӥ оштолэзь<br />
ЛЮКИСЬКОН<br />
Паймытъяз быдэс дуннеез<br />
Улонысь кошкиз Анатолий Мамонтов<br />
23-тӥ апреле улонысь<br />
кошкиз Анатолий Васильевич<br />
Мамонтов<br />
- Удмурт Элькунлэн<br />
дано гражданинэз,<br />
Россиысь искусство<br />
удысысь дано ужась,<br />
Россиысь но Удмуртиысь<br />
калык артист,<br />
Трудовой Красной<br />
Знамя орденлэн кавалерез.<br />
Анатолий Васильевичлы<br />
82 арес вал.<br />
Нокин уз вошты<br />
Владимир Лебедев, Удмурт<br />
Элькунысь академической<br />
хоровой капеллаысь<br />
кырӟась, Удмуртиысь<br />
калык артист:<br />
- Анатолий Васильевич<br />
туж бадӟым профессионал но<br />
туж умой адями вал. Удмурт<br />
лулчеберетэз со кадь азинтыны<br />
быгатӥсь быдӟым артистъёсмы,<br />
дирижёръёсмы али<br />
ӧвӧл. Малпасько, соос будозы<br />
на, но Анатолий Васильевичез<br />
нокин но уз вошты.<br />
А. Мамонтовен ми 20 арлэсь<br />
трос ӵош ужамы. Кунгож<br />
сьӧры ӵем поталлямы,<br />
странаетӥмы ветлӥмы, быдэс<br />
Удмуртиез ортчимы.<br />
Котькыӵе дыръёс вал. Куддыр<br />
кырӟан пумысен малпанъёсмы<br />
мукетгес вал, но ми<br />
котьку огкыл шедьтылӥмы.<br />
Со быдӟым дышетӥсь вал.<br />
Кырӟасьёсты, балетысь артистъёсты,<br />
оркестрантъёсты<br />
будэтӥз. Туж трос адями солы<br />
тау шуэ.<br />
А. Мамонтов котьку аслэсьтыззэ<br />
лэсьтэ вал, номыр шоры<br />
учкытэк, ужзэ быдэстэ - та<br />
сямзэ котьку гажай. 1990-тӥ<br />
аръёсы, куке Россилэн но Эстонилэн<br />
алама кусыпъёссы вал,<br />
Москваын концерт сётӥмы.<br />
Милемыз программаысьтымы<br />
эстон эктонэз куштыны<br />
косӥзы. Анатолий Васильевич<br />
шуиз: эктон янгыш ӧвӧл, со<br />
культура, политика ӧвӧл. Эктонэз<br />
пуктӥм, калык туж умой<br />
пумитаз, бӧрысь тау каризы.<br />
Сыӵе учыръёс луыло вал.<br />
Анатолий Васильевич кошкемен,<br />
удмурт культуралэн<br />
быдэс эпохаез кошкиз. Музъем<br />
небыт мед луоз солы.<br />
Выжыкыл дуннеын<br />
улӥмы<br />
Михаил Чернов, «Италмас»<br />
ансамбльысь артист:<br />
- Быдӟым мастеръёс 100<br />
арлы одӥг пол вордско, шуо.<br />
Анатолий Мамонтов ӵапак<br />
сыӵе вал, солэн кошкемез - Удмуртилы<br />
бадӟым ыштон. Удмурт<br />
шаертӥ концертъёсын<br />
ветлыкумы, калык сое туж<br />
умой пумита вал, аслэсьтыз<br />
дано пизэ сямен.<br />
Анатолий Васильевичен<br />
4 ар ужай. Дышетскеме бере<br />
«Италмасэ» интыяськи. А.<br />
Мамонтовлэн ансамблез мыным<br />
туж бадӟым школа луиз.<br />
«Удмурт дуннелэнз» архивысьтыз<br />
Анатолий Васильевич вордскиз 7-тӥ оштолэзе 1937-тӥ арын Дэри ёросысь Изгуртын.<br />
1960-тӥ арын со йылпумъяз Казаньысь консерваторилэсь дирижёрской отделенизэ.<br />
Иже берытскемез бере 2 ар ӵоже «Италмаслэн» хормейстерез вал, бӧрысь солы ансамбльлэн<br />
художественной руководителез луыны оскизы. А. Мамонтов 50 арлэсь кема<br />
кивалтӥз кырӟанъя но эктонъя «Италмас» кун ансамблен. «Италмас» - элькунысьтымы<br />
нырысетӥез профессиональной ансамбль - Анатолий Васильевичлы луыса быдэс Россиын<br />
но солэн палэназ тодмо луиз, калыккуспо фестивальёсын вормылӥз.<br />
Коллектив бадӟым ке но, со<br />
котькудӥныз кыл шедьтэ вал.<br />
Удмуртиын со кадь номеръёс<br />
нокин уг пуктылы<br />
ини. Кузпалыныз - Леонора<br />
Викторовна балетмейстерен<br />
- соос огкылысь ужазы. Анатолий<br />
Васильевичлэн режиссёрской<br />
адӟонэз но туж зол<br />
вал. «Италмасын» постановкаос<br />
театрын кадь ортчылӥзы.<br />
Артистъёслэн учкисен кусып<br />
возьыны асьсэлэн кылзы<br />
вал. Концертной программа<br />
одӥг номерысь мукетаз<br />
лякытэн выжылӥз: эктонъёс<br />
кырӟанъёсын герӟаськемын<br />
вал. Постановкаосмес учкыса,<br />
милемлы шуылӥзы: тӥ, дыр,<br />
кыӵе ке выжыкыл дуннеын<br />
улӥськоды.<br />
Мон малпасько, «Италмас»<br />
ансамбльлэн но А. Мамонтовлэн<br />
нимъёссы люконтэмесь<br />
луо.<br />
Атай, эш, дышетӥсь,<br />
кивалтӥсь<br />
Алексей Хитрин, «Италмас»<br />
ансамбльысь артист,<br />
Удмуртиысь калык артист:<br />
- А. Мамонтовен ӵош мон<br />
30 ар ужай. Со артистъёслы<br />
атай но, дышетӥсь но вал. Соосты<br />
со будэтэ вал: адями ыльнянь<br />
кадь лыктэ, нош Анатолий<br />
Васильевич солэсь пирог<br />
лэсьтыны быгатэ. Дышетӥз,<br />
кызьы кырӟаны, эктыны,<br />
дӥсяськыны... Анатолий Васильевичез<br />
бадӟым ансамбльёслэн<br />
кивалтӥсьёссы гажазы,<br />
тросэныз со эшъяськиз. Со кивалтэмъя<br />
«Италмас» ансамбль<br />
Советской Союзысь конкурсъёсын<br />
лауреат луылӥз. Быдэс<br />
Союзысь коллективъёс<br />
пӧлысь 1-тӥ инты басьтэ<br />
ай! Ансамбльмы Удмуртиысь<br />
Кун премилэн лауреатэз<br />
луиз, «Дружба народов» орден<br />
басьтӥз, академической ним<br />
солы сётӥзы. Ми кырӟаллям<br />
классикаез но, удмурт маскаръяськон<br />
кырӟанъёсты но.<br />
Солэсь музыкальной обработкаоссэ<br />
«Италмас» но Удмуртиысь<br />
хоровой академической<br />
капелла али но кырӟало на.<br />
Анатолий Васильевичен<br />
кӧня даллашо вал, удмуртъёс<br />
озьы уг кырӟало, уг экто шуыса.<br />
Со критикъёслы пумит<br />
шуэ вал: сцена вылын ӝӧк<br />
сьӧрын кадь медам лу. Удмуртъёсты<br />
керпотӥсесь шуо ук,<br />
нош со меӵак верась вал.<br />
1980-тӥ аръёсысен «Италмаслэн»<br />
хорез эктыны кутскиз.<br />
Хор ветлэ вал кырӟаса,<br />
шудон номеръёс кылдӥзы. Сое<br />
Игорь Моисеев, Москваысь быдэс<br />
дуннелы тодмо хореограф,<br />
адӟиз но паймиз: хорды, пе,<br />
эктэ. «Сон пастухов» номермы<br />
вал на. Пиос экто но умме усё,<br />
бӧрысь хорысь нылъёс веттан<br />
гур кырӟаса кошко но - сцена<br />
вылын эктӥсь нылъёс сыло<br />
ини. Та номер сярысь А. Мамонтовлэсь<br />
но И. Моисеевлэсь<br />
вераськемзэс кылӥ вал. Игорь<br />
КАЙГЫРОН<br />
Александрович шуэ: мынам,<br />
пе, «Ночь на Поклонной горе»<br />
казакъёслэн эктонзы вань. Казак<br />
изьыны выдэ но, чёртъёс<br />
пото. Уг, пе, тодӥськы вал, кызьы<br />
виссэ карыны, кызьы тон<br />
сыӵе герӟад ваньзэ. Огшоры<br />
но туж чебер адӟиське.<br />
Ачиз но со огшоры адями<br />
вал. Котькуд гужем<br />
Удмуртиетӥ концертъёсын<br />
ветлӥмы. Ёрос центрын<br />
улӥськом, ӝытазе гуртъёсы<br />
потаськом. Нуназе шутэтскиськом:<br />
кин волейболэн,<br />
футболэн шудэ, кин чорыганы<br />
ветлэ. Анатолий Васильевич<br />
чорыгалляз но, милемын<br />
футболэн, волейболэн но<br />
шудылӥз. Нуназе - эш, ӝытазе<br />
ужын - кивалтӥсь. Дисциплина<br />
ласянь чурыт куронъёсыз<br />
вал. Со сюлмаськиз, ваньмыз<br />
мед профессионально луоз шуыса.<br />
Туж жаль: али коллективысьтымы<br />
тросэз артистъёс<br />
Новороссийске кошкемын.<br />
Арнянуналэ гинэ<br />
бертозы, ватон нуналаз уз<br />
вуэ. Бӧрдо, пе, отын соос.<br />
Ми туж яратӥськом вал<br />
сое. Анатолий Васильевич<br />
кырӟанъёсыныз котьку улэп<br />
луоз: кырӟакумы сое тодамы<br />
вайылом. Малпасько, шонер<br />
луоз «Италмас» ансамбльлы<br />
солэсь нимзэ сётыны.<br />
Трос малпанъёс улонэ пыӵатэмын<br />
Ыштӥм элькунмылэсь дано пизэ Анатолий Васильевич<br />
Мамонтовез. Сое котьку тодамы возём.<br />
А. Мамонтов тыршемен, Россиысь но мукет кунъёсысь<br />
адямиос дунъяло Удмуртиысь кырӟанъя но эктонъя<br />
«Италмас» кун академической ансамбльлэсь вылӥ устолыксэ.<br />
Анатолий Васильевич котьку пыриськиз Ижкарлэн<br />
но Удмуртилэн общественной улоназ. Ӟеч ужъёсыныз<br />
со возьматӥз, аслад шаеред сярысь сюлмаськоно шуыса.<br />
Солы луыса трос проектъёс но малпанъёс улонэ<br />
пыӵатэмын вал.<br />
Удмурт Элькунлэн Тӧроез Александр Бречалов но Удмуртилэн<br />
Кивалтэтэз Анатолий Васильевичлэн ӵыжывыжыосызлы<br />
мур куректэмзэс верало.<br />
Удмурт Элькунлэн Тӧроез Александр БРЕЧАЛОВ<br />
Пыраклы кылёз сюлэмъёсамы<br />
Анатолий Мамонтов быдэс улонзэ сӥзиз удмурт культураез<br />
утёнлы но азинтонлы. Вань сюлмыныз яратӥз вордскем<br />
палъёссэ, вань мылкыдыныз гажаз удмурт калыксэ<br />
- дауръёсын люкам узыр шыкыссэ быгатыса пыӵатӥз<br />
«Италмас» ансамбльлэн творчествояз.<br />
Анатолий Васильевичлэн талантэзлы луыса, Удмурт<br />
шаерлэн данэз, Россие гинэ ӧвӧл, кунгож сьӧры но вӧлмиз.<br />
Озьы шаермес, азинскем промышленностез понна гинэ<br />
ӧвӧл, узыр культураез понна но дунъяны-гажаны кутскизы.<br />
Анатолий Васильевич Мамонтов улонысь кошкемен<br />
валче Кун Кенеш мур куректэмзэ вера семьяезлы, матысь<br />
адямиосызлы, ӵош ужам эшъёсызлы.<br />
Кун Кенешлэн Тӧроез Алексей ПРАСОЛОВ<br />
А. Мамонтовен люкиськон ортчоз 25-тӥ оштолэзе 10 часысен<br />
12 часозь Ижысь драмая ӟуч театрын.