15 от 21 апреля 2022 (25927)

№15 (25927)
26 2022-тӥ ар 21-тӥ оштолэзь ЛЫДӞИСЬКОН СИГ
4 суредэн сценка
Визь утчан
Лия Малых
Шудӥсьёс:
Боко — мертчан йырсиё
пинал коркакузё
Моко — горд йырсиё пинал
коркакузё
Пурысь Йыр — губи
Чебери — бубыли
Веня — ӵушъял
Буль-Буль — вукузё
НЫРЫСЕТӤ СУРЕД
Мокоен Боко валес вылын
кыллё. Кӧня ке улыса, соргетэм
куара кылӥське. Моко шыпытак
султэ.
Моко. Уф, умме усиз, лэся!
Маке но ческыт сием потэ.
(Утчаське. Син шораз йӧтэ
висъет сьӧрын сылӥсь лар.)
Та быдӟа макелэн кӧтаз трос
дыр чечымез. (Кечырске.) Ворсамын,
номыр уг адӟиськы.
(Зынъяське.) Мар та таӵе?
Ап-чхи-и-и! Кизьнылон порошок
пызьналлям, лэся. Апчхи-и-и!..
(Нырзэ саесэныз
ӵушылыса, лар вылэ пуксе.)
Оло, Бокоез ӧтёно? Ӧвӧл, ӧвӧл,
нырдэ котькытчы чуртнаськод,
шуоз. Сё, чидан быриз.
Йыр ке — йыр, пыд ке — пыд!
Моко пул шобретэз ас палаз
кыске.
Моко. Пыкиськиськод?
Усьтӥськы, шуисько, ӟечкын!
Ато как тэшкыльто! Пӧрмиз,
пӧрмиз! Ну-ко маиз вань татын?
Мар ке но тӧдьы, пуштырес.
Ой-ой-ой, усисько! Боко,
потты монэ та тырмостэм кӧт
пушкысь! Боко, усьты лар шобретэз!
Кесяськемез кылыса, Боко
лар доры бызе.
Моко. Боко, кин ке монэ
ӝокатэ, юртты!
Боко. Эн кышка, Моко, мон
али ик!
Ларез усьтэ но, отысь тэтчыса
потэ Тӧдьы Мекей.
Боко. Эй, тон, Тӧдьы Мекей,
кытчы карид Мокоез?
Тӧдьы Мекей. Боко, мон
Тӧдьы Мекей ӧвӧл, мон Моко!
Боко. Уть, кыӵе лӧптӥз,
монэ адӟыса! Мокоез пӧяд ке,
монэ но вормо кожад-а? Тани
исьнер куто но тыбыр кузянад
васькыто! Ме тыныд, ме!
(Шуккылэ.) Мар-о, ческыт-а?
Тӧдьы Мекей. Ӧб-ӧб-ӧб,
вӧсь ук! Тыныд жугиськон
гинэ медло!
Пызь пурӟем бере Боко азе
кылдэ Моко.
Боко. Тон? Э-э-э… Мон
Тӧдьы Мекей, кожай… Нош
кин тонэ лар пушкы донгиз?
Моко. Кузё кышнолэн
отын ватосэз вань, кожай. Нош
со пызен тырмытэмын вылэм.
Тон ке — Тӧдьы Мекей, Тӧдьы
Мекей! Эшшо ке, жугиське!
Боко. Ачид янгыш, уд зымылы
пызь пӧлы. Тау шу исьнерлы.
Моко. Учкисько ке, ачид но
исьнер кадь пештырскемын,
бордад Лекань лякиськем.
Шӧдыса уд вутты, Леканьлы
пӧрмод.
Боко. Уг пот мынам Лекань
луэме. Моко, мар кароно сое
уллян понна?
Моко. Малпаськытэк уз
луы. Так-так… О, борддоре ыж
ӵышкон качы ошемын, ӵапак
со ик кулэ асьмелы.
Боко. Уйжомид шат? Ыж-а,
мар-а мон ӵышкиськыны?
Моко. Асьмеос ӧжытак
гинэ вакчиятом йырсидэ Леканез
кышкатон понна.
Боко. Нош качыез кияд кутылэмед
вань-а?
Моко. Кузё кышноелэсь
ыж ӵышкемзэ одӥг пол гинэ
адӟеме ӧвӧл.
Боко. Ярам, ӵышкы, иське.
Качы кутыса, Моко йырси
ӵышкон борды басьтӥське.
Боко. Моко, тон монэ
ӝоген каляга йыр кельтод,
тырмоз ни ӵышкыны.
Моко. Тырмоз ке, тырмоз.
Мын учкы астэ синучконысь.
Боко (синучкон шоры учкыса).
Кин та? Мон… Мон… Мон
тонэ тышкало, Моко!
Моко. Боко, буйгатскы,
мон ведь тон сярысь сюлмаськыса
озьы... Бен, ӧжытак
шебеляй. Но тон эн куректы,
йырси пинь ӧвӧл, будоз.
Суредаз Вера ШТЫКОВА
Боко (качы кутыса). Ойдо
соку тынэсьтыд но йырсидэ
мынам кадь падӟаё но вакчи
кельтом.
Моко (йыр бордаз кутскыса).
Мынам пельёсы кезьытлэсь
кышкало, кынмыса
усизы ке, кызьы вераськод на
монэн?
Боко. Мон тонэныд вераськыны
уг ик малпаськы. (Валес
вылэ пуксе.)
Моко (пыриськыса). Нош
мон тодӥсько йырсидэ будэтон
амал!
Боко. Я, маин паймытод
таяз учыре?
Моко. Уд оскиськы? Пичи
пиналъёслэн пиньзы усе ке,
сое пунылы сюдо яке сюе сого:
ӝоггес будоз, пе. Нош асьмеос
ӵышкем йырсидэ мудэтэ ватом.
Боко. Талэсь урод уз луы
ни, согом ке, согом.
КЫКЕТӤ СУРЕД
Коркакузёос гулбечысь мудэт
дорын. Моколэн кияз кобы.
Моко. Боко, тон мудэт сэргы
йырсидэ сог, нош мон ву
кисьто.
Йырси согем интыысь пурысь
изьыё губи ӝутӥське.
Боко. Кыӵе ке кисмыль-куасмыль
губи. Кытысь со вуиз
татчы?
Моко. Кытысь, кытысь?
Йырсиысьтыд!
Боко. Оло, мынам нылпие
шуэмед потэ?
Моко. Малы тынад? Кыкнамылэн
вордос пимы, ӵошен
будэтом-утялтом.
Пурысь Йыр. Шонер малпаськод.
Ойдолэ тодматском.
Мон корка сисьтӥсь губиослэн
эксэйзы — Пурысь Йыр. Нош
асьтэос кин луиськоды?
Боко. Мон… Ми…
Моко (Боколэн кӧтурдэсаз
мырӟе). Ми та коркан сад
будэтӥськом. Мон Моко, нош
эше Боко. Шумпотӥськом, гулбечамы
такем дуно куно выжыяськемлы.
Боко. Э-э-э... Тодысалмы
ке дорамы кожондэ, вӧйын
нянен пумитасалмы. Вождэ
эн вай, милям нокыӵе сиёнмы
ӧвӧл.
Моко. Пӧраськыны но ум
быгатӥське. Кӧтыд сюмаса
пашмод.
Пурысь Йыр. Нокыӵе чер
уз улля монэ та гулбечысь. Тӥ
ке ӧй луысалды, лулы пыраклы
куасьмысал. Будон выжыосы
ӧжытак лябесьгес ай,
ӧжытак куртчем кароно.
Боко. Нош маин кӧттэ тырод?
Пурысь Йыр. Хе, шедьтэм
йыр висён. Та быдӟа корка кемалы
йырйиськыны тырмоз.
Тани татысен ик кутско. (Борддор
юдэсэз ишкалтэ). Нямням-ням!
Ческыт вылэм таид,
быгытъёсы ик золтӥськизы.
Моко. Ческытлэсь пиньёс
усё, пе. Пиньтэк йырйиськемед
уз луы, кӧтыд сюмаса куасьмод.
Боко. Оло, нюлэскысь эшъёсыд
дорын умойгес луоз тыныд
улыны?
Пурысь Йыр. Таӵе кӧттыро
интыысь монэ нокытчы уд
потты, нош пиньёсы, коръёсты
сиыса, юнмалозы гинэ.
Боко. Шӧдтэк шорысь
вылад кин ке лёгиськыны
шедьтӥз ке, соку мар? Яке выжыеныд
порозы?
Пурысь Йыр. Мынам лулы
сизьымдон сизьым полэс, копаса
но уд сузьтӥськы дорозяз.
Я, эн люкетэ, тэшкылиос, мыным
кужым люкано. Гулбеч
пасьтана пиосы вӧлскизы ке,
мукет юртъёсты но киултыны
быгатом.
Пурысь Йыр зарядка лэсьтэ.
Моко. Губи нюня, вождэ эн
вай! Вордӥськыны юрттӥмы
бере, ми ик утьыны кулэ тушмонъёсыдлэсь.
Нош кинъёс со,
ми ум тодӥське.
Пурысь Йыр. Юнме
куалектӥды, пинал эшъёсы.
Пурысь Йырез номырин уд
вормы.
Моко. Номырин, номырин?
Пурысь Йыр. Ярам,
тӥледлы гинэ сипырто. Мынам
тушмонэ — гурысь пӧсь
пень. Пыд выжыям йӧтӥз ке,
мугоры выжыен валче куасьмоз.
Боко. Ми али ик вань пенез
коркась поттом. Ойдо, Моко,
юртты.
Пурысь Йыр (куасалляськыса).
Ӟеч пиёкъёс!
Бызьыса вуо Боко но Моко.
Моко Тани тыныд пӧсь
сиён, Пурысь Йыр! Кӧтыд сюмаз
ни, дыр?
Пурысь Йыр (киосыныз
ватӥське). Сыл ай, сыл, Моко,
тон умойтэм валад верамме!
Моко (пенез губилэн пыд
азяз кисьтэ). Пум вуиз тыныд,
сисьгуби!
Пурысь Йыр (тэтча). Караул,
сутскисько! Боко, юртты,
лул-мугоры куасьмыса быриз
ке, эксэйтэк кылёд!
Боко (пень кисьтыса). Ческыт
медло, Пурысь Йыр!
Пурысь Йыр кисмыляк усе но
ыше. Моко шумпотэменыз выллань
тэтча.
Боко (пенез ӵужыса). Тырмоз
сэмберъяськыны! Тыныд
серекъян-шулдыръяськон
гинэ медло. Йырысьтыд кеньырдэ
бергаты, Моко, оло,
ӧжытак ке но визь пыроз.
Моко (йырыныз выретыса).
Коть сопала, коть тапала куасалты,
номыриз уг шалтырты.
Йыры буш.
Боко. Шузи улэ аналскиськод?
Йырси улад шаян малпанъёс
гинэ каръяськемын,
пӧрмостэм!
Моко. Зэмзэ ик, ушъяськыны
номырин. Йырам визьмыз
ӧвӧл ке, мон-а, ма, янгыш?
Бызьылонъям куке но гур вылысь
уси, соку ик кеньырез
пазьгиськиз, луоз. Боко, астэ
эш шуиськод ке, вай ук одӥгзэ
ке но визь пырыдэ мыным.
Боко. Визез уг пунэмало.
Аслад йырад ӧвӧл ке, кобыен
уд поны. Малпаськы та сярысь,
Моко, нош мон пенез
гуре нуо.
Боко кошке.
Моко (йыраз кокаса). Малпаськы,
пе... Йырам визь пырыез
ӧвӧл ке, маин малпаськом.
Монэн сэрен кузёос ӧжыт
коркатэк ӧз кыле. Уг, уг яра
мыным татчы кыльыны. Мон
урод эш, урод корка утись. Нюлэскы
кошко, оло, отысь визь
пыры шедьто? Ӟеч лу, Боко!
Моко гулбеч пасетӥ потэ.
Бызьыса пыре Боко.
Боко (утчаськыса). Моко,
кытын тон? Ватскемен шудэмед
потӥз-а? Нокытын ӧвӧл.
Обиди, вӧсь кари. Малы ӧй