Said u dr Kalif vo Bagdad-origWasserzeichen

Kundin 2 Tüürschti Schleier bym hässlechschte Geck, dass bietet
dr Lade vom Kalum-Beck!
Händler 2 Dä würd gschyder syni Schleier sälber trage, de müesst
i sy Gring nid dr ganz Tag aaluege!
Mustafa und Ali nähern sich dem Ort von Kalum-
Beck.
Kalum-Beck Hie, myni Herre, hie! Chömet yne! Luege choscht nüt!
Was suechet dir? Herrlechi Schleier? Schöni War?
Mustafa Guete, alte Maa, dyni Ware mög schön und guet sy und
mira sogar günschtig. Aber dir wüsset wie Froue sy.
Sie sy gar wunderlech. Ir Stadt isch es Sitte worde, syni
Schleier nume bym schöne Ladediener Said z choufe.
Syt ere halb Stund irre mir i däm Basar ume und
sueche ne. Viellecht chöit dir üs säge, wo mir ihn chöi
finge? Mir choufe de derfür es angers Mal bi euch.
Kalum-Beck Allah il Allah, euch het dr Prophet a die richtigi Tür
gfüehrt. Zum schöne Said weit dir und Schleier
choufe? Hie syt dir richtig, das isch sy Lade!
Mustafa Jitz muesch nume no säge, du heissisch Said und
heigsch hüt Morge vergässe Puder uufztrage. Lacht.
Eis weiss i: Üsi Froue hei Gschmack, und we die säge
«schöne Ladediener», de meine sie nid «chlyne,
hässleche, chrumme Gäderhächu», verstande?
Ali
Das isch doch d Höchi! Dä wott üs verarsche! I gloube
i houe dir eis a Chessu, du Lügner!
Kalum-Beck Tüet nid fräch, junge Maa! Wendet sich an Händler 1.
So säget em doch, dass das dr Lade vom schöne
Ladediener Said isch!
Händler 1 I gseh ke schöne Ladediener u dir syt dr Ladebsitzer
Kalum-Beck, das heit dir vorhär i di ganzi Gägend
usetrumpetet!
Kundin 1 U grad schön wird nech chuum ei Frou vor ganze Stadt
finde!
Kalum-Beck wendet sich an Händler 2. Aber dir chöit doch sicher
bestätige, dass i nid lüge?
- 30-
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.