Said u dr Kalif vo Bagdad-origWasserzeichen

Grosswesir
Kalif
Said u dr Kalif vo Bagdad
Gfangene sy gstorbe, wüll sie nume einisch im Tag
öppis z Ässe und es paar Schlück Wasser übercho hei.
Dr Said het nume überläbt, wüll er jung, gsund und
chräftig isch gsy. Nach zwo Wuche isch e Sturm ufcho
und het s ganze Schiff erhudlet, so dass überall Wasser
ydrunge isch. Wo sech di Gfangene sälber befreit hei,
hei sie gmerkt, dass sich die ganzi Bsatzig scho mit de
Rettigsboot het i Sicherheit bracht. Dr Sturm isch
stercher worde und s Schiff isch usenang broche. Dr
Said het sich amne Stück vom Mascht festklammeret
und het i syr Verzwyflig is silberne Pfyfli blase.
Plötzlech het dr Sturm ufghört, ds Meer isch ganz ruhig
worde und dr Holzmascht het sech unger syne Hände
afa strecke und bewege. Dr Mascht isch e Delphin
worde, wo dr Said zügig id Nächi vo dr Küschte het
bracht. Bevor’s isch Abe worde, isch der Delphin i ne
breite Fluss ynegschwumme. Dr Said het Hunger
übercho und het i sys Pfyfli blase. Sofort het dr
Delphin still gha und us em Wasser isch e deckte Tisch
uftoucht. Nachdäm dr Said gässe het, isch dr Delphin
fluss-ufwärts wyter gschwumme. Bym ne grosse,
schöne Landigsstäg vo re prachtvolle Villa het ne dr
Delphin abgsetzt und dr Said isch a Land gange…
15. Bild
Vorhang auf.
Im grossen Salon der Villa von Kalif Harun Al-
Raschid.
Das isch aber e komischi Gschicht mit däm Maa, wo uf
em Delphin syg dahäregritte. Was meinet dir derzue,
ehrewärte Kalif?
Mir wärde gly meh erfahre, wenn myni Sklavinne däm
Maa hei trocheni Chleider agleit…
- 43-
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.