Said u dr Kalif vo Bagdad-origWasserzeichen

Polizeirichter flennend. Nei, nei, i ha nume uf e Kalum-Beck glost,
wüll er doch so en agsehene Maa isch und dr Cousin
vom Oberkämmerer…
Kalif laut. Han i di zum Richter über alli gmacht, damit du
nume uf die vornähme und ryche Lüt losisch? Han i di
würklech zum Chef vo re Vetterliwirtschaft wölle
mache, he? – Für zäh Jahr verbann i di uf ene wüeschti
Insle, so wie du’s mit em Said hesch wölle mache! Dert
chasch de intensiv über Grächtigkeit nachedänke.
Polizeirichter Nei! Bricht zusammen.
Kalif Und wo, Kalum-Beck, sy die tuusig Goldstück, wo du
hesch wölle zahle, we dr Said hie inne wäri und
chönnti ussäge?
Kalum-Beck steht auf und kommt händereibend auf den
Grosswesir zu, froh, so glimpflich davon gekommen
zu sein. I cha se grad ga hole…
Kalif Halt! Für dä falsch Eid, wäge de hundert Goldstück,
überchunsch du hundert Peitschehieb uf d Fuesssohle.
Dernäbe cha dr Said zwüsche zwo Möglechkeite
wähle: Entwäder, er übernimmt dy ganz Lade und du
schaffsch für ihn als Uusläufer oder du zahlsch für jede
Tag, wo dr Said by dir gschaffet het, zäh Goldstück!
Said Harun Al-Raschid, löt dä Lump la ga! I wott nüt, wo
ihm ghört.
Kalif Nei, Said, i wott, dass du entschädiget wirsch. I
entscheide für di, dass dr Kalum-Beck dir pro
Arbeitstag zäh Goldstück zahlt. U jitz schaffet das Pack
use! Sklavinnen/Diener bringen den Polizeirichter
und Kalum-Beck raus.
Benezar Oh, Kalif! Sinkt auf die Knie und will die Hand des
Kalifen küssen. I bi Euch so dankbar für Eues weise
Urteil.
Kalif Stöht uf, guete Maa! Dir heit e prächtige, ehrleche u
tapfere Sohn, syt stolz u danket Allah für die Gnad!
- 50-
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.