Reoim - OEI

Ao día seguinte a Raiña reúne ao comité de liberación:
“ A situación é delicada pero sinxela, a un lado hai cinco guerreiros e ao outro a x con dous
guerreiros (5=x+2) . Necesitamos actuar con precisión e sincronizadamente nos dous lados.
Basta con eliminar a dous guerreiros a cada lado, despois rescátase X procedendo á súa
liberación e traendo retidos aos tres guerreiros aos que equivale. O rescate será esta noite”.
Chegada a noite o plan desenvolveuse coa precisión que pedía a Raíña: a incógnita foi devolta
ao seu recinto e os tres guerreiros inimigos postos á súa disposición.
Despois deste acontecemento a Raíña chamou a sabios de todo o mundo. Foron varios días de
reunións, discusións e estudos. Agora a Raíña driríxese a tódolos habitantes do país nunha
convocatoria extraordinaria que se espera con moita espectación.
"Queridos amigos e amigas -comeza a falar a Raíña- teño que comunicarvos unha importante
decisión. É froito de profundas reflexións de toda a comunidade de sabios e levará a cambios
moi importantes que mellorarán as condicións de vida e a formación de todos os habitantes do
país. A decisión que tomei é que TODOS VOS CONVIRTADES EN LIBERADORES DE
INCÓGNITAS. A tarefa non será doada, é necesario prepararse a fondo. Contratarei a sabios e
estudosos que nos formarán na arte de liberar incógnitas. A medida que vaiamos aprendendo
usaremos técnicas e utensilios máis complicados. A próxima semana comenzará a formación
para tódolos os habitantes que o desexen, que espero sexa a maioría de todos vós".
E así foi, o chamamento da Raíña foi seguido por habitantes de todas as idades.
Despois de varios días de preparativos comezou a formación.
Un mes despois a Raíña visita as salas de aprendizaxe.
“Maxestade, esta é a sala de 1º grao, aquí están os principiantes que aprenden a liberar as
incógnitas tratando de que quede soa a un lado da balanza mantendo o equilibrio. Pode ver
como agora a un lado da balanza hai dous lilís (elementos de liberación) e ao outro está a x
acompañada dun lilí suxeito a un globo que tira del e da balanza para arriba (2=x-1). Observe
como con coidado colocan un lilí a cada lado da balanza e así a un lado quedan tres lilís e ao
outro queda soa a x pois os dous lilís anuláronse. A x está liberada e o seu valor é 3”.
Satisfeita a Raíña prosegue o percorrido. Entran nunha sala ampla onde hai cadrados de varios
tamaños, lilís e globos polo chan. O ambiente é moi serio. A incógnita X está atrapada
elevada ao cadrado, hai ademais outras cinco X cada unha delas colgada dun globo que as
empuxa para riba pero aferránse ao bambán, ademais hai seis lilís. Ao outro lado da balanza,