RAPPORT DA GESTIUN 2010

Ina gada al meins vegnan ils affons envidai a «Fiire mit
de Chline», ina purschida parallela al survetsch dil
plaid. In eveniment impressiunont ei stau la producziun
dalla «Toggenburger Messe» da Peter Roth, cantada
dil cor-baselgia Flem a caschun dil survetsch campester
a Caischavedra. A Trun ha giu liug il fevrer la
prelecziun concertanta «Spiel mir das Lied vom Brot»
cun Grupo Sal ensemen cun ils scribents Katharina
Morello e Ruedi Baumann. Ei setracta cheu d’ina
purschida dalla campagna ecumena da cureisma da
«Fastenopfer/Brot für alle».
Sco pleiv reformada ella diaspora schazegein nus zun
fetg da saver collavurar aviartamein e constructivamein
cun las pleivs catolicas dalla Cadi. Quei munta
per l’ina che tut nossas purschidas e nos survetschs
divins – era quels en pleivs catolicas – san secapescha
vegnir visitai da tuttas persunas interessadas.
Survetschs divins ecumens e survetschs divins regulars
tenor la liturgia dalla communitad ecumenica da
Taizé possibiliteschan festivitads communablas. Per
l’autra havein nus plascher da veser che la collavuraziun
ella fundaziun ecumenica crescha e prosperescha.
Fundaziun ecumena
«Tür auf – mo vinavon»
Suenter la cunvegna da prestaziun cun las vischnauncas
politicas dalla Cadi ha la nova organisaziun da
lavur da giuventetgna entschiet sia lavur. La cumissiun
da lavur da giuventetgna secumpona dils delegai
da tuttas vischnauncas, pleivs ed uniuns da giuventetgna.
Ella vegn tgamunada d’ina direcziun da tschun
dels. Igl avrel ei Gabriela Cabalzar-Lombriser vegnida
eligida sco luvrera da giuventetgna cun in pensum da
lavur da 65 % ed Annemaria Pfister-Casanova sco
secretaria cun in tal da 15 %. Il biro ei vegnius aviarts a
Trun. Tenor il plan da lavur han ellas realisau differents
projects ed arranschaments, presentau la purschida
da lavur da giuventetgna en scolas ed ellas vischnauncas
dalla Cadi sco era all’EX10 a Mustér. Ellas han
organisau ensemen cun giuvenils, che han fatg la scolaziun
da menader, las novas canortas da sentupada
per scolars a Mustér, Sedrun e Surrein. La fundaziun
engrazia allas vischnauncas per lur confidonza
demussada e spera vinavon sin ina buna collaboraziun.
En connex cun il partenadi Mbara Ozioma Foundation
MOF ad Imo State (Nigeria) han ins saviu terminar il
fevrer las lavurs vid il baghetg da mulin per ieli da palmas
per la societad agricola da dunnas St. Nicholas.
L’emprema sesiun da producziun han ins saviu terminar
cun bien success. Igl october vargau han ins
entschiet cun la construcziun d’in secund indrez da
provediment d’aua per rodund 10 000 habitonts dalla
regiun.
Grazia alla collavuraziun cun il cerchel ecumen «Eine-
Welt-Kreis Wolbeck e.V. (Münster D)» eis ei stau pus -
seivel dad obtener sustegn finanzial dil ministeri per
Rapport da gestiun e quen 2010
Ura da ranquintar «Mats la miur» en Biblioteca populara
collaboraziun economica e svilup BMZ dalla Tiaratudestga
pils differents projects da construcziun da
MOF. Aschia ei nies sustegn finanzial sesminuius a
25 % per singul project. A caschun dils dus viadis ad
Umunumo igl avrel ed il settember ein ils collavuraturs
da MOF vegni scolai ella contabilitad ed instruiu ella
planisaziun da projects da construcziun vegnents. La
societad St. Nicholas duei ultra dil mulin dad ieli era
retscheiver in mulin da kasava e da yams e la giuventetgna
ella regiun ina scola professiunala da tecnica e
da mistergners.
En collavuraziun cun il reschissur Peter Kreiliger ha
l’uniun da promoturs MOF mussau siu film documentar
«Oziomas Rückkehr – ein Priester zwischen Afrika
und Europa» sin SF-Sternstunden e 3Sat sco era
a pliras occurrenzas en Svizra ed en Tiaratudestga.
L’uniun ha accumpignau il film impressiunont colli -
giond tal cun la propaganda per in sustegn pils projects
da MOF.
Sut la bitgetta da Roman Müller ha l’ARENA instradau
il niev project «sustegn da pensums» cun l’entschatta
digl onn da scola 2010/11. Entuorn 20 seniors e
senioras stattan a disposiziun per survigilar ni sustener
scolars dalla Cadi da far pensums e segidan aschia da
migliurar lur prestaziun en scola. Las vischnauncas, las
direcziuns da scola ed ils geniturs beneventan quella
purschida.
Sco usitau han il Kino Disentis ed ils Camps Cadi cuntinuau
lur lavur. A caschun d’ina sera speciala ella halla
Cons ei il film «Wüstenblume» vegnius presentaus.
Leutier han ins saviu mirar l’exposiziun «Schnitt ins
Leben» da Terre des Femmes Svizra. Il camp dil scalem
primar ha giu liug a Charmey ed il scalem ault ha
passentau in’jamna plein eveniments en Belgia.
Nus engraziein a tuttas collavuraturas ed a tuts voluntaris
per lur grond engaschament. Allas pleivs recu -
mandein nus la collaboraziun ecumena e supplichein
ils commembers dallas pleivs da sustener finanzialmein
ed idealmein nossas acitivitads. Engaziel fetg.
Biblioteca populara
La biblioteca populara ei in liug nua che carstgauns
s’entaupan e dattan ina paterlada. Nies survetsch al
17