RAPPORT DA GESTIUN 2010

Recommendations

Info

uca garantida, ha la vischnaunca surpriu – cun agid da Sedrun Mustér Turissem – la responsabladad per la stagiun d’unviern 2010/11. Ina acziun da solidaritad ha buca purtau il success giavischau. Sin fundament dallas experienzas digl unviern vegn’ins a tschercar ina sligiaziun pil futur. Ambient Il provediment d’aua Las corporaziuns d’aua ein suttamessas alla sur vi - gilonza dalla suprastonza communala (art. 78 dalla constituziun communala). Cheutras porta ella la re - sponsabladad finala per in bien provediment d’aua. Las corporaziuns, allas qualas la vischnaunca ha adossau quell’incarica, ein obligadas d’incassar taxas minimalas per garantir la finanziaziun dils stabiliments e per segirar ina coordinaziun enteifer la vischnaunca. Las pretensiuns cantunalas visavi la qualitad dall’aua e la segirtad en cass d’urgenza creschan. Per ina pintga corporaziun eis ei grev d’ademplir quels criteris. Per - quei ha ina cumissiun examinau la situaziun dallas corporaziuns. La Corporaziun d’aua Cavardiras ei vegnida fusiunada cun la Corporaziun d’aua Spina da vin. Las retschercas entras la Corporaziun d’aua Spina da vin sigl in - tschess da Cavardiras, Pardomat e Madernal han mussau ch’ei vegn a duvrar investiziuns da pli gronda dimensiun per saver satisfar allas pretensiuns davart igl inspectorat da victualias, sco era davart la polizia da fiug en connex cun la prestaziun davart l’aua da stizzar. NIES PROVEDIMENT COMMUNAL PER LA DISMESSA DALL’AUA EI INA BUMBA LATENTA CHE BASEGNA ILS ONNS VEGNENTS NOSSA CUM PLEINA ATTENZIUN. IL PLAN GENERAL PER LA DISMESSA DALL’AUA QUENTA PILS PROXIMS DUS DECENNIS CUN EXPENSAS DA PLIRS MILLIUNS FRANCS PER SAVER ADEMPLIR LAS PRETENSIUNS CANTUNALAS E FEDERALAS. ASCHIA BASEGNA EI GRONDA ATTENZIUN E BIEN INSCHIGN PER SAVER SLIGIAR QUELL’INCARICA SILLA MEGLIERA MODA E MANIERA LA PLI EFFICACIA. Roger Tuor, gerau ambient e segirtad TGEI BI DELETG EIS EI D’ASTGAR VIVER EN INA ASCHI BIALA ED INTACTA CUNTRADA, NUA CHE MINTGIN SA FA DIEVER D’AUA SCHU BRA. SIN IL MUND HAN CIRCA TRAIS MILLIARDAS CARSTGAUNS NEGIN ACCESS DA BEIBER AUA SCHUBRA. Aluis Cabernard, causerenera Era la Corporaziun d’aua Las Fontaunas Mumpé Medel sto preveder proximamein investiziuns per adattar igl aquaduct allas pretensiuns dalla segirtad da victualias, sco era al stan tecnic actual. En quei con - nex ein occurridas contractivas cun l’assicuranza da baghetgs dil cantun Grischun. L’emprema etappa duess vegnir realisada el decuors digl onn 2011. Serenera La serenera Raveras ha funcziunau 2010 senza gronds incaps. Las revisiuns e reparaturas vid la serenera e ses indrezs ein sefatgas ella rama usitada. Las pretensiuns digl uffeci per la natira e pigl ambient ein vegnidas contonschidas. Igl ei vegniu tractau e schubergiau 559 738 m³ (587 316 m³) aua entras la serenera Raveras. Ord il process da gliet ei vegniu produciu 36 222 m 3 (40 026 m 3 ) gas. Cun 26 822 m 3 (30 549 m 3 ) gas ei vegniu produciu electricitad pigl agen diever e 9385 m 3 (9416 m 3 ) gas ein vegni duvrai per il motor da gas (scaldament dil gliet). Alla Corporaziun schigentera solara da gliet Cadi a Zignau ei vegniu furniu 139 m 3 gliet pressiau ni 43 tonnas materia schetga. Successivamein vegnan las auas da plievgia e schu - bras spartidas. Tenor lescha federala davart la protecziun dallas auas stuessen tuttas auas schubras (begls, dutgs, drenaschas etc.) dapi igl onn 2007 vegnir spartidas. La separaziun dallas auas vegn aunc a cuzzar plirs onns e vegn ad esser dependenta con spert ch’ils projects per la sanaziun dallas vias san vegnir realisai. Ella serenera Disla ei vegniu schubergiau e tractau 51 110 m 3 (63 421 m 3 ) aua. Las pretensiuns dil Cantun ein per gronda part vegnidas ademplidas e la serenera funcziunescha bein. 50 (45) m 3 gliet bletsch ein vegni transportai alla serenera Raveras, nua ch’el vegn tractaus e dismess tenor las prescripziuns. L’entschatta december 2010 ei la cascharia nova a Salaplauna ida en funcziun. Il menaschi dalla cascharia ha gia engreviau pulitamein il menaschi dalla serenera, quei che ha effectuau che la serenera ei suenter Nadal e Daniev stada surcargada. Tgei consequenzas Serenera Raveras Rapport da gestiun e quen 2010 25
Rapport da gestiun e quen 2010 che quellas auas han sil menaschi dalla serenera ei pér lu prevesibel cura che tuts indrezs per retener e pretractar las auas piarsas ella cascharia a Salaplauna ein installai. La serenera Raveras sto dapi entgins onns contonscher ina cumpleina nitrificaziun. Entochen uss ei quei stau pusseivel senza investiziuns supplementaras el menaschi dalla serenera. Ils treis pumpadis a Fontanivas, Plaun da Diras e Raveras funcziuneschan medemamein senza incaps. El decuors dil proxim onn vegn Mumpé Medel col - ligiaus cun il pumpadi a Fontanivas e la serenera Raveras. Plan general da drenascha (GEP) El decuors digl onn 2010 ei la fasa III (preprojects) vegnida serrada giu. Il biro d’inschignier ei lundervi da purificar la documentaziun. La concepziun generala davart igl allontanament e la purificaziun dallas auas vegn approbaus dalla suprastonza communala e sil - suenter entras gl’uffeci per la natira e pigl ambient. Sco gia menziunau pliras gadas, ei la vischnaunca obligada da procurar per tuttas zonas da baghegiar l’avertura generala. Il dretg surordinau pretenda en quels loghens igl allontanament e la purificaziun dallas auas piarsas. Els uclauns semanifestescha savens ina discrepanza denter il diember dalla populaziun ed ils cuosts per l’infrastructura. Ils habitadis decentrals ein garant per la cultivaziun da nossa cuntrada, muntan denton era ina grevezia finanziala pil maun public. Els proxims onns sto la vischnaunca far considerablas investiziuns per novas canalisaziuns e sereneras. Denter auter pertucca quei Mumpé Medel sco era Cavardiras e Pardomat-Madernal. Sin fundament dil GEP han ins stuiu constatar che la vischnaunca da Mustér sto ils proxims 15 onns investar el man - teniment dalla reit da canalisaziun e la construcziun dallas sereneras restontas ina summa da rodund quater milliuns francs. En quella summa ein buca cunteni la realisaziun dalla canalisaziun da Mumpé Medel (frs. 350 000.–), ina canalisaziun d’aua schubra per scargar la canalisaziun dil quartier Acletta sid sco era buca l’avertura dil quartier Crest d’Acletta. En vesta da quella situaziun eis ei necessari d’adattar las taxas annualas da diever. Canalisaziun Il credit per la realisaziun dalla canalisaziun da Mumpé Medel cul pumpadi a Fontanivas ei vegnius concedius el decuors digl atun 2010. Actualmein cuora la submissiun sco era la procedura da baghegiar. Il consentiment dils proprietaris da terren pertuccai ei avon maun. La realisaziun duei succeder igl onn 2011 en collaboraziun cugl uffeci cantunal da construcziun bassa. Per surpassar il Rein Anteriur a Fontanivas eis ei stau pusseivel d’anflar ina sligiaziun communabla cul Cantun, aschia ch’ins ha saviu desister d’ina punt mo per la canalisaziun. Grazia a quella collaboraziun eis ei pusseivel da reducir ils cuosts. 26 L’avertura dalla zona da mistregn a Plaun da Diras ei vegnida realisada igl onn 2009. En connex cun l’avertura dalla zona da mistregn a Pignola vegn ei ad esser pusseivel da far diever dil niev pumpadi a Plaun da Diras. El rom dil plan da quartier a Caschuarz ha la canalisaziun publica stuiu vegnir dislocada. Quella ei succedida el rom dallas prescripziuns dil plan da quartier. La gronda part dallas lavurs ei succedida cuort avon Nadal, las lavurs restontas ein previdas per la primavera 2011. El ritmus da treis onns ei ina part dalla canalisaziun vegnida derschentada. Era uonn ha ei puspei dau exempels co la canalisaziun vegn malduvrada per la dismessa da rumians. Tals cass san sper las purtgerias entras canalisaziuns stuppadas era caschunar donns vid baghetgs ed indrezs sanitars. Dismessa da rumien Muort las pretensiuns pli severas davart la Regiun e las controllas supplementaras ei il volumen dils rufids se - sminuius danovamein. Igl onn 2010 ein las suan - dontas muldas da 28 m 3 vegnidas emplenidas: 19 (19) cun cartun, 67 (96) cun rufids blocconts e lenna. Plinavon ei vegniu deponiu 360 (328) m 3 pastget, 72 (100) m 3 rufids da baghetgs e 671 (709) buots à 80 l curdems da cuschina. Santeri Igl onn 2010 ein dils 23 (24) defuncts, 2 (8) vegni satrai ella partiziun dallas urnas, 6 (8) en fossas existentas e 14 (8) baras en fossas novas. Ei para che la damonda da cremar ils defuncts stagneschi. Renaturalisaziun digl ual d’Acletta Finalmein han las lavurs da mesiraziun, mutaziun e las davosas indemnisaziuns per ils acquists da terren saviu vegnir terminadas. El decuors dil zercladur 2011 scada la garanzia dalla tiarza etappa. En quei connex vegn ins aunc inagada a prender investa digl object. Energias regenerablas Ils 20 da november 2009 ha il cussegl da vischnaunca decidiu d’abolir il regulativ per promover energias regenerablas per la fin digl onn 2009. Ils projects ch’ein vegni realisai tenor project approbau han retratg lur contribuziuns. Dapi igl 1. da schaner 2010 san in - teressents far diever dallas contribuziuns da Cantun e Confederaziun. Ovra Russein L’Ovra electrica Russein ei vegnida erigida ils onns 1946/47 dalla PATVAG Kraftwerke AG. La concessiun scada ils 30 da zercladur 2027. La proprietaria, oz L’Axpo Hydro Surselva AG, las duas vischnauncas da concessiun da Mustér e Sumvitg ed il cantun Grischun ein secunvegni d’instradar gia ussa ina concessiun anticipada.
Page 1 and 2: RAPPORT DA GESTIUN 2010 Gemeinde/Vi
Page 3 and 4: Rapport da gestiun e quen 2010 34 P
Page 5 and 6: Rapport da gestiun e quen 2010 l ED
Page 7 and 8: Rapport da gestiun e quen 2010 Per
Page 9 and 10: Rapport da gestiun e quen 2010 Scol
Page 11 and 12: Rapport da gestiun e quen 2010 segi
Page 13 and 14: Rapport da gestiun e quen 2010 Jamn
Page 15 and 16: Rapport da gestiun e quen 2010 Jaco
Page 17 and 18: Rapport da gestiun e quen 2010 clie
Page 19 and 20: Rapport da gestiun e quen 2010 La E
Page 21 and 22: Rapport da gestiun e quen 2010 Cumi
Page 23: Rapport da gestiun e quen 2010 Il b
Page 27 and 28: Rapport da gestiun e quen 2010 Il m
Page 29 and 30: Rapport da gestiun e quen 2010 EGL
Page 31 and 32: Rapport da gestiun e quen 2010 Il c
Page 33 and 34: Rapport da gestiun e quen 2010 cont
Page 35 and 36: Quen 2010 Resultat cumplet Quen 201
Page 37 and 38: Quen current Quen 2010 Preventiv 20
Page 39 and 40: Quen current Quen 2010 Preventiv 20
Page 41 and 42: Quen d’investiziun Quen 2010 Prev
Page 43 and 44: Quen dalla circulaziun dils mieds f
Page 45 and 46: Amortisaziuns 2010 Investau brutto
Page 47 and 48: Bilanza 48 31-12-2010 31-12-2009 fr
Page 49 and 50: Bilanza 50 31-12-2010 31-12-2009 fr
Page 51 and 52: Cash flow en milliuns francs n Inve
Page 53 and 54: Casa da tgira Sursassiala Quen 2010
Page 55 and 56: Rapport da gestiun e quen 2010 Rapp
Page 57 and 58: Rapport da gestiun e quen 2010 Scol
Page 59 and 60: Rapport da gestiun e quen 2010 Huon
Page 61 and 62: Rapport da gestiun e quen 2010 Sche
Page 63 and 64: Rapport da gestiun e quen 2010 Stru
Page 65: Rapport da gestiun e quen 2010 Dism

RAPPORT DA GESTIUN 2010

Create successful ePaper yourself

Delete template?

Save as template?