RAPPORT DA GESTIUN 2010

La Punt a Cuflons vegn sanada
strucziun d’itschal. Plirs tschancuns cun mirs schetgs,
ina appariziun tipica per nossa cuntrada, ein vegni
sanai.
La staziun IMIS Lumpegna ei in impurtont stabiliment
per giudicar il prighel da lavinas. Duront la stad ei igl
instrument per mesirar l’altezia dalla neiv vegnius controllaus
e remediaus.
Projects collectivs e tgira digl uaul giuven: Il credit concedius
ei vegnius duvraus per gronda part per tagls
sfurzai. Denter auter ei igl uaul giuven a Prau sura,
Caischavedra e Runfoppa vegnius tgiraus. Singuls
schurmetgs ein vegni fatgs a Stagias, Marietta,
Caischavedra, Sonduritg e Cunel.
Las investiziuns forestalas muntan igl onn da gestiun
a frs. 459 374.65 (287 687.–). Ellas ein vegnidas finanziadas
ella media per 80,0 % (69,5 %) entras contri -
buziuns cantunalas e federalas, aschia ch’ei resta
per la vischnaunca mo in importo da frs. 91 874.95
(87 754.–).
In sguard el futur
Ella Val Clavaniev vegnan duas ulteriuras etappas da
lavineras construidas. Quella ei necessaria per cumpletar
las lavineras ed aschia procurar per aunc dapli
segirtad el contuorn da Funs e Clavaniev. Ils proxims
onns vegn ei ad esser necessari da mantener e sanar
Rapport da gestiun e quen 2010
parzialmein las lavineras erigidas el decuors dils davos
quater decennis. Igl onn 2011 vegn ina ulteriura etappa
realisada entras ils collaboraturs dil menaschi tecnic.
En tut setracta ei da rodund 300 m 3 ristials da lenn
e d’itschal per retener la neiv.
Ella Val Mala ha ei dau il december 2010 in sbuau agl
ur dallas ustonzas novas. Il terren sto vegnir mess en
uorden e francaus ton pli spert. Gest en quei liug
exponiu eis ei impurtont da mirar ch`igl uaul devastau
vegni remplazzaus ton pli spert.
Plinavon ei la sanaziun da mirs schetgs el territori Acla
da Fontauna previda. Gronda attenziun vegn dau vi -
navon al man teniment dalla reit da sendas da spas -
segiar. Egl onn 2011 eis ei p. ex. previu d’ereger in
piogn a Cavrein sut.
Tagls da lenna ein previ a Runfoppa, Caprau, Crestas,
Cavorgia e Fontanivas, ultra da quei tagls sfurzai
entras il bau-scorsa.
Turissem – collaboraziun regiunala
Las autoritads communalas da Mustér ein adina
puspei s’occupadas cun la collaboraziun turistica sin
palancau regiunal. Avon tredisch onns ein las duas
uniuns da cura Mustér e Sedrun s’unidas ad ina
organisaziun communabla «Sedrun Mustér Turissem»
(SMT). Las duas vischnauncas da Tujetsch e Mustér
sco era ils partenaris turistics han susteniu quei process
da collaboraziun da tutta forza. El senn d’ina
buna coordinaziun eis ei vegniu elaborau ina lescha
communabla per igl incasso dallas taxas da cura e
taxas per la promoziun dil turissem. L’execuziun da
quella incarica ei vegnida surdada a SMT. Plinavon han
omisduas vischnauncas exequiu communablamein il
detretschament dallas incaricas e dallas cumpetenzas
denter vischnauncas e SMT.
SMT dispona oz d’ina structura consolidada e d’ina
equipa habla d’exequir las differentas incaricas. Deplorablemein
ha ei dau numerursas midadas per -
sunalas. Ussa duess la situaziun denton esser sestabilisada.
Denter auter organisescha SMT numerus
arranschaments, diregia in sistem da reservaziun, procura
per ina vasta informaziun dils hosps e per in bien
marketing. Sin proposta dalla «meisa rodunda» eis ei
vegniu installau ina gruppa da lavur che coordinescha
las acziuns da marketing e quei aschibein da SMT sco
era dallas duas pendicularas. A quella gruppa, che
vegn dirigida dil niev directur da SMT, Stefan Hantke,
appartegnan ils dus directurs dallas pendicularas e la
presidenta da Gastro Mustér Val Medel ed il president
da Gastro Sedrun. La lavur communabla gida a nezegiar
las sinergias, garantescha ina buna coordinaziun,
augmenta l’efficienza e vegn appreziada da hosps ed
indigens.
L’entschatta digl onn 2010 han las duas pendicularas
instradau ina campagna per separar SMT. La suprastonza
communala ed il cussegl da vischnaunca han
consequentamein cumbattiu quellas tentativas, damai
ch’els vesan negins motivs perschuadents per ina
31