RAPPORT DA GESTIUN 2010

Il causignun Peter Limacher en acziun
cun ina stizun vegnida aviarta. Impurtont ei da sustener
e veser la gronda schanza che quella porta a
nossa regiun el futur. Era l’engrondaziun dil menaschi
dalla Destillaria Candinas a Surrein ei vegnida fatga
cun grond gust architectonic.
La vischnaunca da Mustér sco acziunaria ha buca mo
susteniu il project. Ella ei era stada activa per la realisaziun
dil scaldament central cun stialas a Rieven, il qual
ei era staus semtgaus per l’avertura dalla Sennaria.
Il CSA vegn menaus en fuorma d’ina uniun ch’ei
responsabla per inoltrar e coordinar la realisaziun dils
Il tschaler da caschiel en la Sennaria Surselva
differents projects. Il project «Aventura d’alp Crap ner»
(purschidas en connex cun in menaschi d’alp) ei en las
davosas fasas dalla realisaziun.
La suprastonza communala sustegn vinavon tuttas
activitads che arvan perspectivas per in center da
muntada regiunala per l’agricultura e pil turissem.
Menaschi tecnic
Rapport da gestiun e quen 2010
La lavur quotidiana
Era egl onn 2010 ha ei dau bia da far. Ils giavischs e las
pretensiuns visavi il menaschi tecnic ein carschi, quei
che pretenda da tuts flexibilitad ella planisaziun ed
execuziun dalla lavur. Sep Antoni Schuoler ed Ignaz
Flepp han saviu festivar lur 15avel onn d’engaschament,
Linus Manetsch ed Ignaz Bisquolm lur 20avel.
Nus en graziein ad els per lur engaschi en favur dalla
vischnaunca. Dapi igl emprem d’uost 2010 lavura
Martin Lustenberger tier il menaschi tecnic. El ha
absolviu cun success siu emprendissadi sco bostger
tier la vischnaunca da Domat.
El decuors digl onn ein aunc luvrers supplementars
segidai, specialmein per ereger lavineras ella Val Cla -
vaniev, per la tgira digl uaul giuven egl intschess da
Cuoz sut, Stalusa e Cavorgia. Leutier vegnan agids
sporadics da scolas, particularmein per la tgira digl
uaul.
29