RAPPORT DA GESTIUN 2010

Ils mirs da crappa ella gassa Fontauna vegnan restaurai
las cumpetenzas denter ils differents survetschs buca
definidas. Uonn eis ei stau pusseivel da realisar la
senda denter Stavel e Pardi che remplazza la senda
naven da Caischavedra e Plaun Menisch. Plinavon eis
ei stau necessari da sanar urgentamein la punt da
Cuflons. Muort la schliat’aura digl atun eis ei buca
reussiu da sanar la senda denter Lag da Tgauns e Lag
Serein. Quellas lavurs duein vegnir realisadas el de -
cuors dalla primavera 2011. Sco usitau ha il club da
skis prestau lavur cumina per preparar il trassé per la
loipa Cadi. Plinavon ha ina gruppa dall’uniun da giuventetgna
prestau lavur cumina vid la senda da Tiolas
a Lag Serein.
All’instanza da baghegiar ei vegniu inoltrau igl onn
2010 223 (244) damondas da baghegiar. Da quellas
ein 55 (70) suttamessas alla procedura ordinaria
vegnidas publicadas, 114 (154) ein vegnidas tractadas
sco annunzia. Ulteriuramein ha l’instanza tractau 20
(9) damondas per reclamas ed inscripziuns e 40 (19)
damondas da principi. Plinavon eis ei stau necessari
d’introducir 14 (3) proceduras da cuntravenziuns encunter
las prescripziuns dalla lescha da baghegiar
e dalla lescha davart l’economisaziun dils rufids.
Da quels 14 cass ei in cass aunc pendents. En 14
(13) sedutas dalla cumissiun da baghegiar ein 165
(142) tractandas vegnidas deliberadas. Igl uffeci da
baghegiar ha collaudau 28 baghetgs. Sper las fatschentas
da baghegiar ha igl uffeci da baghegiar
preparau 54 (69) fatschentas per la suprastonza communala.
Planisaziun locala
Era el decuors digl onn 2010 ha igl uffeci da baghegiar
impundiu bia temps per la revisiun da planisaziun da
quartiers. La cussegliaziun da baghegiar cun Christian
Wagner sco cussegliader da baghegiar ei secumprovada.
Plans d’areal e da quartier: Il plan d’areal Acla da
Fontauna ha saviu vegnir serraus giu. Il plan da quartier
Pignola ei vegnius publicaus l’entschatta 2011.
Las retschercas per arver la zona da baghegiar per
indigens a Caschuarz ein secuntinuadas. Tenor conclus
dalla Regenza sto la vischnaunca aunc relaschar
per quei areal ina reglamentaziun denter habitaziuns
primaras e secundaras. Ulteriuramein ei vegniu instradau
la procedura per la revisiun dil plan da quartier Sax
e dil plan da quartier Acletta vest/sur via.
El decuors digl onn 2009 ha la Regenza relaschau in
plan directiv per habitaziuns secundaras per territoris
turistics. Entochen la fin digl onn 2013 ston las differentas
regiuns relaschar prescripziuns concernent la
construcziun da secundas habitaziuns. El rom dalla
planisaziun directiva ha la Regiun Surselva elaborau
in plan directiv regiunal. Las restricziuns previdas ein
massivas. La procedura da consultaziun ei instradada.
Vias
Rapport da gestiun e quen 2010
Straduns e vias cantunalas
Egl onn da gestiun ein succedidas las usitadas lavurs
da manteniment. Per la sanaziun dalla Via Sursilvana
23