RAPPORT DA GESTIUN 2010

Rapport da gestiun e quen 2010
Il bus local ei ina purschida che vegn appreziada da hosps ed indigens
ha igl uffeci da construcziun bassa instradau la projectaziun.
Igl ei semussau ch’ei basegna buca mo ina
sanaziun cosmetica. La sanaziun dalla Via Lucmagn
s’entarda.
Via Cavardiras: Avon quater onns ha il Cantun declarau
ch’el seigi promts da far certas remeduras dalla via
da Cavardiras. Per buca pregiudicar investiziuns fallidas,
ha il Cantun schau elaborar in project. Las lavurs
da projectaziun fan pign progress. Per la vischnaunca
eis ei da gronda muntada ch’ils puncts neuralgics ve -
gnan sanai.
Via Pardomat: Il project per la via a Pardomat ei ve -
gnius publicaus. La sanaziun dalla punt ei surdada ed
ei vegn entschiet il fevrer 2011 cul remplazzament
urgent dalla punt. En vesta all’ovra electrica Russein
vegn ins a dar peisa ch’il Cantun cuntinueschi senza
targlin la via denter la Punt Gronda e Madernal.
Mumpé Tujetsch: Ils 15 da fenadur 2010 ha igl uffeci
da construcziun bassa communicau che la respon -
sabladad per la via a Mumpé Tujetsch mondi naven
digl emprem da matg 2011 vi alla vischnaunca.
Schegie che la via ei vegnida construida da niev avon
paucs onns vegnan ils cuosts da manteniment e pil
survetsch d’unviern ad engreviar supplementarmein la
cassa communala.
Vias communalas
Manteniment: La situaziun dallas vias communalas
ei buca semigliurada. Quei demuossa il resultat dil
24
quen communal. Ils cuosts per las reparaturas sur -
vargan il preventiv e muntan a strusch frs. 93 000.–
(frs. 106 630.–).
Via da rimnada Faltscharias: Il project per la sanaziun
dalla Via Faltscharidas ei vegnius surluvraus.
Actualmein cuora la procedura da perimeter. El decuors
digl onn 2011 vegn la sanaziun realisada.
Via privata da quartier Pintga: Igl atun 2010 han ins
entschiet cun las lavurs da construziun. La construcziun
spira ei terminada. La primavera 2011 vegn ins a
far la cuvrida.
Via da rimnada Run: Tenor plan da finanzas eis ei
previu da cuntinuar cun la sanaziun dalla Via Run. Las
preparativas per la projectaziun cuoran.
Illuminaziun publica: Las discussiuns davart optimar il
consum d’energia dall’illuminaziun publica sespleigan
vinavon. Leu nua ch’ils stabiliments vegnan remplazzai,
dat la vischnaunca grond’attenziun da far diever da
quellas pusseivladads. Actualmein cuoran retschercas
per optimar l’illuminaziun e reducir il consum d’energia.
Plinavon dat ei ina nova illuminaziun da Nadal.
Parcadis: Actualmein prepara la vischnaunca in project
per economisar ils parcadis els uclauns. Las lavurs
ein denton s’entardadas.
Bus local: Il bus local vegn appreziaus aschibein dils
hosps sco dils indigens. Malgrad che la finanziaziun ei