RAPPORT DA GESTIUN 2010

da colligiaziun alla canalisaziun e serenera (taxaziuns
posteriuras entras novs schazetgs). Las investiziuns
nettas schaian per varga in milliun francs sut il preventiv.
Il resultat ei per varga in milliun francs megliers che
prevediu. Quei importo ei denton negin respargn. Per
differents motivs ein las investiziuns s’entardadas ed
aschia stuschadas sin pli tard. Ils credits buca duvrai
crodan cun la fin digl onn da gestiun e san buca vegnir
transferi sigl onn niev.
Preventiv ed activitads 2011
Tenor il program d’activitad ein ils suandonts projects
previ per 2011:
> Cuntinuaziun dalla renovaziun dallas structuras sco
era ina ulteriura migliur dalla situaziun economica
e finanziala
> Elaborar in concept per las investiziuns a cuorta e
liunga vesta per il Center da sport e cultura
> Integraziun da persunas d’ordeifer: Ina cumissiun
analisescha la situaziun actuala e ponderescha co
promover l’integraziun (scola, uniuns, veta sociala
quotidiana)
> Eruir igl interess per la nova zona per indigens a
Caschuarz
> Realisar l’engrondaziun dalla Casa da tgira Sursassiala
en collaboraziun cun las vischnauncas da
Sursassiala
> Eruir ils giavischs ed ils basegns dils attempai
(cumissiun)
> Nezegiar las resursas naturalas (energia regenerabla)
e duvrar nossa lenna per ils scaldaments dils
edifecis communals
> Cuntinuaziun cun la realisaziun dalla Ovra Russein
> Bus local: Sclarir la damonda dil purtader e dalla
finanziaziun
> Meglieraziun funsila: Elaborar in studi cun ina cumissiun
accumpignonta
> Zona da mistregn a Pignola: Realisar l’avertura e
locaziun da terren
> Collaboraziun turistica: Soluziun communabla sin
fundament dalla mediaziun Optima vista (Mustér–
Sedrun–Andermatt)
Preventiv
Il preventiv 2011 preveda pil quen da menaschi
entradas da frs. 12 225 200.– ed expensas da frs.
12 203 400.–, aschia ch’ei seresulta in surpli d’entradas
da frs. 21 800.–. Enviers il preventiv 2010 munta
quei ad ina migliur da rodund frs. 200 000.–. Il quen
d’investiziun 2011 quenta cun expensas da brutto
frs. 2 795 000.– ed entradas ord contribuziuns e
subvenziuns da frs. 1 052 500.–. Cheutras seresultan
investiziuns nettas da frs. 1 742 500.–. En quei importo
ei cunteniu lavurs da sanaziun el Center da sport e cultura,
la sanaziun dalla Via Faltscharidas, la colligiaziun
da Mumpé Medel alla serenera Raveras, projects
Rapport da gestiun e quen 2010
forestals sco era cuosts da studi per in’ovra electrica
en Val Acletta. Las amortisaziuns ein calculadas cun
frs. 1 644 700.–, aschia ch’ei seresulta in deficit da
finanziaziun da frs. 76 000.–. Per consolidar la situaziun
finanziala dalla vischnaunca resta il pei da taglia
sco tochen dacheu, respectivamein la decisiun dalla
cuminonza dils votants dils 24 da fevrer 2008 vegn
mantenida.
Consideraziuns finalas
Entras las mesiras da spargn ed il bien quen eis ei stau
pusseivel da liquidar entginas pendenzas finanzialas e
da reducir ils deivets. Quei ei in legreivel success!
Ei drova denton vinavon gronda prudientscha e precauziun
per contonscher in bien equiliber finanzial.
El mument ein differents projects sin rucca. Denter
auter setracta ei d’anflar ina sligiaziun per las habita -
ziuns secundaras, quei en connex cun las restricziuns
previdas el plan directiv cantunal, mo era per cum -
pensar il manco dalla finanziaziun dallas habitaziuns
secundaras alla infrastructura communala. En collaboraziun
cun igl uffeci cantunal per economia e turissem
(AWT) ed igl uffeci pil svilup di territori (ARE) examineschan
las vischnauncas da Tujetsch e Mustér en in
project da pilot quella problematica. Denter auter stat
l’introducziun d’ina taxa directiva ed era ina eventuala
taxa cantunala per promover il turissem en discussiun.
Avon che prender novas disposiziuns finanzialas, ston
quels problems e quellas pusseivladads esser sclaridas.
Pér lu eis ei pusseivel da far ina prognosa seriusa
pil svilup futur dallas finanzas communalas e da prender
las mesiras adequatas. Cun satisfacziun savein
nus constatar, che nus essan sin ina buna via.
Nus essan pertscharts ch’ei drova vinavon grondas
stentas per garantir igl equiliber finanzial e per instradar
novas activitads economicas. Da cuminonza ed
en buna entelgientscha cun ils commembers dallas
autoritads communalas sco era cun il sustegn da
vischins e vischinas lein nus s’engaschar per progress
e prosperitad.
Per conclusiun da nies rapport admettein nus ad in e
scadin ch’ha gidau a contonscher il grond success in
profund e sincer Dieus paghi, en emprema lingia al
cussegl da vischnaunca ed a tuts cumpigliai per quella
excellenta lavur e per quella collaboraziun. Quei engraziament
va era allas convischinas e convischins per la
gronda confidonza demussada.
Suprastonza communala Disentis/Mustér
Il president: dr. Dumeni Columberg
Il canzlist: Andri Hendry
35