RAPPORT DA GESTIUN 2010

Activitad politica
Cuminonza dils votants
Entras la nova structura politica sto la cuminonza dils
votants mo pli decider sur da damondas essenzialas.
Quei s’exprima el diember da votaziuns. Aschia ha
la cuminonza dils votants decidiu igl onn 2008 sur da
buca meins che 13 fetg impurtontas fatschentas. Igl
onn 2009 havein nus perencunter giu neginas vota -
ziuns ni elecziuns communalas ed egl onn da gestiun
quater, numnadamein:
Votaziuns communalas
13 da zercladur 2010
– Sanaziun dalla casa communala ed il manteniment
dalla sculptura: Credit da frs. 780 000.–
26 da settember 2010
– Dretg da baghegiar per la fundaziun Casa da tgira
Sursassiala (Casa Sogn Gions)
Elecziuns communalas
26 da settember 2010
– Madlen Deflorin-Spescha vegn eligida sco geraua
28 da november 2010
– Pius Huonder vegn eligius sco niev commember dil
cussegl da vischnaunca
Referendum facultativ
Al referendum facultativ ein las suandontas fatschentas
vegnidas suttamessas:
– Quen 2009
– Lescha forestala: Revisiun parziala
– Preventiv 2011
– Sanaziun Via Faltscharidas: Credit da frs. 490 000.–
– Zona da mistregn a Pignola:
Credit da frs. 850 000.– per igl acquist
da treis parcellas
– Parcadi sutterran Casa da tgira Sursassiala:
Credit da frs. 480 000.–
– Canalisaziun Mumpé Medel:
Credit da frs. 280 000.–
Cunquei che negin ha pretendiu ina votaziun dil pievel,
han tuttas fatschentas contonschiu vigur legala.
Novs burgheis
Egl onn da gestiun han treis persunas obteniu il
dretg da burgheis, numnadamein ils fargliuns Arlinda
ed Ylber Abduli, Mazedonia, e Nicole Manetsch,
Hollanda.
Cussegl da vischnaunca
Sut il presidi da Robert Cajacob ei il cussegl da
vischnaunca seradunaus siat (otg) gadas. Danovamein
ha el deliberau in tschuppel fatschentas. Ei
setracta dil suandont: 7 (8) sedutas cun 29 (34)
Rapport da gestiun e quen 2010
NUS TUTS ASTGEIN, GIE DUESSEN HAVER
EN NIES MINTGADI GIAVISCHS E FINAMIRAS
ED HAVEIN IL DRETG DA FAR PRETENSIUNS.
NUS DUESSEN DENTON BUCA EMBLIDAR,
CHE NUS TUTS HAVEIN ERA OBLIGAZIUNS.
PER ESSER CUNTENTS TONSCHA MAGARI
GIA IN BIEN PLAID, IN TEC SUSTEGN, CON -
FIDONZA VICENDEIVLA E BUNA SANADAD.
LU AUNC REALISAR CHE FAR IN PLASCHER AD ENZATGI FA ERA BEIN
A SESEZ.
QUEI VALA BUCA MO PER SESEZ, MOBEIN FAGESS ERA BEIN EN
GENERAL, EN NOSSA CUMINONZA. JEU SUNDEL PERSCHUADIUS,
SCHE MINTGIN E MINTGINA DA NUS S’ENGASCHA TENOR SIAS
PUSSEIVLADADS PER IL BEINSTAR DA NOSSA VISCHNAUNCA,
DA NOS VISCHINS E NOSSAS VISCHINAS, HAVEIN NUS PAUC DA
SPIARDER, DENTON BIA DA GUDIGNAR.
Robert Cajacob, president dil cussegl da vischnaunca
fatschentas; 11 (13) messadis; 7 (8) protocols; in
postulat da cusseglier Clemens Berther davart l’inte -
ressenza sco era in adattau liug per cuminonzas da
bargias da lenna da brisch, ina interpellaziun da cusseglier
Pirmin Lozza concernent ulteriur terren da ba -
ghegiar ella zona dil vitg.
Ultra da quei ha il parlament deliberau il program
d’activitad ed il plan da finanzas sco era concediu il
dretg da baghegiar en favur dalla fundaziun Casa da
tgira Sursassiala. Quei ei la premissa per che l’engrondaziun
e la renovaziun previda sappien succeder.
Collaboraziun regiunala
Ils 27 d’uost 2010 ei il parlament communal s’exprimius
claramein per il manteniment da Sedrun Mustér
Turissem (SMT) e per ina collaboraziun cun Sedrun ed
Andermatt. Gia il fevrer 2010 era el staus encunter ina
separaziun da Sedrun Mustér Turissem ed exprimiu il
giavisch ch’ei reusseschi d’anflar ina megliera collaboraziun
denter las pendicularas da Mustér e Sedrun e
ch’ei detti beingleiti in bigliet communabel.
Ils 27 d’uost 2010 ha il cussegl da vischnaunca priu investa dallas
ustonzas Val Mala, impurtontas per proteger il vitg
7