RAPPORT DA GESTIUN 2010

Rapport da gestiun e quen 2010
contribuziun communala als stabiliments d’ennevar.
Aschibein ils hosps sco ils indigens beneventassen,
sch’ei reussess era d’anflar ina cooperaziun da tariffas
per la regiun.
Embellaziun dil vitg – nova cumparsa
Ina biala cumparsa dil vitg e dalla cuntrada ei da
gronda muntada per l’attractivitad da nossa visch -
naunca turistica. Quei impurtont postulat ei francaus el
program d’activitad. Igl ei previu da reponderar la
cumparsa dalla staziun, denton era digl entir vitg. La
lavur ei s’entardada. El decuors digl onn 2011 sperein
nus da realisar quei concept.
Finanzas
In bien quen
Il quen 2010 ei considerablamein pli favoreivels che
previu. Quei bien resultat ei d’ina vart il meret dalla
buna disciplina budgetara. Da l’autra vart ein las en -
tradas carschidas. Quei augment deriva specialmein
dalla vendita dall’energia da participaziun e dalla taglia
sin scumiada da maun. Perencunter semovan las
entradas dallas taglias sin l’entrada e la facultad sco
era ils tscheins d’aua el rom dil preventiv.
Il quen current 2010 siara cun expensas da frs.
13 346 619. – (onn 2009: frs. 12 177 122.–, preventiv
2010: frs. 12 110 500.–) ed entradas da frs.
13 404 601.– (onn 2009 frs. 12 248 912.–, preventiv
34
2010: frs. 11 897 300.–). Las amortisaziuns totalas
importan frs. 2 800 779.– (onn 2009: frs. 2 022 832.–,
preventiv 2010: frs. 1 479 400.–). En pei d’in manco
da frs. 213 200.– havein nus in pign avanzament da
frs. 57 982.– e la pusseivladad da liquidar entginas
pendenzas finanzialas. Il recav brut (cash-flow) munta
a frs. 2 858 761.– e survarga il resultat digl onn vargau
per frs. 764 138.–.
Il favoreivel resultat dil quen current lubescha ina sanaziun
parziala dalla bilanza. Dapi onns cuntegn la
bilanza posiziuns senza ina valeta effectiva. Entras
amortisaziuns supplementaras da biebein 1,4 milliuns
francs san quellas posizius (p. ex. la contribuziun alla
sanaziun dalla cassa da pensiun cantunala, planisaziun
locala, mesiraziun/terminaziun, contribuziuns a
corporaziuns d’aua, contribuziun a Reka) vegnir eliminadas
ni sminuidas. L’activaziun dalla contribuziun alla
surbaghegiada Reka munta aunc adina a 1,1 milliuns
francs.
Il quen d’investiziun siara cun expensas da frs.
1 725 218.– (onn 2009: frs. 1 964 211.–: preventiv
2010: frs. 2 506 500.–) ed entradas da frs. 1 019 554.–
(onn 2009: frs. 878 183.–, preventiv 2010: frs.
730 000.–), pia investiziuns nettas da frs. 705 663.–
(onn 2009: frs. 1 086 028.–, preventiv 2010: frs.
1 776 500.–). Las investiziuns principalas ein stadas la
sanaziun dalla casa communala sco era ils projects
forestals Vala Mala e lavineras en Val Clavaniev. La
gronda part dallas entradas ein d’attribuir als subsidis
cantunals pils projects forestals sco era allas taxas
Centrala da scaldament cun stialas a Val Rieven
El decuors digl onn 2011 vegnan las casas da scola ed il Center da sport e cultura colligiadas cun quei niev sistem, aschia che la vischnaunca
sa desister digl ieli