RAPPORT DA GESTIUN 2010

Rapport da gestiun e quen 2010 l EDITORIAL
luaziun da novas perspectivas (Optima Vista). Ussa
para ei ch’ils cumpegliai hagien anflau ina soluziun
communabla. En emprema lingia vulan ils respon -
sabels s’engaschar per ina colloboraziun cun Mustér
Sedrun ed Andermatt. Quei ei ina visiun che selai buca
realisar d’in di sin l’auter.
Legreivlamein savein nus presentar in bien quen. Grazia
allas entradas extraordinarias dalla vendita dall’
energia da participaziun eis ei pusseivel da sanar
parzialmein la bilanza e finalmein eliminar entginas
posiziuns senza ina valur effectiva. Ils deivets han saviu
vegnir reduci, ein denton adina considerabels. Entgins
problems ein aunc buca sligiai, denter auter il deficit
dalla finanziaziun speciala dalla canalisaziun e serenera.
Plinavon sepresenta la problematica dallas habitaziuns
secundaras. Denter auter stat l’introducziun
d’ina taxa directiva ed era d’ina eventuala taxa cantunala
per promover il turissem en discussiun. Avon
che prender novas disposiziuns finanzialas, ston quel
problems e quellas pusseivladads esser sclaridas.
Pér lu eis ei pusseivel da far ina prognosa seriusa pil
svilup futur dallas finanzas communalas e da prender
las mesiras adequatas. Cun satisfacziun savein nus
constatar che nus essan sin ina buna via. Ei drova
denton vinavon precauziun e prudientscha.
En num dalla suprastonza communala engraziel jeu ad
in e scadin per il bien sustegn, en emprema lingia allas
commembras ed als commembers dallas autoritads
communalas sco era a tuttas collaboraturas ed a tuts
collaboraturs dils differents survetschs communals. In
grond Dieus paghi admettein nus a convischinas e
convischins per la gronda confidonza.
Bugen sperein nus vinavon cun il sustegn da vischins
e vischinas, pertgei mo da cuminonza savein nus
sligiar las incaricas hodiernas e futuras.
Dr. Dumeni Columberg, president communal
6
Ovra electrica Russein – il pli impurtont project digl onn 2010
Lag da Barcuns cun la lingia da pressiun e la centrala sut la Punt Gronda