RAPPORT DA GESTIUN 2010

Rapport da gestiun e quen 2010
Il cussegl da vischnaunca s’informescha davart la collaboraziun turistica Mustér – Sedrun – Andermatt
Center d’informaziun «Tgina dil Rein» sil Pass Alpsu
separaziun e disfatga dalla collaboraziun contonschida
el davos decenni. Quei ch’ei vegniu construiu cun
tonta breigia e cun bia stenta astgan ins buca destruir
d’in mument sin l’auter. Il cuntrari: Ina separaziun ei da
donn per la promoziun economica ed in fatg negativ
per novs investurs.
La Sursassiala collaborescha sin numerus secturs e
quei aschibein dalla veta publica sco dalla economia
privata. Sulettamein las pendicularas han strategias e
filosofias differentas. Quei fatg exista dall’entschatta
enneu ed ei negin motiv per ina sistida dalla collabo -
raziun regiunala. Per satisfar a lur basegns han ins
approbau la noziun dalla «geometria variabla», q. v. d.
ch’ils partenaris han la pusseivladad e la libertad da
separticipar a singuls products ed acziuns cun autras
regiuns. Ina da quellas ei il pass regiunal Surselva, che
gida da surmontar la munconza d’in bigliet communabel
denter las pendicularas da Mustér e Sedrun.
Il cussegl da vischnaunca ei s’occupaus repetidamein
cun la collaboraziun regiunala. En sia seduta dils 26 da
fevrer 2010 eis el s’exprimius encunter ina separaziun
da Sedrun Mustér Turissem ed exprimiu il giavisch,
ch’ei reusseschi d’anflar ina megliera collaboraziun
denter las pendicularas da Mustér e Sedrun e ch’ei
detti beingleiti in bigliet communabel. Ils 27 d’uost
2010 ei il parlament communal s’exprimius danovamein
per il manteniment da SMT e per ina collaboraziun
cun Sedrun ed Andermatt. Cun grond interess ha
el era priu enconuschientscha dalla retscherca dallas
32
uniuns da giuventetgna Tujetsch e Mustér concernent
la collaboraziun turistica. Cunquei che rodund 40 %
dalla populaziun han priu part, ei la retscherca representativa.
Ina maioritad dominonta dalla populaziun
(a Mustér varga 95 %) giavischa da mantener l’organisaziun
turistica SMT ed in bligliet d’ir cun skis cumbinau.
San Gottardo
La vischnaunca da Mustér ha era 2010 collaborau
el ravugl da San Gottardo. Las Regenzas dils quater
cantuns Grischun, Uri, Valleis e Tessin han documentau
la ferma voluntad da realisar ina tala collaboraziun
e da nezegiar communablamein il grond potenzial.
Il ressort turistic d’Andermatt (ASA da Samih Sawiris)
fa buns progress. Quei imposant project ei il motor dil
svilup ella regiun San Gottardo. Ussa setracta ei da
coordinar e da nezegiar quei potenzial e da crear buns
products. San Gottardo ha la schanza da daventar
la regiun da model tenor la nova politica regiunala.
La vischnaunca da Mustér separticipescha al program
da realisaziun tenor la nova politica regiunala
(Umsetzungsprogramm NRP). Sco ei semuossa,
drova ei bia dapli temps per realisar las finamiras previdas.
Ina communicaziun segira d’unviern e da stad cun il
Tessin e l’Italia sur il Pass Lucmagn ei d’eminenta
muntada. Per ina avertura permanenta drova ei denton
considerablas investiziuns.