22 April 2011 - Namaqualand Information

Jopie Fourie Kotzé -
`n ware ambassadeur vir
Namakwaland
Mense verwys graag na ander en soms na hulself, as
Namakwalanders, maar daar is min wat al probeer het om ‗n
Namakwalander te definieer. Ek dink nie dit is my taak om dit te
doen nie, maar dit is terselftertyd nie moeilik om die etiket van ‗
Namakwalander wees‘ om die nek van iemand soos Jopie Fourie
Kotzé te hang nie.
Jopie is gebore en het grootgeword in Namakwaland en dit is
waar sy integriteit, sy taalgebruik, sy menswees, sy
deursettingsvermoë, sy liefde vir die kultuur-historiese en die
natuur, sy gemaklike omgang met mense en sy besigheidsvernuf
beslag gekry het.
Wat hy in Springbok bereik het, het nie ontstaan deur
hoogdrawende toesprake van groot verhoë af, of belangrike poste
wat hy in die openbare lewe beklee het nie, inteendeel, hy was
suksesvol in besigheid, juis omdat hy hard gewerk het en elke dag
al die persoonlike waardes wat hy koester, ten volle uitgeleef het.
Gedurende die sewentiger jare van die vorige eeu het Jopie sy tyd
hoofsaaklik aan boerdery gewy en het hy hard gewerk om die
Mesklip Melkery en ‗n varkboerdery instand te hou en uit te bou.
Hy was trots op die produkte wat hy gelewer het en het
voortdurend seker gemaak dat hy op die hoogte van die nuutste
ontwikkeling in die bedrywe, gebly het. Op Mesklip het hy groot
bewaringsprojekte aangepak, omdat dit vir hom belangrik was om
op die wyse sy liefde vir die grond en die natuur uit te leef.
Gedurende die tyd het Jopie met sy gesin op Mesklip gebly en
voltyds die boerdery behartig. Saam daarmee het hy gereeld oor
naweke sy broer, Andries, by die Springbok Kafee, afgelos. Vir
harde werk en lang, ontydige werksure was hy nie bang nie. Hulle
het graag op die plaas vriende onthaal, maar Mesklip was nie ‗n
lêplek vir elke Jan Raap en sy maat nie. Oor die jare het hulle hul
huisvriende met omsigtigheid gekies en was dit ‗n voorreg vir die
‗uitverkorenes‘ om hul gasvryheid te geniet.
Na Andries se tragiese dood, moes Jopie oornag volle
verantwoordelikheid vir die boerdery en die kafee neem. Dit sou
oor die lang duur nie vir hom moontlik wees om daarmee vol te
hou nie en moes hy ‗n keuse maak. Besigheid is in sy bloed,
miskien meer so as boerdery en dit was dus ‗n gegewe dat hy die
besigheid sou kies om voltyds al sy energie en vernuf aan te wy.
Omstandighede het vereis dat hy vir byna twee jaar letterlik elke
dag daar moes deurbring. ‗n Ware voorbeeld van wat die begrip
‗24/7‘ beteken! Dit was, glo ek, die geleentheid vir hom om ander
moontlikhede in die plaaslike gastehuisbedryf te oorweeg en
algaande het hy die oorspronklike familiebesigheid omskep en
gevorm sodat die een aktiwiteit na die volgende kon lei en hulle
mekaar uiteindelik kon komplimenteer.
Na gelang die besigheid gevorder het, het sy belangstelling in die
kultuur-historiese nuwe geleenthede geskep en het hy betrokke
geraak by, onder andere, die museum in Nababeep, die Blou Myn
in Springbok en die herdruk van verskeie boeke wat, as dit nie vir
hom was nie, vir altyd vir die nageslagte verlore sou wees. Jopie
verdien ‗n groot dankie en ondersteuning vir hierdie inisiatiewe.
Dit sou moeilik wees om te raai watter van sy stokperdjies vir hom
die belangrikste is. Miskien is dit ook nie ons taak om daaroor te
wonder nie, want wat belangrik is vir ons en al sy gaste wat
daagliks aandoen, is die bron van kennis wat hy met almal deel.
Hy ken sy klippe, hy ken sy boeke, hy ken baie mense en hy ken
Namakwaland! Jopie is ‗n ware ambassadeur vir Namakwaland.
Hy bemark daagliks die prag en die voordele van die streek, maar
huiwer nie om terselftertyd die negatiewe uit te wys nie. As dit
droog is kry hy saam met almal swaar, as dit reën deel hy almal se
vreugde en deurgaans dra hy die wel en wee van Namakwaland
op die hart.
Hy is ‗n goeie vriend om te ken! (Floors Brand- Loeriesfontein)
Stem DA
vir
dienslewering
HERFS
Herfs? Herfs is kleure
Malse kleure
Oker, geel, oranje, bruin.
Anders as ander seisoene
Tooi ons moeder haar
Vir die swanesang wat
Winter baar.
Loom warm sonskyn dae
vol van Welbehae.
Herfs? Herfs is ook pyn
Soos bittergal in soete wyn.
Stadig maak die blaar haar
los
om saggies te tuimel…..
na kompos…
maar niks is net nutteloos
daarvoor is daar n
Hoërhand
wat in my herfsjare
my tuimeltog met
liefdesband
bewaar van kompos.
Maritha Kruger
(Groblershoop)
„n Groen Wenk
Groen bakstene
Kleibaksteen-geboue is ‗n baie
omgewings-vriendelike opsie vir bouwerk.
Dit verg geen onderhoud nadat dit gelê is
nie, wat dadelik ook jou koolstofspoor
dowwer maak.Dubbellaag-kleibakstene
reguleer temperatuur binne ‗n gebou meer
doeltreffend, wat ook beteken jy het minder
elektrisiteit nodig wanneer jy jou huis wil
verhit of verkoel. Kleibakstene word vir
beide residensiële en kommersiële
ontwikkelings gebruik om die omgewing te
help bewaar en koolstofvrystellings te
beperk.
"Keep love in your heart. A
life without it is like a sunless
garden when the flowers are
dead. The consciousness of
loving and being loved brings
a warmth and richness to
life that nothing else can
bring."- Oscar Wilde
Springbok
Superspar
Good for you.
Save more. Live more.
Visit / Besoek : www.spar.co.za
vir spesiale aanbiedinge / specials
Jopie Kotze
Sinoniem met
Springbok 20 Lodge.
Boeke! Klip.
Geskiedenis.
`n Besoek aan
Springbok Lodge
Restaurant met al die
kultuurgeskiedenis
teen mure uitgestal,
vertel hul eie verhale.
Interessante
vertellinge.Kennis.
Bewaring.
Bemarker van ons
streek, ons land?
―Namakwa-land‖.
foto:Karel du Toit SPRINGBOK LODGE
20
I am a part of all that I have met.
Alfred Tennyson
20