22 April 2011 - Namaqualand Information

Plaaslike Owerheid o.a.
Mag jy kans sien vir enigiets, ongeag
die ander party(e) se oormag....
Doen die regte ding. Stem DA!
I would prefer even to fail with honor
than to win by cheating.
Manyi se verskoning laat
bitter nasmaak
Alhoewel Jimmy Manyi sonder voorbehoud verskoning gevra het
omdat hy genoem het dat daar te veel kleurlinge in die Wes-Kaap
is, is so ‗n verskoning niks werd totdat die ANC sy bedoeling om
seksie 42 van die Wet op Diensbillikheid te wysig, terugtrek nie.
Die poging om hierdie Wet te wysig, verteenwoordig ‗n poging om
nasionale eerder as provinsiale demografie as die kwalifiserende
kenmerk te erken aan die voldoening van diensbillikheid.
Die probleem is dat deur nasionale inplaas van provinsiale
demografie te gebruik, sal veroorsaak dat werkgewers die aantal
werknemers van enige ras wat in enige streek te gekonsentreerd
is, sal moet verminder. Om dinge te vererger, lieg die ANC vir die
Parlement deur voor te gee dat kleurlinge volgens die Grondwet
swart is, maar wanneer dit kom by dienslewering en
werksgeleenthede word kleurlinge weer ewe skielik tweedeklas
burgers.
So lank as wat die ANC wil voortgaan met hierdie betwisbare
wetgewing kan hulle met luidsprekers aankondig, dat daar ook te
veel kleurlinge in die Noord-Kaap, te veel Indiërs in Kwa-Zulu Natal
asook te veel swartes in Limpopo en Mmpumalanga is, want dit is
die kern van hulle onlogiese denkwyse.
Bogenoemde is die produk van ‗n diktatorskap en nie ‗n
demokrasie nie! As hulle hiermee voortgaan, sal dit ‗n herhaling
van die geforseerde verhuising van die apartheid era wees in die
naam van Vryheid – wat ‗n grap! Hoe kan enigiemand die ANC
ernstig opneem?
Hopelik maak die kiesers van alle rassegroepe hulle stemme dik.
Allen Grootboom, LPW DA Noord-Kaap
“Houer Biblioteke‖ (container libraries)
Die Demokratiese Alliansie is bekommerd, dat die Noord-Kaapse
Departement van Sport, Kuns en Kultuur se ―houer biblioteek‖ projek nie
van die grond af kan kom nie ten spyte van die fondse wat al reeds vir
hierdie doeleinde aangewend is.
Die ―houer biblioteek‖ projek het in 2007 begin. Dit was ‗n innoverende
idee om plaaslike ontwikkeling aan te vuur deur voorheen benadeelde
gemeenskappe se toegang tot boeke te verbeter, maar toe het die
probleme begin. Verskaffers was vooruit betaal en kon nie op die ou end
aan hul kontrak voorwaardes voldoen nie. As gevolg hiervan moes die
departement weereens vir 38 houers begroot.
Behalwe die geld wat op die houers vermors was, het ―houer biblioteke‖
‗n tekort aan leesstof en is in baie gevalle nie operasioneel nie. Een
houer in Rooiwinkel in Namakwaland word selfs deur die Departement
van Gesondheid as ‗n kliniek gebruik. Die Departement van Sport, Kuns
en Kultuur moet hierdie saak ernstig opneem. Sekerlik kan die
Departement van Gesondheid ander plekke identifiseer waarvan hulle
dienste kan verskaf. Ons bevraagteken of dié departement betaal vir die
gebruik van die houer asook waar die boeke is?
In ander plekke is die houers so verwaarloos, dat dit binne natreën en
boeke verniel word as gevolg van die vog en die son. Om dinge te
vererger kan die departement nie die houers en boeke roteer nie, omdat
die houers nie stabiel is nie, asook dat hulle nie in besit van die nodige
hulpbronne is nie. Dit blyk dus dat die bedoeling om houers te roteer, nie
eintlik ‗n oplossing is nie aangesien boeke in dié proses beskadig word.
Daar is ook baie gevalle waar mense aangestel is om die houers te
beman en daarvoor betaal word, al is dié houers leeg.
Die DA is bekommerd, dat biblioteekdienste nie sy mandaat nakom nie
en dat leesstof nie aan alle gemeenskappe verskaf word nie.
Die DA sal versoek, dat ‗n verslag ten opsigte van biblioteekdienste aan
die relevante portefuelje komitee voorgelê word. Dit is noodsaaklik dat al
die feite ter tafel gelê word, want eers dan sal ons behoorlike oorsig kan
doen en verseker dat korrektiewe maatreëls geïmplementeer word.
Die DA hoop dat daar ‗n logiese verduidliking vir die situasie is.
ALLEN GROOTBOOM, LPW DA NOORD-KAAP
―South Africa risks gaining a reputation as one of the most
corrupt countries in the world if we do not nip the scourge in
the bud. In the midst of abject poverty and hunger, greed and
the speedy accumulation of wealth have become the most
defining characteristics of South Africa's post-apartheid
democracy.‖ -- Sunday Times Editorial
Life without liberty is like a body
without spirit.
8
8
8