22 April 2011 - Namaqualand Information

Geloof, waagmoed en vakmanne
kan ekonomie red - Godsell
"Behou geloof in ons vaderland, Suid-Afrika. Ten spyte van sy foute
kan ons land steeds 'n lig vir ander nasies wees en 'n tuiste vir ons
kinders en kleinkinders. Wat ons nou nodig het, is waagmoed."
Dit was die boodskap van mnr. Bobby Godsell, ekonomiese kenner,
sakeman en voorsitter van Business Leadership, by die AHI se
jaarkongres in Vanderbijlpark.
Hy het die gevierde skrywer NP van Wyk Louw aangehaal wat
dekades gelede reeds beklemtoon het dat dit elke landsburger,
insluitend sakelui, se voorreg en plig is om 'n eie kultuur, vryheid en
skoonheid in die land te skep.
Godsell sê, hy is baie besorgd oor die opleiding-ineenstorting van
Suid-Afrikaanse ambagslui en meen dat die land se huidige
skoolstelsel te veel op verdere universiteitopleiding fokus.
"Ons moet hierdie obsessie met universiteitopleiding, grade en status
verbreek en doelgerigte opleiding in verskillende ambagte in ere
herstel," sê hy.
Wat nasionalisering van nywerhede en myne betref, meen Godsell
die staat sal eers moet bewys dat die land se inwoners groter
voordeel daaruit gaan put as dit in regeringshande pleks van die
privaatsektor s'n is.
"Die geskiedenis bewys, dat private ondernemings meer suksesvol as
die staat is om beleggings te kry en wins te maak. Tans kry die staat
belastinginkomste uit die myne, wat tot voordeel van alle
landsburgers benut kan word. Gaan die staat die myne net so
suksesvol kan bedryf as dit die dag in hulle hande is?"
Sy raad aan sakelui is om nie op die kantlyn te staan nie, maar aktief
aan 'n soort volksdebat deel te neem om hul saak te stel en om hul
vaardigheidsbehoeftes deeglik aan opleidingsinstansies bekend te
maak. Hy het 'n beroep op sakelui gedoen om korrupsie nie aan te
moedig deur omkoopgeld te betaal in ruil vir besigheid nie.
Care about
people's
approval and
you will be
their prisoner.
Geldsake met GJ
Dis baie maklik om hierdie maand aktuele sake te vind om op
komentaar te lewer. Die tsunami in Japan en die onrus in die Midde
Ooste is die twee grootste nuusmakers.Die Japanese natuurramp het
die fokus bietjie weggeneem van Egipte (waar die onrus min of meer
uitgesorteer is) en Libië. Die feitelike inligting het ons reeds, maar die
uitwerking wêreldwyd is baie meer kompleks. Die Japanese
aandelebeurs het alreeds 12% verloor teen die tyd dat ek hierdie
saamstel, terwyl faktore soos die kernontploffings nog geensins
gekwantifiseer kan word nie. Ons moet nie uit die oog verloor, dat
hierdie gebeure almal kom aan die einde van die herstelsiklus na die
ekonomiese resessie van 2008 nie. Markte tegoor die wêreld kyk uit
vir rigtingaanwysers en getrou aan die tendense van die geskiedenis,
sal daar waarskynlik oorreageer word. Persone met 'n "kontant"
komponent in sy portefeulje sal die ideale geleentheid kry om dit te
plaas teen relatief lae pryse. Dit behoort oor die medium tot lang
termyn die negatiewe effek van die regstelling in winste te omskep.
Enige skuiwe onder die 30 000 punte op die ASI behoort meer as
vrugte af te werp. So kan geleenthede in die beleggingswêreld uit
oënskynlike katastrofes ontstaan, deur die basiese beginsels van
belegging te verstaan en toe te pas.
Tip vir die Tyd: Wanneer almal skree "Koop" is die tyd op sy rypste om
te verkoop.
G.J. van Zyl : NWK Makelaars Cc
0832619876 / 0277122345(T+F)
Juffrou: ―Maak vir ons ‘n sin met halsstarrig.‖
Susan: ―My ouma is al baie oud, sy haal starrig asem.‖
SELFOON KOMPETISIES “TABOE”.
Publiek moet hulle nie steur aan kompetisies
waarvoor hulle nie ingeskryf het nie.
Moet asseblief nie enige kontant inbetaal of
enige lugtyd (“airtime”) koop en aanstuur nie.
Indien u wel gewen het sal erkende
ondernemings bv. Nokia ,of Virgin Mobile 7 u
telefonies kontak, nie per sms nie.
7
7