OPVOEDING

2 E.G.White - Opvoeding
GRONDBEGINSELS
3
Die Bron en Doel van
Ware Opvoeding
“KENNIS VAN DIE HEILIGE
IS VERSTAND;” “SLUIT TOG
VRIENDSKAP MET HOM.”
- 13 -
ONS idees oor opvoeding het ’n te enge en ’n te laag, by-die-grond se reikwydte.
Daar is ’n gebrek aan breër vergesigte, ’n hoër doel. Ware opvoeding
beteken meer as die aflegging van ’n sekere studiekursus. Dit beteken meer
as ’n voorbereiding vir die huidige lewe. Dit raak die hele wese en die ganse
bestaanstyd wat vir die mens moontlik is. Dit is die harmonieuse ontwikkeling
van die liggaamlike, die verstandelike en die geestelike kragte. Dit berei
die student voor vir die vreugde van diens in hierdie wêreld en vir die meer
verhewe vreugde van omvattender diens in die wêreld wat kom.
Die bron van so ’n opvoeding word in die volgende woorde uit die Heilige
Skrif aan die lig gebring; wat die aandag op die Oneindige vestig: In Hom is
“al die skatte van wysheid en kennis verborge.” Kolossense 2:3. “Hy het raad
en verstand.” Job 12:13.
Die wêreld het al sy groot leermeesters gehad, manne van reuseverstand
en omvangryke navorsing, manne wie se uitsprake die denke gestimuleer
en ontsaglike gebiede van die kennis ontsluit het; en dié manne is as gidse
en weldoeners van die menslike geslag vereer; maar daar is Een Wat bo hulle
uittroon. Ons kan die lyn van die wêreld se leermeesters so ver terug nagaan
as wat die menslike oor-
- 14 -
kondes strek; maar die Lig het hulle voorafgegaan. Soos die maan en sterre
van ons sonnestelsel skyn deur die sonlig te weerkaats, so is die leer van
die wêreld se grootste denkers, vir sover dit waarheid is, ’n afskynsel van die
strale uit die Son van Geregtigheid. Elke gedagtevonk, elke flikkering van die
intellek, kom uit die Lig van die wêreld.
Deesdae word daar baie oor die aard en belangrikheid van “hoër opvoeding”
gesê. Die waaragtige “hoër opvoeding” is die wat toebedeel word deur
Hom by wie “raad en verstand” (Job 12:13) is, uit wie se mond “kennis en verstand”
kom. Spreuke 2:6.
In ’n kennis van God het alle ware kennis en werklike ontwikkeling hul
bron. Waarheen ons ons ook al wend, in die stoflike, die verstandelike of die
geestelike ryk; in wat ons ook al betrag, afgesien van die skending deur die