OPVOEDING

6 E.G.White - Opvoeding
Die Bron en Doel van Ware Opvoeding
7
spreek nog van Sy Skepper. Nogtans is hierdie openbarings gedeeltelik en
onvolmaak. En in ons gevalle toestand, met verswakte vermoëns en beperkte
gesig, is ons nie daartoe in staat om dinge reg te vertolk nie. Ons het die
voller openbaring nodig wat God in Sy geskrewe Woord van Homself gegee
het.
Die Heilige Skrif is die volmaakte standaard van die waarheid en as sodanig
moet die ereplek in die opvoeding daaraan verleen word. Om ’n opvoeding
te ontvang wat sy naam werd is, moet ons ’n kennis van God, die
Skepper en Christus, die Saligmaker, ontvang, soos hulle in die heilige Woord
geopenbaar word.
Elke mens, na die beeld van God geskape, is toebedeel met ’n mag wat aan
die van die Skepper verwant is - indiwidualiteit, die vermoë om te dink en te
doen. Die manne in wie hierdie vermoë ontwikkel word, is die manne wat
verantwoordelikhede dra, wat leiers in ondernemingsgees is en wat karakter
beïnvloed. Dit is die werk van ware opvoeding om hierdie mag te ontwikkel,
om jongmense op te lei om denkers te wees en nie bloot weerkaatsers van
andere se gedagtes nie. Eerder as om hul studie te beperk tot wat mense
gesê of geskryf het, laat studente na die bronne Van die waarheid verwys
word, na die grenslose velde wat in die natuur en openbaring vir navorsing
blootgelê is. Laat hulle die groot feite van plig en lotsbestemmingbetrag en
die verstand sal uitsit” en sterker word.
- 18 -
Eerder as opgevoede swakkelinge, kan inrigtings van die geleerdheid mense
uitstuur wat sterk is om te dink en te doen, mense wat meesters en nie slawe
van omstandighede is nie, mense wat ’n breedte van verstand, ’n helderheid
van gedagte en die moed van hul oortuigings het.
So ’n opvoeding voorsien meer as verstandelike dissipline; dit verskaf
meer as liggaamlike opleiding. Dit versterk die karakter, sodat waarheid
en trou nie aan selfsugtige begeertes of wêreldse ambisie opgeoffer word
nie. Dit verskans die verstand teen boosheid. In plaas dat die een of ander
heersende drif ’n mag word om te vernietig, word elke motief en begeerte
met die groot beginsels van regskapenheid gelykvormig gemaak. Namate
die volmaaktheid van Sy karakter betrag word, word die verstand hernieu en
die siel na die beeld van God herskape.
Watter opvoeding kan hoër wees as dit? Wat kan sy waarde ewenaar?
“Fyn goud kan daarvoor nie gegee word nie en geen silwer as koopprys daarvan
afgeweeg word nie. Die goud van Ofir weeg daar nie teen op nie, ook nie
die kosbare onikssteen en saffier nie. Goud en glas kan daarmee nie vergelyk
word nie en vir goue voorwerpe ruil ’n mens dit nie. Korale en kristal kan nie
genoem word nie en die besit van wysheid is meer werd as korale.”
Job 28: 15 - 18.
Hoër as wat die mens se hoogste gedagte kan reik, is Gods ideaal vir Sy
kinders. Godsvrug - Godgelykheid - is die doel wat bereik moet word. Voor
die student gaan daar ’n pad van oneindige vooruitgang oop. Hy het ’n doel
om te verwesenlik, ’n standaard om te bereik, wat alles goed en rein en edel
insluit. Hy sal in elke vertakking van ware kennis vorder so vinnig en so ver as
wat moontlik is. Maar sy pogings sal toegespits word op doelstellinge
- 19 -
wat soveel hoër as bloot selfsugtige en tydelike belange is as wat die hemele
hoër as die aarde is.
Hy wat met die Goddelike voorneme saamwerk om ’n kennis van God aan
die jeug oor te dra en die karakter tot ooreenstemming met Syne te fatsoeneer,
doen ’n verhewe en edel werk. Na gelang hy ’n begeerte wek om Gods
ideaal te verwesenlik, bied hy ’n opvoeding aan wat so hoog soos die hemel
en so breed soos die heelal is; ’n opvoeding wat nie in hierdie lewe voltooi
kan word nie, maar in die hiernamaalse lewe voortgesit sal word; ’n opvoeding
wat vir die suksesvolle student sy paspoort verseker uit die voorbereidingskool
van die aarde na die hoër vlak, die skool daarbo.