Jacobus Pieter Steyn.pdf - Nelson Mandela Metropolitan University
Jacobus Pieter Steyn.pdf - Nelson Mandela Metropolitan University
Jacobus Pieter Steyn.pdf - Nelson Mandela Metropolitan University
Create successful ePaper yourself
Turn your PDF publications into a flip-book with our unique Google optimized e-Paper software.
Op Saterdag 7 September 1946 is die eerste sooi vir die bou van die kerk vir die<br />
gemeente Bothasrus gespit. Theunis Christiaan Lombaard het die eerste sooi<br />
omgekeer. Lombaard was reeds vanaf 1936 woonagtig op Despatch. Lombaard<br />
en sy vrou, Grieta, was as geëerde kerklidmate geag weens hulle ywer by hulle<br />
vorige gemeente op Klipfontein, waar hy vir twaalf jaar diens vir die Nederduitse<br />
Gereformeerde Kerk verrig het as diaken en ouderling. Met sy aankoms op<br />
Despatch, het Lombaard, volgens oorlewering, hom dadelik met die sake van die<br />
Kerk bemoei en is hy as een van die dorp se mees geëerde inwoners geag. 247<br />
Die hoeksteen van die nuwe kerkgebou is gelê op 30 November 1946, drie<br />
maande nadat met die bou van die kerk begin is. Ds. L. M. Cilliers het die<br />
hoeksteen gelê wat die inskripsie: “Die Ewige God is ʼn Woning” bevat. Tydens<br />
hierdie seremonie het die eerste huwelikspaar ook in die kerk getrou. Bruidegom<br />
William Pitout en bruid Elizabeth Oosthuizen is in die huwelik deur ds. Cilliers<br />
bevestig. 248 Die kerkgebou is in September 1947 ingewy en die totale koste van<br />
die gebou het oor die £24 000 beloop. 249<br />
4.2.2. Sondagskool<br />
Groot gesinne op Despatch was die norm gewees vir die jare 1941 – 1962. Dit<br />
was die norm gewees vir ʼn gesin om vyf of ses kinders te hê en gesinne wat uit<br />
agt kinders bestaan het, was nie skaars nie. Gevolglik het die Sondagskool en<br />
die ander jeugbedieninge nooit ʼn tekort aan lede gehad nie. Teen 1944 moes<br />
247 Soewenier program ter inwyding van die Nuwe Kerkgebou, Nederduitse Gereformeerde Kerk<br />
Gemeente, Bothasrus, 6 September 1947, p. X.<br />
248 J. N. Coetzee, “Geskiedkundige Oorsig van die Gemeente van Bothasrus, Despatch”,<br />
Mondigwordingsfeesblad 21 November 1962, Nederduitse Gereformeerde Kerk, Bothasrus-<br />
gemeente, p. 23.<br />
249 P. L. Olivier, Ons Gemeentelike Feesalbum: ʼn Oorsig van die Ontstaan en Groei van die<br />
Gemeentes van die Gefed. Ned. Geref. Kerke met geleentheid van die Van Riebeeck-Fees,<br />
1952. N.G. Kerk Uitgewers, Kaapstad, p. 212.<br />
116