Jacobus Pieter Steyn.pdf - Nelson Mandela Metropolitan University
Jacobus Pieter Steyn.pdf - Nelson Mandela Metropolitan University
Jacobus Pieter Steyn.pdf - Nelson Mandela Metropolitan University
Create successful ePaper yourself
Turn your PDF publications into a flip-book with our unique Google optimized e-Paper software.
en blommerangskikkingslesse. 415 Verder het die komitee ook beoog om ʼn<br />
leidende hand aan die jeug van Despatch uit te steek om hulle na goeie<br />
burgerskap te lei. Die gesin was as middelpunt van die Afrikanerkultuur<br />
herbeklemtoon. Voortsettingsklasse is ook gehou om die jeug se kwalifikasies te<br />
verbeter. Opvoeding in verband met vader- en moederskap is ook aan die jong<br />
mense gegee. 416<br />
Die Skakelkomitee het gesonde groei geniet wat organisasies betref wat by hulle<br />
aangesluit het. Teen 1958 het die Nasionale Party, Retief gemeente, die CSV,<br />
Tennisklub, die Kinderkrans, die VSV, VSB en die ACVV van Bothasrus<br />
gemeente by die komitee aangesluit. Die aantal funksies wat die komitee<br />
gekoördineer het, het ook toegeneem. In 1958 is drie volkspele byeenkomste, ʼn<br />
kinderfees, drie skoolkonserte, twee basaars, ʼn noodhulpkursus, ʼn rugbydans, ʼn<br />
sendingfees en ʼn Kersaand gereël. 417<br />
Met die 50ste herdenkingsjaar van die Suid-Afrikaanse Akademie vir Wetenskap<br />
en Kuns in 1959 en die 30ste herdenkingsjaar van die Federasie vir Afrikaanse<br />
Kultuurvereniginge (FAK), het laasgenoemde die inisiatief geneem om ʼn<br />
Taalfees vir Afrikaans te hou ter herdenking aan hierdie twee mylpale. Die<br />
verskillende Taalfeeste is in 1959 gehou tussen Van Riebeeckdag (6 April) en<br />
Uniedag (31 Mei). 418<br />
Die Skakelkomitee het Despatch se Taalfees vir 22 Mei 1959 gereël. Die aand<br />
was baie suksesvol en het onder meer die sing van liedjies soos: “O,<br />
Boereplaas,” “Waar Tafelberg Begin,” “Land, Volk en Taal,” “Die Stem,”<br />
“Winternag,” “Oktobermaand,” “Moedertaal” en “Prys U die Here God,” ingesluit.<br />
Die kore van die Laerskool Susannah Fourie, die Voortrekkers, Bothasrus<br />
415 Verslag ten opsigte van volwasse opvoeding op Despatch, 23 November 1951.<br />
416 Afrikaanse Skakelkomitee Spesiale Vergaderingsnotule, 18 Mei 1951.<br />
417 Afrikaanse Skakelkomitee Vergaderingsnotule, 16 Januarie 1958.<br />
418 Omsendbrief van die FAK, Taalfeeste, 13 Februarie 1959.<br />
182