Jacobus Pieter Steyn.pdf - Nelson Mandela Metropolitan University
Jacobus Pieter Steyn.pdf - Nelson Mandela Metropolitan University
Jacobus Pieter Steyn.pdf - Nelson Mandela Metropolitan University
Create successful ePaper yourself
Turn your PDF publications into a flip-book with our unique Google optimized e-Paper software.
ekendes gehad wat op Despatch gebly het, en mense het direk vanaf die<br />
platteland na Despatch begin verhuis. 115<br />
Weens hierdie aansienlike groei van die dorp, het die Dorpsbestuur in April 1944<br />
ondersoek begin instel na die moontlikheid om verhewe status as ʼn munisipaliteit<br />
te verkry. Navrae is by die bestuur van Noupoort gedoen, wat kort van te vore<br />
vertoë gerig het om tot ʼn munisipaliteit verklaar te word. 116 Die hoofredes wat<br />
Noupoort aangevoer het, was dat volgens Ordinansie 10 van 1912 ʼn plaaslike<br />
liggaam baie meer regte het. Onder andere kon Spoorweg-eiendomme op die<br />
plaaslike bestuur se register geplaas word en dus kwalifiseer vir<br />
eiendomsbelasting. Hierdie was ʼn belangrike bron van inkomste vir ʼn<br />
administratiewe liggaam en Noupoort het in 1911 ʼn bedrag van £700 ingesamel<br />
vanaf die spoorweë. 117<br />
Tydens ʼn spesiale vergadering van die Dorpsbestuur van Despatch op 25<br />
September 1944, het die liggaam besluit om aansoek te doen om munisipale<br />
status. Daar is besluit om volgens Ordonnansie 14 van 1938 aansoek te doen<br />
dat die Despatch Dorpsbestuur-gebied tot ʼn munisipaliteit verklaar moet word.<br />
Die naam van hierdie nuwe munisipaliteit sou die “Munisipaliteit van Retief”<br />
wees. Redes wat die dorpsbestuur aangevoer het, was dat Despatch vinnig<br />
ontwikkel en uitgebrei het. Teen September 1944 was die gesamentlike<br />
belasbare waarde van hierdie gebied £290 000. Die Dorpsbestuur het<br />
aangevoer dat dit volle mag behoort te hê om aan die inwoners van die<br />
nedersetting die nodige fasiliteite te verskaf. Dit het onder meer ingesluit:<br />
a) “ʼn voorgestelde watervoorsieningskema vir huishoudelike<br />
doeleindes,<br />
b) elektrisiteitsverskaffing,<br />
115 B. Olckers, Despatch: 1949. Ongepubliseerde manuskrip, pp. 8 – 9.<br />
116 Brief aan stadsklerk van Noupoort van die Dorpsbestuur van Despatch, 5 April 1944.<br />
117 Brief aan stadsklerk van Despatch van stadsklerk van Noupoort, 25 April 1944.<br />
59