Jacobus Pieter Steyn.pdf - Nelson Mandela Metropolitan University

kampe geneem en sodoende ʼn nouer band tussen jong mense gesmee. 296
Sodoende is die gemeenskap van Despatch nader aan mekaar gebring.
Wanneer hierdie jong mense volwassenheid bereik het, het hulle hul rol in die
gemeenskap betree met hegte bande met hulle tydgenote wat gevorm was
gedurende hulle inskakeling by die JKJA, kategese-klasse en die kerkkampe.
4.8.2 Vroueaksie
Tydens die vroeë jare van Despatch het die Vrouehulpdiens van die Bothasrus
gemeente, Eendrag gemeente en Retief gemeente belangrike maatskaplike werk
verrig. Die Martha‟s en Maria‟s van die gemeentes het fondse ingesamel om
armoede te verlig onder die armstes van die gemeentes. Despatch se
besondere groei word toegeskryf aan armoede op die platteland. Van die vroeë
inwoners was daarom baie arm. Hierdie steun (kospakkies en klere) het groot
verligting vir die mense gebring.
In 1975 word die Vrouehulpdiens verander na die Vrouediens en in 1980 smelt
die Vrouediens en Vrouesendingbond op sinodale vlak saam om die Vroueaksie
te stig. Die Vroueaksie het ʼn groot rol gespeel, nie net om die maatskaplike
omstandighede van die arm inwoners van Despatch te verlig nie, maar ook om
die verskillende gemeentes uit te brei en te bevorder. So is, byvoorbeeld,
pannekoekaande, kermisse en dergelike meer gehou om fondse in te samel vir
herstelwerk, aankope van orrels en die verfraaiing van die kerkgeboue asook om
die spyseniering tydens huwelike en gemeentlike funksies te behartig.
Op maatskaplike gebied het die Vroueaksie groot insette gelewer om fondse te
bekom vir die stigting en instandhouding van kinderhuise, kospakkies vir
296 A. P. Rossouw, “Geskiedkundige oorsig van Despatch-Eendrag”, 1965 – 1985, 20 Jaar,
Eendrag, N.G. Gemeente Despatch-Eendrag Feesblad, pp. 38 – 42; J. S. M. du Plessis,
“Bothasrus 1941 – 1991: ʼn Geskiedkundige Oorsig”, 50 Jaar Bothasrus: 1941 – 1991, pp. 19 –
20.
133