Jacobus Pieter Steyn.pdf - Nelson Mandela Metropolitan University
Jacobus Pieter Steyn.pdf - Nelson Mandela Metropolitan University
Jacobus Pieter Steyn.pdf - Nelson Mandela Metropolitan University
Create successful ePaper yourself
Turn your PDF publications into a flip-book with our unique Google optimized e-Paper software.
ontmoet. Dit was duidelik dat die Despatch Raad en die WDR bekommerd was<br />
oor die invloed wat die voorgestelde metro op die toekoms van hul onderskeie<br />
owerhede kon hê. 159 Die doel van die formele onderhandelings was om ʼn poging<br />
aan te wend om die onafhanklike bestaan van Despatch as ʼn munisipale gebied<br />
te verseker.<br />
Daar is in Oktober 1997 ʼn skrywe aan die reeds genoemde Oos-Kaapse LUR<br />
gerig waarin goedkeuring gevra is vir die daarstelling van ʼn Inter-<br />
owerheidsforum, bestaande uit raadslede van die vier owerhede, welke forum<br />
deur die Tegniese Taakspan bygestaan sou word. Die LUR het egter in sy<br />
reaksie aangedui dat die voorgestelde forum ooreenkomstig wetgewing wat in<br />
die proses was om afgekondig te word, saamgestel behoort te word. Intussen is<br />
wetgewing ook afgekondig wat die afbakeningsproses sou reël en is die<br />
Munisipale Afbakeningsraad ingestel, wat onverwyld met die afbakeningsproses<br />
begin het. Dit was toe reeds vir die Raad van Despatch duidelik dat dit die begin<br />
van ʼn onomkeerbare proses was en dat die voortbestaan van Despatch as ʼn<br />
outonome owerheid ernstig in die gedrang was. 160<br />
Die Raad het in Oktober 1999 sy siening oor die afbakening aan die<br />
Afbakeningsraad oorgedra. Die Afbakeningsraad het egter besluit dat die Port<br />
Elizabeth/Uitenhage/Despatch gebied die sesde metropolitaanse gebied in die<br />
land sou word. Despatch se reaksie was om die metro te aanvaar, maar om<br />
eenparig hul steun uit te spreek vir die daarstelling van sub-rade, met dien<br />
verstande dat Despatch ʼn eie sub-raad sou vorm. 161<br />
159 Skriftelike mededeling van mnr. A. H. Pretorius, Die proses wat gelei het tot die<br />
metropolitanisering van Port Elizabeth, Uitenhage en Despatch, 5 November 2009.<br />
160 Skriftelike mededeling van mnr. A. H. Pretorius, Die proses wat gelei het tot die<br />
metropolitanisering van Port Elizabeth, Uitenhage en Despatch, 5 November 2009.<br />
161 Skriftelike mededeling van mnr. A. H. Pretorius, Die proses wat gelei het tot die<br />
metropolitanisering van Port Elizabeth, Uitenhage en Despatch, 5 November 2009.<br />
81