museumsstrategisk plattform - Nord-Trøndelag fylkeskommune

5.2.1 Museum, kulturbasert næring
og kulturn æringar
Reiselivet sitt samarbeid med musea vil truleg bli
ei viktig side ved framtidig verksemd i musea, fordi
reisemålet museum ser ut til å bli viktigare for familiar,
vaksne og eldre. Historiske Trøndelag er blitt fyrtårn
i den nye reiselivssatsinga i Trøndelag (Reiselivsstrategi
for Trøndelag 2008-2020). Frå kommunane blir det peika
på viktigheita av ei god fagleg forankring kor musea
baserer seg på kjernen i museet sitt virke meir enn
på reiselivet sine premissar. Frå kommunane har det
også blitt framhalde at musea i lag med eigarane må
ta vegval knytt til t.d. kor mykje ein skal involvere seg
i reiselivsarbeidet. Arbeidet i spennet mellom ”børs og
katedral” opplevast som krevjande. Det blir frå kommunane
stilt spørsmålsteikn ved kor langt ein skal gå
i ”børsen” si retning. Dette gjeld også for utprøvinga
av samarbeidet mellom kultur og næring på andre
område.
Kunstmusea er på veg til å bli konsolidert
i lag med dei historiske musea,
samstundes som det er blitt større
merksemd på musea som ein arena
for kulturnæring. I ei tradisjonsbunden
forståing av kulturnæring kan
ein tenkje meir sal og overskot i museumsbutikken,
overrisling av kulturaktivitet
på transport og overnattingsverksemder
i nærområdet osv. Ei anna, men
meir utfordrande forståing av kulturnæring er
å gjere museet til næringsarena for andre kulturaktørar.
Eit viktig mål for musea vil vere å få nye yrkesgrupper
frå kulturfeltet integrert i museet sitt arbeid med
å formidla kultur, til dømes gjennom aktiv bruk av ny
kunstproduksjon som del av museet sine samtidskommentarar
i nye utstillingsproduksjonar.
5.2.2 Regionale forteljingar
og regionen sine forteljingar
Slik det er blitt peika på i kapittel 3.1 om aktørar og
ansvar i musea i Nord-Trøndelag, så har dei ulike musea
ansvar for ulike geografiske og tematiske område av
kulturhistoria i fylket. Det vere seg kystkultur, skog og
skogbruksnæring, høvdingsete og landbruk, sørsamisk
kultur, fotohistorie, menneskerettar, Olavsarv, bergkunst
eller kunst- og musikkhistorie. Nokre av desse
oppgåvene er i tillegg til det regionale ansvaret, også
nasjonale og endå til internasjonale ansvarsområde.
I dette dokumentet er det viktig å peike på at det kan
liggje ein fare i at kvart enkelt museum går for langt inn
i sine tematiske og tidsmessige val. Musea skal ivareta
både dei lokale og regionale forteljingane, samstundes
som dei samla skal ivareta heile regionen Nord-Trøn-
Ei anna
utfordrande forståing av
kulturnæring er å gjere
museet til næringsarena
for andre kulturaktørar.
delag (og som nemnt ovanfor i nokre tilfelle nasjonen)
sine forteljingar. Nord-Trøndelag er eit fylke med ei rik
kulturhistorie i fleire historiske lag, noko som kan gi
utfordringar for musea i deira historiske både vertikale
og horisontale formidlingsval. Kva tema skal formidlast
og frå kva tidsepoke i historia? Etter museumsreforma
kan det vere ei utfordring å få til ein heilskapleg museumspolitikk
i Nord-Trøndelag, samstundes som kvart
enkelt museum får teke vare på sin eigen identitet og
utvalde ansvarsområde. Svaret på denne utfordringa
ligg naturleg i eit godt samspel mellom musea, og
mellom musea og andre ivaretakarar av kulturhistoria
i fylket.
5.2.3 Arkiv, bibliotek og museum i samspel
Arkiv, bibliotek og museum er enkeltståande kulturinstitusjonar
som står i nært slektskap.
Gjennom reformarbeidet som har pågått det
siste tiåret, har det vore ein sterk intensjon
om å sjå på ABM-området i sin heilskap
med mål om å få til eit forsterka
samarbeid mellom arkiv, bibliotek og
museum. Fylkesbiblioteket i Nord-
Trøndelag har hatt eit koordinerande
ansvar for eit slikt samarbeid. Etter
reforma har ein brukt mest tid på
organiseringsspørsmål i dei nordtrønderske
musea. Det er ei utfordring framover å
få til eit betre samarbeid innafor heile ABMområdet.
Utvikling og oppstart av Nord-Trøndelag
arkiv- og museums deponi i tillegg til eit sterkare søkjelys på
digitalisering og eit digitalt ABM-samarbeid, vil vere
gode fyrste steg for å møte denne utfordringa.
I balansen mellom musea sine oppgåver med å samle
inn, ta vare på, dokumentere og formidle kulturhistoria,
blir det av fleire museum peika på at dokumentasjons-
og forskingsarbeidet lett kan bli nedprioritert.
Prioritering av ressursar til auka forskingsaktivitet
innafor musea er ei utfordring. Det har også blitt peika
på at det i eit tettare samarbeid mellom musea og kulturminnevernforvaltinga
i fylket ligg eit formidlingsmessig
potensiale for musea.
5.3 Museum som samfunnsgode -
samfunnspolitiske
utfordringar
Nord-Trøndelag er eit kulturfylke, men undersøkingar
frå HUNT3 viser at ikkje alle har tilgang til dei kulturelle
godane. Det er ei utfordring for musea å ta imot
alle grupper i samfunnet, særleg dei som er uvant med
å bruke musea. Det kan vere grupper av menneske som
ut frå fysisk tilrettelegging ikkje opplever open tilgang
SIDE 17