museumsstrategisk plattform - Nord-Trøndelag fylkeskommune

7 Moglegheiter
SIDE 20
i
Nord-Trøndelag
Visjonen for Nord-Trøndelag er: ”Her
er alt mulig uansett!” Ein optimistisk
visjon som i seg sjølv er eit regionalt
fortrinn for å kunne realisere retninga
i fylkeskommunen sine nye
strategiske innsatsområdet for museumsområdet.
I Nord-Trøndelag har
ein etter kvart også ein tradisjon
for politisk vilje til ung medverknad.
Nord-Trøndelag Barne- og Ungdomsråd
(NTBUR) som paraplyorganisasjon
for alle frivillige barne- og ungdomsorganisasjonar
i Nord-Trøndelag, og som ombod for
unge i Nord-Trøndelag, er eit tydeleg talerøyr for ung
medverknad. Ungdomsråd i dei fleste kommunane er
viktige talerøyr i ungdomspolitiske og andre spørsmål,
og ei bevisst kompetanseheving kring ung medverknad
blant fylket sine ungdomsarbeidarar byggjer også opp
om målet om ung medverknad.
I Nord-Trøndelag har ein i dag museum i 20 av 24
kommunar, og fleire av kommunane signaliserer at
dei er stolte over å vera museumseigarar. Fylket har
museum med lokale, regionale, nasjonale og internasjonale
oppgåver og ambisjonar. Blant dei konsoliderte
musea er struktur, organisering og drift i stor grad på
plass, og dei gir signal om at dei ønskjer eit større fokus
på innhaldsutforming i tida framover.
Musea i fylket har per i dag forholdsvis bra ungdomsbesøk,
men signaliserer også at dei ønskjer meir besøk
Fylket har museum med
lokale, regionale,
nasjonale og internasjonale
oppgåver og
ambisjonar.
av ungdom. Ungdom har samstundes i prosessen
med utforminga av museumsstrategisk
plattform signalisert at dei ønskjer
å ta museumsarenaen meir i bruk. Den
kulturelle skulesekken i Nord-Trøndelag,
som m.a. tilbyr kulturhistoriske
produksjonar, har i 2009 starta tilbod
for dei vidaregåande skulane i fylket.
Fleire av skulane har samfunnsfag linjer
og linjer for ulike kulturfag.
Ungdom i fylket meiner at det er innafor
kulturnæringsområdet det ligg vekstpotensiale (RUP-
2007), og musea blir av stat og forskingsmiljø peika
på som ein viktig kulturnæringsarena (St.meld. nr. 22
(2004-2005), Østlandsforskning rapport nr. 12/2008).
Samstundes signaliserer musea i fylket ei auka interesse
frå ungdom for museet som arbeidsplass og arena for
kompetanseheving. Som kulturinstitusjonar og opplevingssentra
har musea i Nord-Trøndelag lite konkurrerande
verksemder kring seg.
Oppsummert kan det konkluderast med at bra organisering
og gode kanalar for dialog i tillegg til lange
tradisjonar for samhandlings- og dugnadskultur kan gi
gode moglegheiter for å vidareutvikle musea i Nord-
Trøndelag som viktige samfunnsinstitusjonar. Eller med
andre ord; god grobotn for å fylje opp ABM-Utvikling
sin intensjon om å løfte museumsreforma vidare i
Noreg frå struktur- til kulturrevolusjon.
Museumsstrategisk plattform • Nord-Trøndelag Fylkeskommune