Enver Ziya Karal Osmanlı Tanzimat Dönemi indir - Tarihsuuru.com

ve verginin müsavatı tekâlif-i sâirenin müsavatını mûcip olduğu misillû hukukça olan
müsâvat dahi vezaifçe olan müsâvatı müstelzim olduğundan hristiyan vesâir tebaa-î gayr-i
müslime dahi ehâli-i islâm misillû hisse-i askeriyye îtası hakkında muahharan verilen karara
inkıyat mecburiyetinde bulunması ve bu hususta bedel vermek veya nakden akçe îtasiyle
hizmet-i fi'liyyeden muâf olmak usulünün icra olunması ve islâmdan maada tebaanın sunûf-ı
askeriyye içinde suret-i istihdamları hakkında nizamât-ı lâzime yapılıp müddet-i kalile-i
mümkine zarfında neşr-ü ilân kılınması ve eyâlât ve elviye meclislerinde tebaa-i Müslime ve
İseviyye vesâireden bulunan âzanın emr-i intihaplarını bir suret-i sahihaya koymak ve ârânın
doğruca zuhurunu temin eylemek için işbu meclislerin sür'at-i tertip ve teşkilleri hakkında
olan nizamâtın ıslahına teşebbüs ile Devlet-i aliyyem netice-i ârâyı ve verilen hüküm ve kararı
sahîhen bilmek ve buna nezaret etmek esbab ve vesâil-i müessirenin istihsalini mütalea
eylemesi ve çünkü bey' ve furuht ve tasarruf-ı emlâk ve akar maddeleri hakkında olan
kavanin-i devlet-i aliyyeme ve nizamâtı zabıta-i belediyyeye ittiba ve imtisâl eylemek ve asıl
yerli ehalinin verdikleri tekâlifi vermek üzere saltanat-ı seniyyem ile düvel-i ecnebiyye
beyninde yapılacak suret-i tanzimiyyeden sonra ecnebiyyeye dahi tasarruf-ı emlâk
müsaadesinin îta olunması ve tebaa-i saltanat-ı seniyyemin kâffesi üzerine tarholunacak vergi
ve tekâlif sınıf ve mezheplerine bakılmayacak bir surette ahzolunmakta idiğünden işbu
tekâlifin ve alelhusus âşarın ahz-ü istifasında vukubulmakta olan sû-i istimalâtın ıslahı tedbir-i
seriası mütalea ve müzakere olunup doğrudan doğruya ahz-i vergi etmek usulünün peyderpey
icrası kabil oldukça varidat-ı devlet-i aliyyemin iltizam olunması usulünün yerine bu suret
ittihaz kılınıp usûl-i hâliyye câri oldukça memurîn-i Devlet-i aliyyem ile mecâlis âzalarının
müzayedeleri alenen icra olunacak iltizamattan birini deruhte ettirmeleri veya bir gûna hisse
almaları mücâzat-ı şedîde ile men kılınması ve tekâlif-i mahalliye dahi mehmaemken
mahsulâta halel vermeyecek ve ticaret-i dahiliyyeye mâni olmayacak vaz' ve tâyin olunması
ve umûr-ı nâfia için tâyin ve tahsis olunacak mebâliğ-i münasibeye berren ve bahren ve ihdas
olunacak turuk-ı mesâlikten istifade edecek olan eyalât ve sancaklarda vaz' ve tesis kılınacak
vergiy-i mahsuslar dahi ilâve edilmesi ve saltanat-ı seniyyemin beher sene için varidat ve
masarifat defterinin tanzim ve iraesi hakkında muahharen bir nizâm-ı mahsus yapılmış
olduğundan bunun temamî-i icrây-ı ahkâmına îtina olunması ve her bir memura tahsis
kılınmış olan maaşların hüsn-i tesviyesine mübaşeret kılınması ve her bir cemaatin rüesasiyle
taraf-ı eşref-i şâhânemden tâyin olunacak birer memurları tebaa-i saltanat-ı seniyyemin
umûmuna ait ve râci olan maddelerin müzakeratına Meclis-i vâlâ'da bulunmak üzere makam-ı
celîl-i vekâlet-i mutlakamdan mahsusen celbolunup ve işbu memurlar birer sene için tâyin
kılınıp bunlar memuriyetlerine başladıkları gibi tahlif olunmaları ve Meclis-i vâlâ'nın âzası
gerek âdi ve gerek fevkalâde vukubulan içtimalarında rey ve mütalealarını doğruca beyan ve
ifade etmeleri ve bundan dolayı asla rencide olunmamaları ve ifsad ve irtikâp ve itisafa dâir
olan kavâninin ahkâmı kâffe-i tebaa-i saltanat-ı seniyyem haklarında herhangi sınıfta ve ne
türlü memuriyette bulunurlarsa bulunsunlar usûl-i meşrûasına tevfikan icra olunması ve
Devlet-i aliyyemin tashih-i usûl-i sikke ile umûr-ı maliyesine îtibar verecek başka misillû
şeyler yapılıp memalik-i mahrûsa-i memâlik-i şâhânemin menbâ-ı servet-i maddiyesi olan
hususata iktiza eden sermayelerin tâyiniyle ve mahsulât-ı memâlik-i şâhânemin nakli için îcap
eden turûk ve cedâvilin küşâdiyle ve emr-i ziraat ve ticaretin tevessüüne hâil olan esbâbın
men'iyle teshilât-ı sahîhanın icra olunması ve bunun için maarif ve ulûm ve sermaye-i
Avrupa'dan istifadeye bakılması esbâbının biletraf mütaleasıyla peyderpey mevki-i icrâya
konulması maddelerinden ibaret olmakla siz ki sadr-ı âzam-ı sütude şiyem-i müşârünileyhsiz
işbu fermân-ı celil-ül-unvân-ı mülûkânemi usûlü üzere gerek Dersaadetimde, gerek memalik-i
şâhânemin her bir tarafında ilân ve işaatla hususât-ı meşruhanın balâda beyan olunduğu
veçhile icrây-i iktizalarına ve bundan böyle ahkâm-ı celîlesinin daima ve müstemirren
mer'iyy-ül-icra tutulması esbâb-ı lâzime ve veâsîl-i kaviyyesinin istihsâl ve istikmali hususuna