Staða og þróun jafnréttismála - Háskóli Íslands

Bakgrunnsgreiningu á svörum við þekkingu á þessum áætlunum má sjá í töflum 3, 5, 7 og 9 í
viðauka. Þar kemur meðal annars fram að þekking karla og kvenna á áætlununum er áþekk en þó
telja ívið fleiri konur en karlar sig hafa litla eða enga þekkingu á þeim. Þekking á áætlununum eykst
með auknum aldri starfsfólks. Þannig segja 12-15% starfsfólks yngra en 40 ára að það þekki
áætlanirnar vel en 25-31% starfsmanna 56 ára og eldri. Ein skýring á því gæti verið sú að eldra
starfsfólk hafi lengri starfsaldur hjá stofnuninni og hafi því haft fleiri tækifæri til að kynna sér
áætlanirnar eða þekki betur áherslur í starfi skólans vegna lengri starfsaldurs. Önnur skýring gæti
verið sú að yngra starfsfólk hafi minni áhuga á að kynna sér áætlanirnar en það eldra.
Akademískt starfsfólk og doktorsnemar eru líklegri til að þekkja vel til áætlananna heldur en
starfsfólk í stjórnsýslu og starfsfólk Félagsvísindasviðs og Hugvísindasviðs er líklegast til að þekkja
áætlanirnar vel. Sjá nánar í viðauka.
Sjá má á mynd 4 að nokkur hluti starfsfólks telur þörf fyrir fræðslu um jafnréttismál vera frekar eða
mikla innan síns sviðs eða starfseiningar. Hæst er hlutfallið hjá Menntavísindasviði þar sem tveir af
hverjum 10 telja þörfina frekar eða mjög mikla. Af fræðasviðunum fimm er hlutfallið lægst hjá
Heilbrigðisvísindasviði og Verkfræði- og náttúruvísindasviði en er þó yfir 40%. Athygli vekur að
starfsfólk Verkfræði- og náttúruvísindasviðs telur einnig síður en starfsfólk annarra sviða að það hafi
mjög eða frekar góða þekkingu á jafnréttisáætlunum skólans (sjá töflu 3 í viðauka). Nánari skoðun
sýnir einnig að enginn þeirra svarenda sem telja þörfina frekar litla, mjög litla eða enga á Verkfræðiog
náttúruvísindasviði (17 manns) segja þekkingu sína á jafnréttisáætlun skólans 2009-2013 vera
mjög eða frekar mikla. Þetta bendir til þess að þessi hópur hafi ekki þekkingu á jafnréttismálum né
áhuga á að kynna sér þau og hlýtur það að valda nokkrum áhyggjum.
Ekki er hægt að skýra þennan mun á sviðum með ólíku hlutfalli karl- og kvenstarfsmanna eftir
sviðum þar sem afar lítill munur er á afstöðu kynjanna til spurninganna (sjá töflur 3, 5, 7, og 9 í
viðauka).
18