Staða og þróun jafnréttismála - Háskóli Íslands

Meirihluti þeirra sem ekki samþætta kynjasjónarmið við kennslu gerir það vegna þess að þeir telja
ekki þörf á því. Þessi hópur er því ekki sammála markmiðum jafnréttisáætlunar háskólans um að
samþætta kynjasjónarmið við kennslu og rannsóknir. Konur voru líklegri en karlar til að segja
ástæðuna vera þekkingarskort. Flestir sem sögðu ástæðurnar aðrar höfðu einnig hakað við að þeir
teldu ekki þörf á samþættingu en notuðu tækifærið og útskýrðu sjónarmið sitt með því að haka við
„af öðrum ástæðum” þar sem þá var gefinn kostur á að skrifa opið svar. Dæmi um þau svör eru:
Kyn skiptir engu máli á mínu sviði
Maður skal koma jafnt fram við konur og karla. Gera á sömu kröfur til þeirra.
Annað er óvirðing.
Þessi svör bera þess vitni að þau sem eiga í hlut telji samþættingu óþarfa og óviðeigandi. Aðrir velta
upp þeim möguleika að samþætting sé þörf en benda á að sig skorti þekkingu til að meta það:
Hef ekki velt málinu fyrir mér - ekki augljóst hvernig viðfangsefni raunvísinda skuli
tekin þessum tökum.
Vantar þekkingu á hvernig það tengist minni kennslu
Skýrt kom fram í viðtölunum að samþætting kynjasjónarmiða við kennslu og rannsóknir sé háð
áhuga, þekkingu og vilja einstakra kennara fremur en að vera partur af heildstæðri stefnumótun.
Einnig að þýðing samþættingar kynjasjónarmiða við kennslu og rannsóknir vafðist jafnvel meira fyrir
fólki en samþætting við stefnumótun:
Þetta var rætt á Háskólaþingi þarna þegar þetta kom upp þarna með
samþættinguna að sko fólk áttar sig ekki alveg á því, það er svona óskýrt hvað er
átt við og sérstaklega hvað varðar sko í kennslu og rannsóknum.
Það er voða auðvelt að segja að það sé ekki gætt þessara sjónarmiða í kennslu
og rannsóknum en það segir mér ekki neitt, eða í úthlutun styrkja. Það segir mér
ekki neitt heldur. Í fyrsta lagi hvað er átt við með þessu?
Annað stef sem kom upp varðandi samþættingu kynjasjónarmiða við kennslu og rannsóknir er að
slíkt eigi misvel við greinar. Þannig ræddi viðmælandi sem vel þekkir til hugvísinda um að þetta lægi
mjög beint við þeim í greinum. Að framfylgja þessu væri „einfaldara fyrir okkur í hugvísindum“ og
43