Staða og þróun jafnréttismála - Háskóli Íslands

voru þau hluti af jafnréttisáætlun sviðsins. Verkefnin tóku til dæmis fyrir einstakar deildir innan
sviðsins eða námsleiðir og beittu nemendur aðferðum samþættingar á starfseiningarnar. Verkefnin
voru kynnt eftir efnum og aðstæðum hverju sinni en að sögn Þorgerðar voru viðbrögðin afar misjöfn.
Flestir tóku þeim mjög vel, fannst ábendingarnar gagnlegar og ræddu jafnvel um áframhaldandi
samstarf sem þó hefur ekki orðið úr, en einnig voru dæmi um mjög neikvæð viðbrögð. Frá árinu
2012 hafa nemendur námskeiðisins einkum verið í samstarfi við fjármálaráðuneytið við gerð sinna
verkefna og ekki orðið framhald á samstarfi við Háskóla Íslands. Að sögn Þorgerðar eru ástæðurnar
fyrir því meðal annars þær að hún hafi ekki átt aðkomu að jafnréttisnefnd Félagsvísindasviðs eftir
mitt ár 2011 og að nefndin hafi reyndar verið „vængstífð“ í heilt ár frá þeim tíma. Nánar er fjallað um
það í kaflanum Hindranir á vegi jafnréttisstarfs.
Aðrir stjórnendur háskólans voru einnig inntir eftir því hvernig hefði verið staðið að samþættingu
kynjasjónarmiða við starfsemi skólans. Einn stjórnandi sagði hreint út að kynjasjónarmið væru ekki
markvisst samþætt við starfsemina:
Ég held að rétta svarið sé að við höfum ekki sest niður og sagt „jæja nú verðum
við að ræða allt með þessum hætti“. Það höfum við ekki gert. Hinsvegar svona í
undirmeðvitundinni þá finnst mér eins og þetta sé orðið okkur að miklu leyti bara
eðlislægt […] Við gerum þetta ekki við úrlausn mála að setjast niður og taka þetta
svona markvisst, nei við gerum það ekki.
Orðaval viðmælandans er áhugavert, en hann notar orðið undirmeðvitund. Samkvæmt skilgreiningu
á samþættingu getur hún aldrei farið fram í undirmeðvitundinni. Samþætting felur í sér að áhrif
stefnumótunar og ákvarðanatöku á konur annarsvegar og karla hinsvegar séu skoðuð og stefnan
mótuð með jafnréttissjónarmið í huga eftir að niðurstöður slíkrar skoðunar liggja fyrir. Slík vinna fer
fram með rannsóknum, úttektum og greinargerðum. Viðkomandi heldur áfram:
En hinsvegar þá finnst mér skipta mjög miklu máli hvað þessi umræða, hvernig
hún hefur áhrif á okkur ómeðvitað. Það væri gott fyndist mér að fá dæmi um það
hvar þetta er að koma niður á okkur. […] Það væri mjög gott og það myndi hjálpa
okkur og minna okkur á að gera þetta af því við viljum hafa þetta í góðu lagi.
Á ný er vísað til þess að þessi mál fari á einhvern hátt fram ómeðvitað, að umræðan hafi áhrif,
ómeðvitað. Einnig er áhugavert að viðkomandi vill fá dæmi um hvar skortur á markvissri
samþættingu jafnréttissjónarmiða kemur niður á háskólanum. Það bendir til þess að viðkomandi sjái
29