Staða og þróun jafnréttismála - Háskóli Íslands

nemendafélagsins niður við annað brot. Halla sagði að þessar hugmyndir hefðu mætt mikilli
andstöðu hjá Stúdentaráði. Einnig var rætt við Jens Fjalar Skaptason sem gegndi stöðu formanns
Stúdentaráðs árið 2010. Hann sagði það hafa verið skoðun Vöku, sem sat í meirihluta, að það væri
ekki hlutverk Stúdentaráðs að setja nemendafélögunum siðareglur. Auk þessu væru fyrirtæki eins og
Goldfinger með löglega starfsemi í landinu og því ekki við hæfi að gera þeim erfitt fyrir með að
auglýsa í blöðum nemendafélaganna. Í ársskýrslu 2009-2010 kemur einnig fram það sjónarmið að
nemendur séu ekki skyldaðir í ferðir eða viðburði á vegum þess og geti kosið að ganga út líki þeim
ekki við menningu eða innihald viðburðanna. Einnig að aðgerðir gegn þessari menningu gætu
flokkast sem forræðishyggja og spurning hvort hægt væri að gera það án þess að gera öll
nemendafélögin brjáluð.
Tvö svið hafa gert opinbera stefnu sína varðandi klámmenningu innan skólans og gefur það von um
að á komandi árum muni fræðsla um hvernig sporna megi við henni aukast innan þeirra sviða. Í
jafnréttisáætlun Heilbrigðisvísindasviðs 2012-2015 er tekið fram að semja skuli siðareglur fyrir
nemendur þar sem meðal annars verði fjallað um rasisma, einelti, klámvæðingu og kynferðislega
áreitni. Slíkar siðareglur geti, ef þær eru vel kynntar öllum nemendum, stuðlað að jákvæðara viðhorfi
til karla og kvenna og umhverfi sem laust er við klám. Þá er það annað áherslusvið jafnréttisnefndar
Félagsvísindasviðs að sporna gegn klámvæðingu og kynferðislegri og kynbundinni áreitni. Það á að
gera með fræðslufundum fyrir starfsfólk, stjórnendur og nemendur. Einnig á að útbúa verklagsreglur
um hvernig bregðast skuli við klámvæðingu og kynferðislegri áreitni innan sviðsins.
59