Staða og þróun jafnréttismála - Háskóli Íslands

Þannig sé fólki mjög annt um „orðspor skólans“ og því þætti mikilvægt að „allt líti út fyrir að vera í lagi
og í mjög góðum málum“. Þetta viðhorf stæði framkvæmd jafnréttismála fyrir þrifum innan skólans.
Annar benti á að ástæða samskiptaörðugleikanna milli stjórnenda og þeirra sem vinna að
jafnréttismálum gæti verið sú að ákveðin tvíhyggja væri ríkjandi þegar fólk hugsaði um jafnréttismál;
að annaðhvort væri fullkomið jafnrétti eða mikið misrétti. Þessi hugsanaháttur hefði svo þær
afleiðingar að ef einhver benti á atriði sem betur mætti fara væri því tekið sem viðkomandi væri að
segja að „allt væri í klessu“. Þetta viðhorf kom fram í sumum viðtölum við stjórnendur eins og dæmi
er um hér:
Það verður aðeins að gæta sín í því hvernig maður rekur sitt erindi. […] Þetta var
náttúrlega rekið svolítið þannig í upphafi að […] þetta væri vísvituð mismunun en
það er ekki þannig. Fólk þarf bara að kynna sér málin. Ég held að háskólinn og
stjórn hans almennt séu mjög jafnréttissinnuð og sinni þessum málaflokki mjög
vel og er ekki vísvitað gegn því. Ég meina það bara er ekki svoleiðis, ég veit ekki
um neinn sem er svoleiðis.
Þannig lýsir viðkomandi því að fólk sem starfar að jafnréttismálum hafi „rekið sitt erindi“ á þann hátt
að fólk hafi neyðst til að fara í vörn gegn ásökunum um vísvitandi mismunun. Á sama tíma telja þau
sem starfa að jafnréttismálum að ábendingar þeirra séu oftúlkaðar á þann hátt að þau séu að mála
kolsvarta mynd af háskólanum. Hér er um augljósan samskiptavanda að ræða.
Flestir viðmælendur sem starfa að jafnréttismálum voru nokkuð harðorðir eins og sjá má á næstu
tveimur tilvitnunum þar sem talað eru um mikla andstöðu og að slegið sé á puttana á þeim sem
vinna að jafnréttismálum:
Það er svolítið bara slegið á puttana á manni og [sagt/gefið í skyn] að maður sé
að skemma einhverja ímynd. Þetta hefur valdið mér alveg gríðarlegum
vonbrigðum.
Það er vilji til þess að láta allt líta vel út en ef þarf að láta sverfa til stáls þá er það
aldrei gert á þessum vettvangi og það er alveg massív andstaða.
Að endingu bætti einn viðmælandi við að að sínu mati væri skólinn ekki að uppfylla lagalegar skyldur
sínar:
51