Staða og þróun jafnréttismála - Háskóli Íslands

[Aðstandendur fræðslunnar] hefðu viljað fá meiri tíma og gera meira úr þessu
heldur en er í rauninni hægt vegna þess að bara fólk er mjög upptekið og erfitt að
taka frá heila daga í svona mál. Eða hvaða mál sem er í rauninni sko. -
Stjórnandi.
Ég verð bara að segja þér alveg eins og er, við þurfum líka að vera svolítið
raunsæ sko. Þetta eru búin að vera gríðarlega erfið ár og það að ætla að kalla
fólk til í heilan dag á námskeið um jafnréttismál, það fengi ekki góð viðbrögð af
hálfu stjórnenda vegna þess að það er bara svo mikið álag. Það er alveg
gríðarlega hörð keyrsla og það er skýringin á því. […] Við getum vissulega gert
tilraunir með það að bjóða valkvætt upp á þetta. En við getum ekki gert þetta
sem skyldunámskeið á meðan svona mikið álag er á starfsfólki. - Stjórnandi.
Að hafa fræðslu í heilan dag um jafnréttismál fyrir stjórnendur og/eða annað starfsfólk er að mati
þessara stjórnenda ekki hægt og ekki raunsætt vegna þess vinnuálags sem ríkir innan
stofnunarinnar. Þessi staðreynd, að mati sumra sem standa að jafnréttismálum, kemur í veg fyrir
árangursríka kennslu, meðal annars um samþættingu: „Maður er náttúrlega ekki að fara að kenna
samþættingu á hálftíma“. Einnig er sú staðreynd hversu langan tíma tók að koma fræðslu um
jafnréttismál inná fræðslufund stjórnenda 2 túlkuð sem vísbending um hversu neðarlega jafnréttismál
eru á forgangslista hjá stjórnendum Háskóla Íslands:
Það tók eitt og hálft ár [að fá aðgang að fræðslufundi stjórnenda] þannig að
maður fattaði já, þennan hóp er maður sem sagt aldrei að fara að fá á alvöru
[námskeið]. Aldrei. Þannig er það þú veist, það er mjög erfitt. – Aðili sem vinnur
að jafnréttismálum.
Það er mjög erfitt bæði að komast þar að [á fræðslufundi stjórnenda] og það var
ekki vel sótt fræðslan um jafnréttismál. Henni var sífellt frestað og það er svona
lítil áhersla og það er lítið bara almennt lagt í það held ég að sé óhætt að segja. –
Aðili sem vinnur að jafnréttismálum
[Tíma stjórnenda] er náttúrlega varið í það sem er mikilvægast og þetta þykir
ekkert brjálæðislega mikilvægt. – Aðili sem vinnur að jafnréttismálum
Á móti bentu stjórnendur á að þetta ætti ekki bara við um jafnréttismál. Almennt væri mjög erfitt að fá
stjórnendur og annað starfsfólk til að mæta á fræðslufundi „Það er alveg ofboðslega erfitt að fá fólk til
2 Fræðslufund stjórnenda sitja meðal annars rektor, aðstoðarrektor, sviðsstjórar, forsetar fræðasviðanna, rekstrarstjórar,
deildarforsetar og fleiri.
20