Staða og þróun jafnréttismála - Háskóli Íslands

ungmenni af erlendum uppruna flosna úr námi á fyrri skólastigum og í máli eins stjórnandanna er
bent á að jafnvel þurfi að gera á því formlega úttekt:
Menn hafa rætt sérstaklega á vettvangi yfirstjórnar háskólans um þetta sérstaka
vandamál með að önnur kynslóð innflytjenda komi alltof lítið í Háskólann […].og
þar sé mál sem þarf sérstaklega að skoða og sé þjóðfélagslega mjög mikilvægt
að sé gert. [F]yrsta skrefið náttúrlega er í rauninni að svona tala um þetta og
kannski gera einhverjar úttektir á hver er vandinn og umfanginu og það má mjög
vel vera að við þurfum að grípa til einhverra sérstakra aðgerða sko.
Skoðun viðmælenda á mikilvægi þess að kanna hvaða ástæður liggja að baki því að innflytjendur
skili sér ekki upp á háskólastigið er í takt við þá stefnu að Háskóli Íslands beri ábyrgð gagnvart
íslensku samfélagi sem honum beri að sinna með öflugum rannsóknum og kennslu.
Í Stefnu
Háskóla Íslands 2011-2016 segir að „Háskólinn [skuli stuðla] að umræðu um hvernig draga megi úr
brottfalli á framhaldsskólastigi. Sérstaklega verði hugað að þeim sem standa höllum fæti í
skólakerfinu, s.s. vegna erlends uppruna eða bágrar efnahagslegrar stöðu.“
Þegar talið barst að erlendum nemendum sem koma gagngert til landsins til að stunda nám kom í
ljós að þó margt væri vel gert í málefnum erlendra nema, mætti gera betur. Í Stefnu Háskóla Íslands
2011-2016 er þess getið að við móttöku nýrra starfsmanna og nemenda þurfi að huga vel að
upplýsingagjöf til þeirra sem koma erlendis frá. Í því sambandi er markmiðið að hafa lög, reglur,
verkferla og helstu tilkynningar ávallt aðgengilegar á íslensku og ensku. Í máli viðmælanda sem
starfar að jafnréttismálum kom fram að nokkur misbrestur væri á að tilkynningar til nemenda og
starfsfólks væru á ensku. Sömuleiðis væru ýmis eyðublöð einungis fáanleg á íslensku. Þetta
sjónarmið kom einnig fram í svörum erlendra nemenda sem tóku þátt í gæðakönnun Háskóla Íslands
vorið 2012 og í opnum svörum erlends starfólks sem svaraði þeirri könnun sem gerð var meðal
starfsfólks Háskóla Íslands til að afla gagna fyrir þessa skýrslu.
Í ársskýrslu Stúdentaráðs 2008-2009 (Stúdentaráð Háskóla Íslands 2010) kemur fram að árið 2008
var í fyrsta sinn ráðinn hagsmunafulltrúi erlendra nema og að það hafi gefist afar vel.
Hagsmunafulltrúi hafi að auki aðstoðað Stúdentaráð við að þýða tölvupóstsendingar og annað yfir á
ensku. Ekki liggja fyrir aðrar upplýsingar um störf hagsmunafulltrúa erlendra nemenda né
alþjóðafulltrúa sem samkvæmt upplýsingum frá Stúdentaráði sinnir hagsmunagæslu fyrir erlenda
nemendur nú. Í ársskýrslum Stúdentaráðs frá því tímabili sem þessi skýrsla tekur til kemur fram að
69