Staða og þróun jafnréttismála - Háskóli Íslands

Tafla 15. Er eitthvað sem þú vilt koma á framfæri um jafnréttismál innan Háskóla Íslands?
Tillögur að úrbótum.
Að unnið verði að jafnrétti í samræmi við Aðalnámskrá.
Aldrei er of oft sagt að gefa verður fleiri konum tækifæri til að að takast á við æðstu stjórnunarstöður HÍ.
Á flestum sviðum HÍ vinna aðeins konur við stjórnsýslu.
Á Menntavísindasviði, þar sem ég starfa, er ábyrgð okkar mjög mikil er varðar jafnréttismál, þar sem við menntum fólkið
sem fer að vinna með börnunum, bæði innan skólanna og utan.
Áhugaverð er orðanotkun í mismunandi fræðasviðum. Þar sem karlar eru í meirihluta er almennt talað um að menn geri
hitt og þetta en í hinum er venjulega talað um þær. Þetta verður til þess að hitt kynið telur sig ekki vera hluti af hópnum
(veit um nokkur þannig dæmi). Þetta kann að hljóma smávægilegt en skiptir máli og væri jákvætt að finna "unisex" lausn
á þessu.
Birta skýrslu með tölfræði á Netinu svo við getum séð þróun
Draga úr ofuráherslu á kenningar og hugmyndafræði.
Efast einhvern vegin um að svona stefnur virki eitthvað svakalega, hver hópur verður bara að berjast fyrir sýnum
markmiðum. Það gerir engin annar það.
Eins og ég hef áður sagt, að þrátt fyrir að það kunni að vera meira jafnrétti og ráðningar og laun, þá eru fjölmargar aðrar
stöður sem konur hafa verið í eins lengi og ég man. Til dæmis starfsfólk við hreingerningar, starfsfólk í íþróttahúsi
háskólans, Kennslumiðstöð, öllum kaffistofunum á háskólasvæðinu, starfsfólk á skrifstofum (í öllum deildunum sem ég þekki
til). Það er spurning um að ráða ekki bara konur í áberandi stöður (t.d. Kristínu sem rektor) heldur að ráða karla í störf
sem alla jafna eru unnin af konum. Þegar þú sérð 50/50 skiptingu karla og kvenna í þeim stöðum sem ég nefndi þá munu
allir taka eftir muninum.
Ég tel alveg jafnmikla þörf á stuðningi við karlkynsnemendur og kvenkynsnemendur í raungreinum. Mér finnst stundum
karlkynsnemendur fjandsamlegir kynjajafnvægishugmyndum því þeir horfa á forréttindi kvenna (hvort sem það á við rök
að styðjast eður ei!) á meðan meirilhluti nemenda er hvort eð er konur sem hafa tamið sér akademisk vinnubrögð. Það er
allt í lagi að sinna karlmennskunni jafnt og feminismanum.
Ég tel brýnast að hanna námskeið um kynjajafnrétti og gera það að skyldu í grunnnámi kennara. Samhliða þyrfti að bjóða
kennurum fræðslu og þjálfun í því að samþætta kynjajafnrétti allri umfjöllun á sínum fræðasviðum.
Ég veit að þetta var skoðað fyrir einhverjum árum...en ég spyr mig samt hvort örugglega sé jafnræði í því meðal kynja
hversu mikið fólk sinnir stjórnunarskyldum.
97