Bethany CS Studim - Milika Dhamo

SHËRBIMET SOCIALE TË BETHANY
“shfrytëzimit” në kontekstin e trafikimit dhe formave të tjera të shfrytëzimit siç mund të jetë
puna e fëmijëve apo aktivitetet ekonomike që përfshijnë fëmijët. “Shfrytëzimi përshkruhet
në termat e shfrytëzimit seksual dhe formave të shfrytëzimit ekonomik të shoqëruara me
forcë dhe robërim, po kështu me heqjen e organeve tek fëmijët për fitime financiare. Gjithsesi,
në praktikë mund të jetë e vështirë për të dalluar midis varësisë normale të një fëmije, sidomos
për ata që janë rreth 13 vjeç apo më pak, tek një i rritur apo fëmijë më i madh dhe një situate
manipulimi, force apo shtrëngimi. Për më tepër, përkufizimi i Protokolli të Palermos nuk
përmend në mënyrë specifike rekrutimin e fëmijës për punë të rrezikshme apo për lypjen
në rrugë apo vjedhjen; gjithsesi këto mund të përfshihen nen atë që përmendet si “punë e
detyruar apo shërbim”.
Përdorimi i termit “shfrytëzim” do të thotë që individët që përfitojnë nga një shfrytëzim
i fëmijës disa here iu referohemi si “shfrytëzues”. Në rastet e shfrytëzimit seksual komercial,
këta individë njihen si “pimps”. Në raste të tjera, ata mund të jenë të punësuar dhe njihen si
“kontrollorë” sepse ata kontrollojnë një fëmijë ndërkohë që ai apo ajo është duke fituar për
ta. Disa herë të njëjtët individë mund të jenë përgjegjës për rekrutimin fillestar të fëmijës
apo të lëvizjes. Në raste të tjera, fëmija është çuar nga trafikanti tek shfrytëzuesi.
Përkufizimet për “shitjen e fëmijëve”, “prostituimin e fëmijëve”, dhe “pornografinë e
fëmijëve”.
a) Prostituimi i fëmijëve do të thotë përdorim i fëmijës në aktivitetet seksuale për shpërblim
apo ndonjë arsye të një forme tjetër.
b) Pornografia e fëmijëve do të thotë çdo prezantim, në çfarëdolloj forme, të përfshirjes së
fëmijës në aktivitete reale seksuale apo aktivitete seksuale të modeluara në mënyrë të
hollësishme apo prezantim i pjesëve seksuale të fëmijës për qëllime primare seksuale.
104