Bethany CS Studim - Milika Dhamo

SHËRBIMET SOCIALE TË BETHANY
mund të kujdesen për veten dhe foshnjën si dhe të monitorojë marrëdhëniet me të tjerët. E
braktisura ka përpara dy alternativa: ta mbajë fëmijës ose ta braktisë atë. Rruga e ndërmjetme,
e lënies së foshnjës për pak kohë në institucion, iu volet nënave që janë duke rregulluar
konkretisht diçka në jetën e tyre.
Në marrjen e vendimit, nëna në krizë duhet të mbajë parasysh dy elemente njëlloj të
rëndësishëm: mirëqenien e fëmijës dhe mirëqenien e vetes së saj. Kujdesi për veten nuk
është moskujdesje për fëmijën e as kujdesi për fëmijën nuk është moskujdes për veten.
Përkundrazi, si kujdesi për veten ashtu edhe kujdesi për fëmijën predispozojnë marrëdhënie
më të mira, aftësi për të monitoruar dhe ndarë jetën private, rrit ndërvarësinë e shëndetshme
dhe fuqinë për të vetëvepruar. Mbajtja parasysh e këtyre premisave themelore në përgatitjen
e gruas për të bërë një plan afatgjatë për veten dhe fëmijën është kërkesë jashtëzakonisht e
rëndësishme. “Si këshillues, ne duhet t’i inkurajojmë klientet femra të zgjedhin: të saktësojnë imazhin
për veten apo të lejojnë të definohen dhe udhëhiqen nga të tjerët”. Të zgjedhin të zotërojnë veten apo
situatën me fëmijën janë dy alternativat e nënave në rrezik. Ato ndihmohen intensivisht që
t’i japin fund varësisë nga të tjerët, të mos lejojnë të bëjnë jetën që të tjerët presin prej tyre.
Përfshirja e të afërmve imediatë (familjarëve, partnerit) është strategji që ndihmon pikërisht
në shuarjen e presionit për të bërë një jetë të diktuar nga të tjerët. Dilema themelore që
duhet të zgjidhë e braktisura në këshillim është pikërisht ndërtimi i një plani jete për veten
dhe fëmijën. Detyra e këshillueseve të Bethany është të ndihmojnë pandarë shtatzënat e
braktisura të vendosin kush dhe çfarë duan të jenë. Mosprekja e mirëqenies, interesave më
të larta dhe të drejtave të fëmijës janë kushti suprem.
Shërbimet synojnë ruajtjen e lidhjes nënë biologjike:fëmijë. Shtatëzana eksploron të gjitha
mundësitë për ta mbajtur fëmijën. Mbajtja e fëmijës është alternativa e synuar. Braktisja
përmes praktikave ligjore është gjithashtu një alternativë kur ajo vendos se mirëqenia e të
dyve favorizohet pikërisht nga lënia e fëmijës në institucion. Lenia e fëmijës në institucion
mund të jetë dy formash: e përkohshme, e përhershme.
Fëmija vendoset në institucion ose në kujdestari përkohësisht, për aq kohë sa nëna të
marrë veten. Braktisja e përhershme fillon në maternitet, menjëherë pas lindjes, në
kujdestarinë e punonjëseve sociale të maternitetit. Në të dyja rastet e braktisjes së përhershme
apo lënies së fëmijës përkohësisht në institucion, praktikat ndiqen nga punonjësit socialë të
Shërbimit Social Shtetëror dhe mbështetën në ligj.
52