Bethany CS Studim - Milika Dhamo

SHTATËZANIA NË KRIZË
shpëtimtarja a zgjidhësja e problemit. Ja sesi shprehen disa prej tyre: “Jam në dorën tënde!”,
“Më bëj derman!”, “Nuk kam vend tjetër ku të shkoj!”. Edhe emocioni i frikës është një transferencë
e ndeshur dendur. Frika pohohet të jetë përjetuar në përqindje shumë të larta, 19.5%.
Ka nëna që ndjehen të pasigurta (10.9%), kur përballen me punonjësen sociale. Nuk
mungojnë dhe ato që ndihmën e dhënë nga punonjësja sociale e shikojnë si një të mirë
shumë të madhe për t’u besuar (15.2%). Ato i habit fakti që ka njerëz që mund t’i ndihmojnë,
ndaj janë dyshuese, mosbesuese.
Shërbimi i “Strehëzës për shtatzënat e braktisura” është i vetmi në llojin dhe filozofinë e
tij. Ai është holistik, intensiv dhe me synime të qarta ndihme. Ai nuk përdor vetëm resurset
e brendshme të organizatës, shërbimin social, mjekësor, psikologjik e trajnues, por edhe
ndihmën e gjithanshme që japin familjet strehuese, shërbimet e punësimit, trajnimit dhe
kualifikimit, institucionet e trajtimit të specializuar mjekësor, bashkia e Tiranës, minibashkitë,
çerdhet, maternitetet e Tiranës, shërbimi social shtetëror, vullnetarë, etj., duke e shtuar kështu
shumëfish vlerën e shërbimit.
Mbi “zanat” e mira: familjet strehuese
Bethany beson se ndihma e punonjëseve sociale, mjekëve dhe psikologëve shtohet
shumëfish në vlerë duke u komplementarizuar me ndihmën e ardhur nga familjet strehuese.
Strehimin në familje vullnetare, Bethany e shikon si vlerë të shtuar të shërbimit. Modele
vlerash në veprim, burime empatie dhe ndihme të natyrshme, burime shprese dhe inkurajimi,
agjentë të informimit hap pas hapi për shanse pune e strehimi, moderatorë, mësues të
natyrshëm, udhëheqës shpirtërorë: ja në çfarë shndërrohen familjarët strehues në program.
Përzgjedhja e tyre bëhet përmes një skrinimi të kujdesshëm. Kriteret e një familje strehuese
përfshijnë, por nuk mjaftohen me: një dinamikë të shëndetshme familjare, background të pastër
ligjor dhe moral, të ardhura të mjaftueshme, reputacion pozitiv në komunitet, disponibilitet
në kohë, shëndet të mirë mendor dhe fizik, vlera të shëndosha, respekt për jetën. Familjarët
strehues kontraktohen të kujdesen me përkushtim ndaj shtatëzanave. Ata respektojnë
klienten dhe organizatën. Gjatë përkushtimit në program, familjet strehuese trajnohen në
çështje të shtatzënisë në krizë dhe të përballimit të situatave stresante.
61