Bethany CS Studim - Milika Dhamo

SHTATËZANIA NË KRIZË
Kultura familjare si në mjediset rome ashtu edhe ato të bardha paraqitet e mbyllur. Po ashtu,
edhe kontrolli mbi shtatzëninë mbetet i jashtëm tek të dyja popullatat. “Besoja se do të më
ruante partneri!” është përgjigja më naive e artikuluar nga të dy palët.
4. Shtatëzania e padëshiruar, jashtë kurore, që prodhon kriza, që rrezikon të mbushë radhët
e fëmijëve kandidatë për t’u trafikuar duhet të sensibilizojë burimet komunitare.
Përvoja e programit “Strehë për shtatëzaninë në krizë” tregon se vlera e përfshirjes së
familjeve strehuese është e shumëfishtë dhe faktor real në suksesin e rastit. Instrumentalizimi
i ndihmës së komunitetit përbën ende një sfidë të vërtetë për shërbimet sociale të ndihmës.
5. Shtatëzania e padëshiruar, jashtë kurore, që prodhon kriza, që rrezikon të mbushë radhët
e fëmijëve kandidatë për t’u trafikuar duhet të sensibilizojë institucionet e edukimit.
Fuqizimi i shërbimeve të arsimimit, edukimi me shprehitë për jetën, sjellja e arsimit pranë
nevojave të tregut të punësimit, sigurimi i trajnimit dhe aftësimit për punë gjatë gjithë jetës
mund të jenë disa nga strategjitë e parandalimit të shtatzënisë jashtë martese. Perspektivat
e mbyllura në zonat urbane janë kërcënuese jo vetëm për vajzat e paarsimuara, por edhe
për ato të arsimuarat në një sistem të mbyllur.
6. Shtatëzania e padëshiruar, jashtë kurore, që prodhon kriza, që rrezikon të mbushë radhët
e fëmijëve kandidatë për t’u trafikuar duhet të sensibilizojë organizmat e punësimit.
Fakti se shtatzënia e padëshiruar ndodh me shpesh në vajzat e papunësuara do të thotë se
frika nga papunësia çon në një ngutje drejt marrëdhënieve të pambështetura. Mbase ardhja në
qytet dhe mbetja pa punë shikohen si traumatike. Në këto kushte, ngutja drejt marrëdhënieve
intime duket përpjekje normale në kërkim të plotësimit të nevojës për të qenë e dashur, e
vlerësuar, me përkatësi në grup, me më shumë identitet dhe shpresë. 89.1% e shtatzënisë së
braktisur ndodh në qytet. Ky fakt mund të jetë tërësisht kështu, por mund të jetë gjithashtu që
shërbimet sociale janë anemike në fshat, po ashtu edhe shërbimi mjekësor parësor gjinekologjik.
Gjithsesi, korrelacioni midis punësimit dhe shtatzënisë së padëshiruar është shumë më i
fuqishëm (1:9) se sa korrelacioni fshat-qytet (2.3:7.7). Papunësia është determinant më i
67