Bethany CS Studim - Milika Dhamo

SHËRBIMET SOCIALE TË BETHANY
Efektet afatgjata të ndarjes varen nga mosha e fëmijës. Ndarja nga prindërit në muajt e
parë të jetës ka efekte sabotuese për cilësinë e shëndetit mendor të tij. Ndarja pasi është
formuar lidhja emocionale me prindërit shkakton çrregullime të rënda emocionale,
çrregullime të gjumit, humbje të shprehive të ushqyerit, pasivitet, të qara të shpeshta, ankth
të madh në prani të të huajve, mbyllje, tërheqje, etj.
Edhe kur nënat vendosin ta braktisin përkohësisht fëmijën, ato ndihmohen të mos e mbajnë
peng fëmijën. Ato duhet të zhvillojnë një plan urgjent të marrjes së fëmijës nga institucioni.
E drejta e fëmijës për një fillim të mirë në jetë është gjithmonë arsyeja më e madhe.
Këshillimi social e psikologjik pas lindjes i ndihmon nënat të vendosin raporte emocionale
dhe kujdesi me fëmijën, të gjejnë kuptime të reja për veten dhe fëmijën si dhe të identifikojnë
strategji të çlirimit emocional.
Si rezultat i këshillimit, siç tregojnë edhe të dhënat e tabelës së mëposhtme, 87% e nënave
kanë vendosur ta mbajnë fëmijën e lindur jashtë kurore. 13 % e tyre kanë vendosur pro
braktisjes. Siç shikohet edhe në përgjigjet e nënave, arsyet e braktisjes shpesh qëndrojnë
jashtë tyre: fëmija është produkt i një marrëdhënie jashtëmartesore të padeklaruar, nëna
ndjen turp nga familjarët dhe komuniteti apo dhimbje nga episodi i dhunimit që ka çuar në
konceptimin e fëmijës.
Fëmija nuk është imi, mua më kanë përdhunuar...
Një nënë
Braktisja ndodh edhe ne rastet kur nëna vuan probleme të shëndetit mendor. Disa nëna
braktisin se besojnë tek alternativa e birësimit, e asaj ç’ka prindër të tjerë do t’i ofrojnë fëmijës
në këndvështrimin ekonomik e shpirtëror. Disa shtatëzana të braktisura nga bashkëshortët
e tyre mund të kenë fëmijë të tjerë për të rritur, ndërkohë që vuan në mjerim ekonomik dhe
kushte shumë të vështira jetese. 2.2% e të intervistuarave e braktisin fëmijën sepse duan të
shpëtojnë nga situata ku janë futur. Shtatzënia e tyre mund të ketë ardhur nga marrëdhënie
jashtëmartesore, mund të jetë e kërcënuar nga partneri apo familja e origjinës të cilët nuk
janë gati ta pranojë nënën bashkë me fëmijën. 2.2% e të intervistuarave pohojnë se e braktisin
fëmijën sepse dinë që ka familje që duan ta birësojnë. Birësimi, sido që njihet në program si
alternativë e shëndetshme, rrethohet ende me tis paqartësie nga nënat. Ai pak njihet në
publik dhe shpesh ngatërrohet me trafikimin. Birësimi dhe trafikimi janë antipode të njeri
54