Bethany CS Studim - Milika Dhamo

SHTATËZANIA NË KRIZË
Punonjësit e shërbimit psikosocial të Bethany ndihmojnë nënat të eksplorojnë dhe sfidojnë
pritshmëritë skematike që mund të kenë mbi limitimin gjinor. Nënat e braktisura ndihmohen
në kapërcimin e pengesave të brendshme lidhur me autonominë, në rritjen e vetëvlerësimit
dhe tejkalimin e varësisë të domosdoshme këto për të mbajtur fëmijën. Ndjeshmëria gjinore
i ka ndihmuar këshillueset:
• Të kuptojnë vështirësitë që i krijohen klientes nga perspektiva gjinore për të mbajtur
fëmijën;
• Të përcaktuar vështirësitë që has realisht nëna dhe fëmija pa baba në integrimin social;
• Të promovojnë politika në favor të planit personal të grave që i rrisin fëmijët pa
partnerët,
• Të kuptojnë sjelljet, rolet dhe statusin specifik të burrit dhe gruas;
• Të analizojnë pritshmëritë e gruas nënë;
• Të analizojnë varësinë e gruas nga besimi se martesa është zgjedhja më e mirë për
gruan;
• Të tregojnë kujdes për punësimin për karrierën dhe nevojat e gruas;
• Të inkurajojnë partnerët të besojnë se rritja e fëmijëve është përgjegjësi e palëve.
Efektet e ndarjes nga nëna
Në program, shtatzëna e braktisur zhvillon një plan të përhershëm vendosjeje për fëmijën,
që pa ardhur ai në jetë. Një ndër arsyet qendrore profesionale pse Bethany punon për
fuqizimin e nënës me qëllim parandalimin e braktisjes dhe lënies së fëmijës në institucion
është se ndarja nga nëna biologjike në foshnjëri dhe institucionalizimi i hershëm i fëmijës
kanë pasoja në zhvillimin psikologjik të fëmijës. Privimi nga dashuria amësore ndikon
dukshëm në shëndetin mendor dhe fizik të foshnjës në jetë. Gjatë vitit të parë fëmija ndërton
arkitekturën e tij psikike. Mungesa e nënës gjatë vitit të parë shënjohet në sjelljen e
mëvonshme.
U mërzita shumë kur pashë djalin që luante me edukatoren. Kur vajta unë ai nuk ma vari fare.
Luante vetëm të. U bëra xheloze. E mora në krahë me forcë. Doja të puthja. Ai qau!
B, 16 vjeç
53