Bethany CS Studim - Milika Dhamo

SHËRBIMET SOCIALE TË BETHANY
psikologjik me fëmijën. 13.0% kanë marrë ndihmë për të rritur vetëbesimin si nëna. Edhe kur
vetëbesimi nuk ka qenë çështje e ditës, në mënyrë të “fshehtë” ai ka qenë qendror në këshillim.
19.6% çmojnë ndihmën për të qenë më të qartë në rrugën e jetës. Këshillimi i ndihmon shtatzënat
e braktisura të fitojnë perspektiva të reja të të parit të situatave dhe reagimeve të familjarëve.
8.7% çmojnë aftësimin për të marrë vendime. Nuk janë të pakta rastet që raportojnë ndjenja
urrejtjeje ekstreme ndaj partnerëve që i kishin braktisur. Dukej sikur qëllimi i jetës ishte hakmarrja.
2.2% e të intervistuara çmojnë aftësimin për t’u ndarë nga urrejtja.
Po! Do ta mbaj fëmijën. Jo! Do ta shes dhe do blej armë të vras atë!
Një kliente në takimet e para
Këshillimi i ka ndihmuar shtatzënat të fitojnë kuptime të reja për veten dhe fëmijën, si
dhe të njohin rrugë të çlirimit emocional afatgjatë.
4. Mbi trajnimin
Shtatzënat e braktisura në rrezik kalojnë një periudhë stuhie edhe stresi të paprovuar më
parë në jetë gjë që i çon në një paralizë të vërtetë. Shërbimet sociale marrin përsipër edhe
trajnimin e tyre për jetën.
Edukimi në program i shtatzënave të braktisura e në rrezik me shprehitë për jetën ka një
kuptim holistik. Ai synon jo vetëm vendosjen e një raporti të drejtë me veten (shërbimi
psikologjik), vendosjen e raporteve funksionale me elementë të afërt të gjeneasistemit
(shërbimi social), por edhe formimin e shprehive të gjetjes së punës, strehimit, të manazhimit
të burimeve financiare vetë, të forcimit të shprehive të punës, të mirërritjes së fëmijëve, etj.
Ai zhvillohet nga vetë punonjësit socialë në klasat e prindërimit dhe shprehive për jetën.
Jam e çuditur sot, shumë e çuditur. Nuk kisha besuar më parë se do të kishte nëna që nuk dinë as të
shkruajnë emrin e tyre. Madje nuk kanë qenë ndonjëherë në nevojë për ta shkruar emrin e tyre”.
Një këshilluese pas këshillimit të grave rome
50