Bethany CS Studim - Milika Dhamo

SHTATËZANIA NË KRIZË
nënës, dëmtojnë përpjekjet për të zotëruar situatën. Dashuria e mohuar për shtatzënën ndikon
në gatishmërinë e saj për atashim me fëmijën.
“Pashë atë në ëndërr. Më kërkonte të largohesha nga qyteti! E nëse nuk ikja, do të na vriste të dyjave:
edhe mua edhe vajzën. Na kërcënonte më gurë. U zgjova e trembur! Ai nuk më ka pas kërcënuar kurrë me
vrasje! A mos i ka shkuar në mënd tani? Si ta ruaj vajzën? Se ai e bën!”.
E. 19 vjeç
Neglizhimi
Për një pjesë të shtatzënave, neglizhimi nuk është dukuri e re. Ai është pjesë e rritjes dhe
marrëdhënies më partnerin, por neglizhimi i menjëhershëm dhe total i vetes gjatë shtatzënisë ka
shkak dhunën dhe frikën. Neglizhimi, përpos interesave, prek kujdesin për veten dhe higjienën
personale. Pamja dhe era e trupit dëshmojnë vetëneglizhimin total që pason neglizhimin nga të
tjerët e rëndësishëm.
Poshtërimi
Poshtërimi raportohet dendur prej shtatzënave të braktisura. Ai vjen si nga familja e
origjinës, nga partneri ashtu edhe nga të tjerët përreth duke marrë shpesh përmasa të
marxhinalizimit social.
“Nuk shkoj dot më në lagje. Atje të gjithë e dinë punën time dhe nuk më flasin. Asnjë njeri s’më
flet. Madje djemtë e dajës më kanë kërcënuar se nëse më shohin prapë në lagje..., do të më zhdukin! I
kam turpëruar të gjithë, më thonë. Edhe mua më vjen shumë turp për çfarë kam bërë...”
S.18 vjeç
Poshtërimi ndikon drejtpërdrejt në shëndetin mendor të shtatzënës. Përjetimi i poshtërimit
prej njerëzve të rëndësishëm ngacmon emocionet negative, bën të bllokohet dopamina në
hipotalamus, gjë që pengon racionalitetin në marrjen e vendimeve.
Si pasojë e ushtrimit të dhunës fizike, emocionale dhe psikologjike tek shtatzënat në
krizë, gjatë shërbimit vërehen karakteristika të individit të traumatizuar dhe depresuar:
25